എയർ ഫിൽട്ടർ കേടായാൽ എഞ്ചിൻ്റെ കാര്യം കട്ടപൊക; ഈ കാര്യങ്ങൾ ചെയ്യാൻ മറക്കരുത്

നിങ്ങളുടെ വാഹനത്തിൻ്റെ എഞ്ചിനിലേക്ക് അഴുക്കും പൊടിയും മറ്റ് അവശിഷ്ടങ്ങളും കടക്കാതിരിക്കുന്നതിന് സഹായിക്കുന്ന ഒന്നാണ് എയർ ഫിൽട്ടർ. എയർ ഫിൽട്ടർ ഇടയ്ക്ക് വൃത്തിയാക്കുകയും മാറേണ്ടതുണ്ടെങ്കിൽ ഒട്ടും താമസിക്കാതെ തന്നെ മാറ്റേണം. എയർ ഫിൽട്ടർ കേടായാൽ നിങ്ങളുടെ എഞ്ചിന് എന്ത് സംഭവിക്കുമെന്ന് അറിയാമോ? അതിനായി തുടർന്ന് വായിക്കാൻ മറക്കരുത്.

മിക്ക എയർ ഫിൽട്ടറുകളും 5 മുതൽ 6 മൈക്രോൺ അല്ലെങ്കിൽ അതിൽ കൂടുതൽ വലിപ്പമുള്ള കണികകളെയാണ് ഫിൽട്ടർ ചെയ്യുന്നത്. രണ്ട് മൈക്രോൺ വലുപ്പമുള്ള 80 മുതൽ 90 ശതമാനം വരെയുളള കണികകളെയും തടയുന്നുണ്ട്. പ്രീമിയം ഗാർഡിൽ നിന്നുള്ള ചില ഉയർന്ന നിലവാരമുള്ള ഫിൽട്ടറുകൾ, 99 ശതമാനം വരെ മലിനീകരണം ഫിൽട്ടർ ചെയ്യുന്നുണ്ട്. ഈ ഫിൽട്ടറുകൾ നിങ്ങളുടെ വാഹനത്തിന്റെ എഞ്ചിനിലേക്ക് കടക്കാൻ ശ്രമിക്കുന്ന കൂടുതൽ ദോഷകരമായ മാലിന്യങ്ങളെ തടയുന്നു.

തെറ്റായ ഫിൽട്ടർ ഇൻസ്റ്റാളേഷൻ അല്ലെങ്കിൽ തെറ്റായ ഫിൽട്ടർ ഇൻസ്റ്റാൾ ചെയ്യുന്നത് നിങ്ങളുടെ എഞ്ചിനിലേക്ക് അഴുക്കും അവശിഷ്ടങ്ങളും കൂടുതലായി കയറാനുളള സാധ്യത സൃഷ്ടിക്കുന്നു. എഞ്ചിന്റെ എയർ ഇൻടേക്ക് പൂർണ്ണമായും ഫിൽട്ടറിംഗ് ചെയ്യുന്നില്ലെങ്കിൽ കാറിന് നിരവധി കേടുപാടുകൾ സംഭവിച്ചേക്കാം. ഏതൊക്കെ രീതിയിലുളള കേടുപാടുകളാണ് വരാൻ സാധ്യതയുളളത് എന്ന് അറിഞ്ഞിരിക്കാം

എയർ ഫിൽട്ടറുകൾ ടർബോചാർജ്ഡ് എഞ്ചിനുകൾക്ക് വളരെ പ്രധാനവും ഒഴിച്ചുകൂടാനാവാത്തതുമാണ്. ടർബോചാർജറുകൾ വർധിച്ച പ്രകടനത്തിനായി എഞ്ചിനിലേക്ക് കൂടുതലായി വായു സമ്മർദ്ദം ചെലുത്തുന്നുണ്ട്. ടർബോചാർജറിന്റെ ഒരു വശം, ഇംപെല്ലർ സൈഡ്, എഞ്ചിന്റെ എയർ ഇൻടേക്കുമായി ബന്ധിപ്പിച്ചിരിക്കുന്നു. ഫങ്ഷണൽ എയർ ഫിൽട്ടർ ഇല്ലാതെ, അഴുക്കും അവശിഷ്ടങ്ങളും എളുപ്പത്തിൽ ടർബോചാർജറിലേക്ക് പ്രവേശിക്കുകയും അതുവഴി കേടുപാടുകൾ സംഭവിക്കുകയും ചെയ്യും.

എഞ്ചിനിൽ പിസ്റ്റൺ താഴേക്ക് നീങ്ങുമ്പോൾ, വായു വലിച്ചെടുക്കുന്നു. ഇത് എഞ്ചിന്റെ ഇൻടേക്ക് സ്ട്രോക്കിലാണ് സംഭവിക്കുന്നത്. എയർ ഫിൽട്ടർ ഇല്ലെങ്കിൽ, എഞ്ചിൻ ഒരേ സമയം അഴുക്കും അവശിഷ്ടങ്ങളും വലിച്ചെടുക്കുന്നത് വഴി വാൽവുകൾ, പിസ്റ്റണുകൾ, സിലിണ്ടർ വാളുകൾ തുടങ്ങിയ അകത്തുളള എഞ്ചിൻ ഭാഗങ്ങൾക്ക് കേടുവരുത്തും. അമിതമായ എണ്ണ ഉപഭോഗം, മോശം എഞ്ചിൻ പ്രകടനം, ഒടുവിൽ എഞ്ചിൻ തകരാർ എന്നിവയാണ് ഇതിൻ്റെ പരിണിത ഫലം.

ചില സന്ദർഭങ്ങളിൽ, കഠിനമായി ഫിൽട്ടർ ടർബോചാർജറിലേക്കും എഞ്ചിനിലേക്കും മലിനീകരണം പ്രവേശിക്കാൻ ഇതുവഴി സാധിക്കുന്നു. കാരണം ആവശ്യത്തിന് വായു വലിക്കാൻ എഞ്ചിന് കൂടുതൽ പ്രയത്നിക്കേണ്ടി വരും. എഞ്ചിനിലേക്ക് അഴുക്കും അവശിഷ്ടങ്ങളും വലിച്ചെടുക്കുന്ന ഒരു വാക്വം ഇഫക്റ്റായി മാറുമെന്നതാണ് അതിൻ്റെ ഫലം.

നിങ്ങളുടെ എഞ്ചിനെ അഴുക്കിൽ നിന്നും അവശിഷ്ടങ്ങളിൽ നിന്നും സംരക്ഷിക്കുന്നതിനുള്ള ഏറ്റവും നല്ല മാർഗമാണ് നന്നായി പരിപാലിക്കുന്ന എയർ ഫിൽട്ടർ. നിങ്ങളുടെ പ്രത്യേക വാഹനത്തിന് അനുയോജ്യമായ രീതിയിൽ രൂപകൽപ്പന ചെയ്ത ഒരു ഗുണനിലവാരമുള്ള എയർ ഫിൽട്ടർ ലഭിക്കുന്നതിലാണ് കാര്യം. ഉയർന്ന നിലവാരമുള്ള എയർ ഫിൽട്ടറുകൾ കൂടുതൽ മലിനീകരണം ഫിൽട്ടർ ചെയ്യുകയും നിങ്ങളുടെ എഞ്ചിന്റെ എയർ ഇൻടേക്കിന് നന്നായി യോജിക്കുകയും ചെയ്യും.

എഞ്ചിനില്‍ നിന്നും അമിത ശബ്ദം പുറത്ത് വരുന്നുണ്ടെങ്കില്‍ എത്രയും പെട്ടെന്ന് കാര്‍ മെക്കാനിക്കിനെ കൊണ്ട് പരിശോധിപ്പിക്കണം. ഒരുപക്ഷെ ബാക്ക്ഫയറിംഗ് അല്ലെങ്കില്‍ എഞ്ചിന്‍ നോക്കാകാം ഇതിന് കാരണം. എഞ്ചിന്‍ ചേമ്പറിന് പുറത്ത് വെച്ച് ജ്വലന പ്രക്രിയ നടക്കുമ്പോഴാണ് ബാക്ക്ഫയറിംഗ് ഉണ്ടാകുന്നത്. അതേസമയം വായുവും ഇന്ധനവും കലര്‍ന്ന മിശ്രിതം അനവസരത്തില്‍ ക്രമം തെറ്റിച്ച് ജ്വലന പ്രക്രയില്‍ ഏര്‍പ്പെടുമ്പോഴാണ് എഞ്ചിന്‍ നോക്ക് അനുഭവപ്പെടുക.

കാറില്‍ നിന്നും ക്രമാതീതമായി പുക പുറത്ത് വരുന്നുണ്ടെങ്കില്‍ പ്രത്യേകം ശ്രദ്ധിക്കണം. ഇന്ധനം അനാവശ്യമായി നഷ്ടപ്പെടുകയാണെന്നതിന്റെ സൂചനയാണ് കറുത്ത പുക. ഇന്ധന സംവിധാനം ആവശ്യത്തിലേറെ ഇന്ധനം പമ്പ് ചെയ്യുന്ന അവസരത്തിലാണ് എക്‌സ്‌ഹോസ്റ്റില്‍ നിന്നും കറുത്ത പുക ഉയരുക. സ്പ്ലാര്‍ക്ക് പ്ലഗിലുണ്ടാകുന്ന തകരാറും പുകയ്ക്ക് കാരണമാണ്. ഇനി പുകയ്ക്ക് നീല നിറമാണെങ്കില്‍ ജ്വലന പ്രക്രിയയില്‍ എഞ്ചിന്‍ ഓയിലും കലരുന്നുണ്ടെന്നതിന്റെ സൂചനയാണ്.

കാറില്‍ ശക്തമായ വിറയല്‍ അനുഭവപ്പെടുന്നുണ്ടെങ്കില്‍ എഞ്ചിന്‍ പരിശോധിപ്പിക്കേണ്ടത് അനിവാര്യമാണ്. ഒരുപക്ഷെ എഞ്ചിന്‍ മൗണ്ടുകള്‍ ദുര്‍ബലപ്പെടുന്നതാകും വിറയലിന് കാരണം. എഞ്ചിനില്‍ നിന്നുള്ള വിറയല്‍ പാസഞ്ചര്‍ ക്യാബിനിലെത്തുന്നത് പ്രതിരോധിക്കുകയാണ് എഞ്ചിന്‍ മൗണ്ടുകളുടെ ദൗത്യം. സാധാരണയായി ഇഗ്നീഷന്‍ പ്രവര്‍ത്തിപ്പിക്കുമ്പോള്‍ എഞ്ചിന്‍ മുന്നറിയിപ്പ് ചിഹ്നം തെളിയും. ശേഷം കാര്‍ പ്രവര്‍ത്തിച്ച് തുടങ്ങിയാല്‍ എഞ്ചിന്‍ മുന്നറിയിപ്പ് ചിഹ്നം പിന്‍വാങ്ങും.