പോർഷയ്ക്ക് ഇപ്പോൾ കഷ്ടക്കാലമാണെന്നാ തോന്നുന്നെ, സിയാസിൽ ഇടിക്കുന്ന വീഡിയോ വൈറൽ

ഒരു വാഹനത്തിൽ ഡാഷ്ക്യാം ഘടിപ്പിച്ചാലുളള ഗുണം ഒരു അപകടം സംഭവിക്കുമ്പോഴാണ് മനസിലാകുന്നത്. മുന്നിൽ പോകുന്ന ടാറ്റ നെക്സോണിൻ്റെ ക്യാമറയിൽ പതിഞ്ഞ വീഡിയോ വൈറലാണ്. ഡൽഹിയിൽ ഒരു സിഗ്നലിൽ വച്ചാണ് പോർഷ ചുവന്ന ലൈറ്റ് തെളിച്ച ശേഷമാണ് നിർത്തിയത്. ഇതിനെ തുടർന്ന്, ഈ കാറുകൾ ഉൾപ്പെടുന്ന അപകടത്തിന് മുമ്പ് യഥാർത്ഥത്തിൽ എന്താണ് സംഭവിച്ചതെന്ന് നമുക്ക് വിശദമായി നോക്കിയാലോ. ഡാഷ്‌ക്യാം ഫൂട്ടേജിൽ നിന്ന്, വലത് ലെയ്നിൽ ഒരു വെളുത്ത പോർഷെ പനമേര സെഡാൻ ഉണ്ടായിരുന്നുവെന്ന് കാണാം. ല കാരണങ്ങളാൽ ട്രാഫിക് ഫ്ലോ നീങ്ങുമ്പോൾ, പോർഷെ പനമേരയുടെ ഡ്രൈവർ താൻ ഓടിച്ചിരുന്ന പാതയിൽ നിർത്തിയതും കാണാം.

പെട്ടെന്ന് വെളുത്ത സിയാസ് വന്ന് ടാറ്റ നെക്‌സോണിനെ പിന്നിൽ നിന്ന് ഇടിക്കുകയായിരുന്നു. ഇത് സംഭവിച്ചതിന് തൊട്ടുപിന്നാലെ, മാരുതി സുസുക്കി സിയാസ് ഉടമയും ടാറ്റ നെക്സോൺ ഉടമയും കാറിൽ നിന്ന് പുറത്തിറങ്ങി. നെക്‌സോൺ ഉടമ ആദ്യം സിയാസ് ഉടമയുടെ അടുത്തേക്ക് നീങ്ങി, എന്നാൽ തെറ്റ് മുഴുവൻ പോർഷെ ഉടമയുടേതാണെന്ന് മനസ്സിലാക്കിയ ഉടൻ തന്നെ ഇരുവരും പോർഷെ ഡ്രൈവറുമായി വഴക്കിടുകയായിരുന്നു.

റോഡിൽ വിശാലമായ സ്ഥലമുണ്ടെന്ന് കാണാം, ചില കാരണങ്ങളാൽ അദ്ദേഹം മുൻപിൽ നിർത്തി. ഈ അപകടത്തിൻ്റെ കാരണം പോർഷെ ഡ്രൈവറുടെ ശ്രദ്ധ തെറ്റിയതാവാം, വീഡിയോയിൽ നിന്ന്, തകർച്ചയ്ക്ക് ശേഷം പോർഷെയ്ക്കും മാരുതി സുസുക്കി സിയാസിനും സാരമായ കേടുപാടുകൾ സംഭവിച്ചതായി നമുക്ക് ശ്രദ്ധിക്കാം. പോർഷെ പനമേരയുടെ മുൻവശത്തെ ഇടത് ഭാഗമാണ് തകർന്നത്. ഇതിൻ്റെ ഹെഡ്‌ലൈറ്റും മുൻ ബമ്പറും തകർന്നു.

മൂന്നാം തലമുറ പനമേറയ്ക്ക് പോർഷയുടെ വില എന്നത് 1.68 കോടി രൂപയാണ്. വിവാദമായ ഒന്നാം തലമുറ മോഡലിനെ അപേക്ഷിച്ച് രണ്ടാം തലമുറയിൽ കാര്യമായി സ്റ്റൈലൈസ് ചെയ്ത അതേ സ്ലോപ്പിംഗ് റൂഫ് ലൈനാണ് പിൻഭാഗത്തും ലഭിക്കുന്നത്. ടെയിൽ ലൈറ്റുകളും നിലവിലെ മോഡലിന് ഏറെ കുറെ സമാനമാണ്. ഒരു കണക്റ്റഡ് എൽഇഡി ലൈറ്റ് ബാറും ഇവിടെ കാണാം. ടോപ്പ് സ്പെക്ക് പോർഷ ടർബോ ഇ-ഹൈബ്രിഡ് വേരിയന്റിൽ മാത്രമേ റിയർ ഡിഫ്യൂസറും ഡാർക്ക് ബ്രോൺസ് ടെയിൽപൈപ്പുകളും ലഭിക്കുന്നുള്ളൂ എന്നത് ശ്രദ്ധേയമാണ്.

അകത്തളത്തിൽ കാര്യമായ മാറ്റങ്ങളൊന്നും തന്നെയില്ല. ഗിയർ സെലക്ടർ ഇപ്പോൾ സെന്റർ കൺസോളിൽ നിന്ന് സ്റ്റിയറിംഗ് കോളത്തിലേക്ക് മാറ്റിയിട്ടുണ്ട്. സ്‌പോർട് ക്രോണോ പാക്കേജ് ഇപ്പോഴും ഇതിലുണ്ട്. സർക്കുലർ അനലോഗ് ഡിജിറ്റൽ ഇൻസ്ട്രുമെന്റ് ക്ലസ്റ്റർ ഇപ്പോഴും മാറ്റമില്ലാതെ തുടരുന്നു. കൂടാതെ പോർഷ ഇപ്പോൾ ഓപ്ഷണൽ 10.9 ഇഞ്ച് പാസഞ്ചർ ഡിസ്പ്ലേയും വാഗ്ദാനം ചെയ്യുന്നു.

മൂന്നാം തലമുറ മോഡലിനെ കുറിച്ച് അധികം ചർച്ച ചെയ്യാത്ത ഒരു ശ്രദ്ധേയമായ ഒഴിവാക്കൽ എന്നത്, രണ്ടാം തലമുറ മോഡലിന് ഉണ്ടായിരുന്ന പഴയ കാലത്തെ ക്ലാസിക് പോർഷ ട്വിസ്റ്റ് കീയാണ്. പനമേറയ്‌ക്ക് ഒപ്പം ഒന്നിലധികം പവർട്രെയിൻ ഓപ്ഷനുകൾ പോർഷ ഇപ്പോൾ വാഗ്ദാനം ചെയ്യുന്നു.

കൂടാതെ ഇ-ഹൈബ്രിഡ് വേരിയന്റുകളുമുണ്ട്. സ്റ്റാൻഡേർഡ് പനമേറയ്ക്കും പനമേര 4 -നും 348 bhp പവറും 499 Nm പീക്ക് torque ഉം സൃഷ്ടിക്കുന്ന 2.9 ലിറ്റർ V6 ടർബോ പെട്രോൾ എഞ്ചിനാണ് ലഭിക്കുന്നത്. ഇത് മുൻ മോഡലിനെ അപേക്ഷിച്ച് 23 bhp അധിക പവറും 50 Nm കൂടുതൽ torque ഉം നൽകുന്നു.

സ്റ്റാൻഡേർഡ് പനമേര RWD മോഡലാണ്, 5.0 സെക്കൻഡിൽ പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ ഇതിനാവും. മണിക്കൂറിൽ 272 കിലോമീറ്ററാണ് വാഹനത്തിന്റെ ടോപ്പ് സ്പീഡ്. 4.7 സെക്കൻഡിനുള്ളിൽ 0-100 kmph വേഗതയും 270 km ടോപ്പ് സ്പീഡും അവകാശപ്പെടുന്ന AWD സജ്ജീകരണം പനമേര 4 കൊണ്ടുവരുന്നു.

ഇത് കൂടാതെ, 25.9 kWh ബാറ്ററി പായ്ക്കും 4.0 ലിറ്റർ ട്വിൻ-ടർബോ V8 യൂണിറ്റുമായി ഇണചേർന്ന ഒരു ഇലക്ട്രിക് മോട്ടോറും ലഭിക്കുന്ന പനമേര ടർബോ E-ഹൈബ്രിഡ് യൂണിറ്റും ചോയിസിലുണ്ട്. മൊത്തം പവർ ഔട്ട്പുട്ട് 670 bhp ഉം സംയുക്ത torque 928 Nm ഉം ആണ്. പനമേറ ടർബോ ഇ-ഹൈബ്രിഡ് പോർഷയുടെ പ്രശസ്തമായ എട്ട് സ്പീഡ് PDK ഗിയർബോക്‌സിനൊപ്പം AWD സംവിധാനവും സ്റ്റാൻഡേർഡായി ചേർത്തിരിക്കുന്നു.