അമ്പതുകളിലെ 'ഡോഡ്‌ജ് 'കാറിന് കൊച്ചിയിൽ മാസ് എൻട്രി

By Praseetha

Updated: Wednesday, July 27, 2016, 13:23 [IST]

കൈനിറയെ കാശുണ്ടെങ്കിൽ ആർക്കും എത്തരത്തിലുള്ള കാർ വേണമെങ്കിലും സ്വന്തമാക്കാം. എന്നാൽ പഴഞ്ചൻ കാർ തിരഞ്ഞുപിടിച്ച് മിനുക്കുപണി നടത്തി പഴയ പ്രൗഡിയോടെ തിരിച്ചെടുക്കണമെങ്കിൽ അതിന്റെ പിന്നിലുള്ള ആത്മാർത്ഥയും പ്രയത്നവും അത് പ്രശംസിക്കാതെ വയ്യ.

സൂപ്പർ കാർ ലുക്കിൽ ഒരു തിരോന്തരം സ്വിഫ്റ്റ്

കോടികൾ മുടക്കാൻ തയ്യാറായാൽ ഏത് അത്യാംബബര കാർ വേണമെങ്കിലും വശത്താക്കാം എന്നാൽ ഇതാണ് വാഹനങ്ങളോടുള്ള യാഥാർത്ഥിലുള്ള ക്രേസ്. മലയാളിയായ ജയദേവ് ഗോപകുമാറിന്റെ വിന്റേജ് കാറുകളോടുള്ള ഭ്രമം എത്രമാത്രമുണ്ടെന്നുള്ളതിന് തെളിവാണ് അമ്പതുകളിലെ ഈ ഡോഡ്‌ജ് ക്ലാസിക് മോഡൽ.

അമ്പതുകളിലെ 'ഡോഡ്‌ജ് ' കാറിന് കൊച്ചിയിൽ മാസ് എൻട്രി

പഴ‍ഞ്ചൻ കാർ വാങ്ങി അതിനെ മിനുക്കിഎടുക്കന്നതിലും ഭേദം പുതിയതൊന്നു വാങ്ങുന്നതാണ് നല്ലതെന്ന് ചിന്തിക്കുന്നവരാണ് ഏറിയപങ്കും.

എന്നാൽ പ്രൗഡിയുള്ള പഴയൊരു കാർ മിനിക്കുഎടുത്തുപയോഗിക്കുമ്പോൾ ആ ഉടമസ്ഥനുണ്ടാകുന്ന ആത്മസംതൃപ്തി പണം കൊടുത്താലും ലഭിക്കില്ല.

1955കളിലെ തുരുമ്പെടുത്ത ഡോഡ്‌ജ് ക്ലാസിക് മോഡലിനെയാണ് ജയദേവകുമാർ പഴയ പ്രതാപത്തോടെ തിരിച്ചെടുത്തിരിക്കുന്നത്.

പഴയ കാറുകളെ മിനുക്കിയെടുക്കുക എന്നത് ഇദ്ദേഹത്തെ സംബന്ധിച്ചിടത്തോളം ഒരു വിനോദമാണ്. ഇത്തരത്തിൽ നിരവധി വിന്റേജ് കാറുകളുടെ ഒരു ശേഖരം തന്നെയുണ്ട് ജയദേവന്റെ പക്കൽ.