മാരുതിയെന്നാല്‍ സര്‍വീസ്; ടാറ്റയെന്നാല്‍...?

By Santheep

Published: Friday, March 20, 2015, 11:30 [IST]

ഏതെങ്കിലും കാര്‍ കമ്പനിയുടെ പേര്‍ കേള്‍ക്കുന്ന മാത്രയില്‍ നമ്മുടെ മനസ്സിലേക്ക് കയറിവരുന്ന ഒരു ചിത്രമുണ്ട്. അത് പ്രസ്തുത കമ്പനിയുടെ പൊതു പ്രതിച്ഛായയാണ്. ഈ പ്രതിച്ഛായ വെറുതെ ഉണ്ടാകുന്നതല്ല. ഉണ്ടാക്കിയെടുക്കുന്നതാണ് പലപ്പോഴും. ചില ഘട്ടങ്ങളില്‍ പ്രതികൂലമായ വിപണിസാഹചര്യത്തിലൂടെ പോകുന്ന കമ്പനികളെ സംബന്ധിച്ച് ഒരു മോശം ചിത്രം മനസ്സില്‍ പതിയാനും ഇടയുണ്ട്.

കാര്‍ വാങ്ങാന്‍ ഒരാള്‍ ആലോചിക്കുന്ന ഘട്ടത്തില്‍ അയാളുടെ മനസ്സില്‍ അറിയാതെ പതിഞ്ഞു കിടക്കുന്ന ഈ പ്രതിച്ഛായയാണ് പണിയെടുക്കുന്നത്. അയാളുടെ കാര്‍ വാങ്ങല്‍ തീരുമാനത്തെ വന്‍തോതില്‍ സ്വാധീനിക്കുന്ന വിധത്തില്‍ ലോബീയിങ് നടത്തുന്ന നമ്മുടെ മനസ്സിലെ പ്രതിച്ഛായ. താഴെ ഓരോ കമ്പനിയെക്കുറിച്ചും നമ്മുടെ മനസ്സില്‍ പതിഞ്ഞ ചിത്രം എന്താണെന്ന് ചര്‍ച്ച ചെയ്യുന്നു. നിങ്ങള്‍ക്ക് വിയോജിപ്പുകളുണ്ടാകാം. അവ കമന്റ് ബോക്‌സില്‍ രേഖപ്പെടുത്തുക.