കുഞ്ഞൻ ആണെങ്കിലും കുന്നോളം ഗുണങ്ങൾ! ഫ്യുവൽ ഫിൽറ്ററുകളെ കുറിച്ച് അറിയേണ്ടതെല്ലാം

വാഹനത്തിലെ പല സുപ്രധാന ഘടകങ്ങളായ എഞ്ചിൻ, ഗിയർബോക്സ, ബ്രേക്സ്, സസ്പെൻഷൻ, ഇൻഫൊടെയിൻമെന്റ് സിസ്റ്റം തുടങ്ങിയവയെക്കുറിച്ച് നമ്മിൽ പലർക്കും നല്ല അറിവുണ്ടായിരിക്കാം, എന്നാൽ നമ്മിൽ പലരും പലപ്പോഴും ചിന്തിക്കുക പോലും ചെയ്യാത്ത ഒട്ടനവധി നിർണ്ണായക ഘടകങ്ങൾ ഒരു വാഹനത്തിലുണ്ട്.

അത്തരത്തിലുള്ള ഒരു ഘടകമാണ് ഫ്യുവൽ ഫിൽട്ടർ. ഇന്ന് ഇതിനെക്കുറിച്ച് അറിയേണ്ടതെല്ലാമാണ് ഈ ലേഖനത്തിൽ ഞങ്ങൾ പങ്കുവെക്കുന്നു:

എന്താണ് ഫ്യുവൽ ഫിൽറ്റർ?

ഒന്നാമതായി, നിങ്ങളുടെ വാഹനത്തിന്റെ ഇന്ധന സംവിധാനത്തിന്റെ അവിഭാജ്യ ഘടകമാണ് ഫ്യുവൽ ഫിൽട്ടർ. ഇത് വളരെ ലളിതവും എന്നാൽ പ്രധാനപ്പെട്ടതുമായ ഒരു ഉപകരണമാണ്.

വാഹനത്തിന്റെ എഞ്ചിൻ പെർഫോമെൻസിനെ പ്രതികൂലമായി ബാധിക്കുന്ന അവശിഷ്ടങ്ങൾ, അഴുക്ക്, മറ്റ് കണികാവസ്തുക്കൾ തുടങ്ങിയ മാലിന്യങ്ങളും ഇംപ്രൂരിറ്റികളും അരിച്ചെടുക്കുക എന്നതാണ് ഈ ഘടകത്തിന്റെ പ്രധാന ലക്ഷ്യം.

ഈ കംപോണന്റ് ഫ്യുവൽ ടാങ്ക് വഴി ഫിൽട്ടറിലേക്ക് പ്രവേശിക്കുന്ന ഇന്ധനത്തെ വൃത്തിയാക്കുകയും അതിലൂടെ ശുദ്ധമായ ഇന്ധനം മാത്രം കടന്നുപോകാൻ അനുവദിക്കുകയും ചെയ്യുന്നു. ഇതിന്റെ പ്രവർത്തനം മൂലം വാഹനത്തിന്റെ എഞ്ചിൻ എല്ലായ്പ്പോഴും ശുദ്ധവും ഫിൽട്ടർ ചെയ്തതുമായ ഫ്യുവൽ ഉപയോഗിക്കുന്നു.

ഫ്യുവൽ ഫിൽട്ടറുകൾ IC എഞ്ചിന്റെ വികസനത്തിന്റെ തുടക്കം മുതൽ അവയുടെ അവിഭാജ്യ ഘടകമാണ്. ആദ്യഘട്ടത്തിൽ ഘടകങ്ങൾ ലളിതവും സങ്കീർണ്ണമല്ലാത്തതുമായിരുന്നുവെങ്കിലും, ഡയറക്ട് ഇഞ്ചക്ഷൻ പോലുള്ള സാങ്കേതികവിദ്യകളുടെ വരവോടെ, ഫ്യുവൽ ഫിൽട്ടറുകൾ ഇപ്പോൾ ഉയർന്ന കരുത്തുള്ളതും സങ്കീർണ്ണവുമായി മാറിയിരിക്കുന്നു.

ഫ്യുവൽ ഫിൽറ്റർ എവിടെയാണ് സ്ഥിതി ചെയ്യുന്നത്?

എഞ്ചിനിലേക്ക് നൽകുന്ന ഇന്ധനം ഫിൽറ്റർ ചെയ്യുക എന്നതാണ് ഘടകത്തിന്റെ പ്രാഥമിക ജോലി എന്നതിനാൽ, അവ സാധാരണയായി ഫ്യുവൽ പമ്പിനും എഞ്ചിനും ഇടയിൽ എവിടെയും സ്ഥിതിചെയ്യുന്നു. ആധുനിക കാലത്തെ മിക്ക വാഹനങ്ങളിലും ഈ കംപോണന്റ് ഫ്യുവൽ ടാങ്കിനുള്ളിൽ അല്ലെങ്കിൽ ഫ്യുവൽ പമ്പ് അസംബ്ലികൾക്കുള്ളിൽ സംയോജിപ്പിച്ചിരിക്കുന്നു.

പഴയ വാഹനങ്ങൾക്ക്, മെയിൻ ഫ്യുവൽ ലൈനുമായി ബന്ധിപ്പിച്ച് ബോഡിക്ക് താഴെയായി ഈ ഘടകം സ്ഥാപിച്ചിരിക്കുന്നതായി കാണാൻ കഴിയും. ചില വാഹനങ്ങൾക്ക് എഞ്ചിൻ ബേയിൽ പോലും ഇത് സ്ഥാപിക്കാം. ഘടകത്തിന്റെ മൊത്തത്തിലുള്ള സ്ഥാനം നിങ്ങളുടെ വാഹനത്തിന്റെ നിർമ്മാണം, മോഡൽ, പ്രൊഡക്ഷൻ ഇയർ, ഫ്യുവൽ ടൈപ്പ് മുതലായവയെ ആശ്രയിച്ചിരിക്കുന്നു.

ഒരു ഫ്യുവൽ ഫിൽട്ടർ എങ്ങനെയാണ് പ്രവർത്തിക്കുന്നത്?

ഒരു സാധാരണ ഫിൽട്ടറിന്റെ ഘടനയിൽ ഒരു സിലിണ്ടർ ഫിൽട്ടർ മീഡിയൽ ഹൗസ്ഡ് ഇൻസൈഡർ ഒരു മെറ്റൽ ഷെൽ ഉൾപ്പെടുന്നു. ഹൈ ഗ്രേഡ് സെല്ലുലോസ് നാരുകൾ അല്ലെങ്കിൽ പോളിസ്റ്റർ കൊണ്ടാണ് മീഡിയൽ നിർമ്മിച്ചിരിക്കുന്നത്. മെറ്റൽ ഷെൽ കേസിംഗിൽ ഒരു ഇൻലെറ്റും ഔട്ട്ലെറ്റ് ഓപ്പണിംഗും ഉണ്ട്.

മെയിൻ പമ്പിൽ നിന്നുള്ള ഫ്യുവൽ ഉയർന്ന മർദ്ദത്തിൽ ഇൻലെറ്റ് വഴി ഫിൽറ്ററിലേക്ക് പ്രവേശിക്കുന്നു. ഇത് ഉയർന്ന മർദ്ദത്തിൽ പോറസ് മീഡിയയിലൂടെ ഇന്ധനം തള്ളുന്നതിന് കാരണമാകുന്നു. ഇത് സംഭവിക്കുമ്പോൾ, മീഡിയലിലെ സുഷിരങ്ങൾ ഇന്ധനത്തിലെ ഏതെങ്കിലും തരത്തിലുള്ള ഇംപ്യൂരിറ്റിയെ ഫിൽട്ടർ ചെയ്യുന്നു, ബാക്കിയുള്ളവ അതിലൂടെ ഒഴുകുകയും ഔട്ട്‌ലെറ്റ് ഓപ്പണിംഗ് വഴി കംപോണന്റിൽ നിന്ന് പുറത്തുകടക്കുകയും ചെയ്യുന്നു.

ചില ഫിൽട്ടറുകൾ, പ്രത്യേകിച്ച് ഡീസൽ എഞ്ചിനുകൾക്കൊപ്പം വരുന്നവ, ഇന്ധനത്തിൽ അടങ്ങിയിരിക്കുന്ന വെള്ളം നീക്കം ചെയ്യാനുള്ള സംവിധാനത്തിനൊപ്പം സജ്ജീകരിച്ചിരിക്കുന്നു.

അതിനാൽ, ഡീസൽ ഫിൽട്ടറുകളിൽ സാധാരണയായി ഫ്യുവലിൽ നിന്ന് വേർപെടുത്തിയ വെള്ളം ശേഖരിക്കുന്നതിനായി അടിയിൽ ഒരു ബൗളും അടങ്ങിയിരിക്കുന്നു. ഒരു ഡ്രെയിൻ വാൽവ്, ആവശ്യമുള്ളപ്പോൾ ശേഖരിച്ച വെള്ളം വറ്റിക്കാൻ അനുവദിക്കുന്നു, ഇത് വാട്ടർ സെൻസർ വഴി ഡ്രൈവറിനെ അറിയിക്കുന്നു.

ഇത് ഒരു ലളിതമായ ഘടകമാണെന്ന് തോന്നുമെങ്കിലും, ആരോഗ്യകരവും നന്നായി പ്രവർത്തിക്കുന്നതുമായ എഞ്ചിന് ഫിൽട്ടറിന്റെ പ്രവർത്തനം അത്യന്താപേക്ഷിതമാണ്. ഇത് കൂടാതെ, എഞ്ചിൻ തേയ്മാനം, ഇൻജക്ടർ ബ്ലോക്കിംഗ്, എഞ്ചിൻ പെർഫോമെൻസ് റിഡക്ഷൻ, തുരുമ്പടിക്കൽ മുതലായവ പോലുള്ള പ്രശ്നങ്ങൾ വ്യത്യസ്ത പ്രശ്നങ്ങളുടെ ഒരു ചെയിൻ റിയാക്ഷനിലേക്ക് നയിച്ചേക്കാം.