ഈ സ്വിച്ച് കൊണ്ട് ഇതാണ് ഗുണം; കാറുകളിലെ ഹെഡ്‌ലാംപ് ലെവലിങ്ങ് അറിഞ്ഞിരിക്കാം

ഒരു വാഹനത്തിൻ്റെ ഏറ്റവും അഴക് നിറഞ്ഞ് നിൽക്കുന്ന ഭാഗമാണ് അതിൻ്റെ ഹെഡ്‌ലൈറ്റ് അല്ലെങ്കിൽ ഹെഡ്‌ലാംപ് എന്നത്. ഇപ്പോൾ പലതരം ലൈറ്റുകളാണ് വാഹന നിർമാതാക്കൾ കാറിൽ ഉപയോഗിക്കുന്നത്. ഹാലജൻ, എൽഈഡി, അത് പോലെ തന്നെ ലേസർ ഹെഡ്‌ലൈറ്റുകൾ പോലും ഇപ്പോൾ കാറുകളിൽ ഉപയോഗിക്കുന്നുണ്ട്.

കാർ ഉപയോഗിക്കുന്ന എല്ലാവർക്കും അറിയാവുന്ന ഒരു സ്വിച്ചാണ് സ്റ്റിയറിങ്ങിന് വലത്ത് വശത്തായി ഡാഷ് ബോർഡിൽ 1 മുതൽ 4 വരെ കൊടുത്തിരിക്കുന്ന ഒരു നോബ്. എന്താണ് ഇത് കൊണ്ട് ഉദ്ദേശിക്കുന്നത്. ഹെഡ്‌ലാംപിൻ്റെ ദിശ നിയന്ത്രിക്കാനുളളതല്ലേ എന്ന് മനസിൽ തോന്നിയേക്കാം, സംഭവം ശരിയാണ് പക്ഷേ അതിന് എന്തിനാണ് അക്കങ്ങൾ കൊടുത്തിരിക്കുന്നത് എന്ന് എപ്പോഴെങ്കിലും ചിന്തിച്ചിട്ടുണ്ടോ. അതാണ് നമ്മുടെ വിഷയം. അക്കങ്ങൾ എന്തിനാണ് വാഹനത്തിൽ കൊടുത്തിരിക്കുന്നത് എന്ന് അറിയാൻ തുടർന്ന് വായിക്കാം.

നിങ്ങളുടെ കാറുകളിലും നിങ്ങൾക്ക് ഇത് പരീക്ഷിച്ചു നോക്കാവുന്നതാണ് കേട്ടോ. ആദ്യം ഡ്രൈവർ സീറ്റിൽ കയറിയിരിക്കുക. ഇപ്പോൾ ലെവലിങ്ങ് നോബ് ഏത് അക്കത്തിലാണ് കിടക്കുന്നതെന്ന് നോക്കുക. പൂജ്യത്തിലാണ് എങ്കിൽ നിങ്ങൾ ഒരു കാര്യം മനസിലാക്കുക ഹെഡ്‌ലാംപ് ഇപ്പോൾ ശരിയായ ദിശയിലും രീതിയിലുമാണ് ഉളളത്. നിങ്ങൾ ഇപ്പോൾ നിങ്ങളുടെ കൂട്ടുകാരനേയും കൂടെ നിങ്ങളുടെ വാഹനത്തിലേക്ക് കയറ്റി എന്ന് വിചാരിക്കുക. അപ്പോൾ നോബ് ഒന്ന് എന്ന അക്കത്തിലേക്ക് തിരിക്കുക. നിങ്ങളുടെ വാഹനത്തിൽ ഡ്രൈവറിനെ കൂടാതെ ഒരാൾ കൂടെ വന്നാൽ പ്രകാശത്തിന്റെ ദിശ ലെവൽ ചെയ്യാൻ ഒന്നിലേക്ക് ആക്കുക.

രണ്ട് പേർ വാഹനത്തിൽ കയറിയാൽ നോബ് തിരിച്ച് രണ്ട് എന്ന അക്കത്തിലേക്ക് എത്തിക്കുക. നിങ്ങൾ ഒറ്റയക്കോ അലെങ്കിൽ ഡ്രൈവ് ചെയ്ത് ഒറ്റയ്ക്കാണ് പോകുന്നതെങ്കിൽ നോബ് തിരിച്ച് പൂജ്യത്തിലേക്ക് എത്തിക്കണം. അത് പോലെ തന്നെ നിങ്ങൾ ഇപ്പോൾ മല കയറി കൊണ്ടിരിക്കുകയാണെങ്കിൽവാഹനത്തിൻ്റെ ഹെഡ്‌ലാമ്പ് ഒരു ദിശയിലേക്ക് മാത്രമായിരിക്കും കാണിക്കുന്നത്.

നിങ്ങൾക്ക് ഈ സ്വിച്ച് വളരെയധികം ഉപകാരപ്രദമാണ്. ഈ സ്വിച്ച് അനാവശ്യമായി ഇരിക്കുന്നതായി നിങ്ങൾക്ക് തോന്നുന്നത് അതിൻ്റെ ഉപയോഗവും പ്രവർത്തനവും അറിയാത്തത് കൊണ്ടാണ്. എന്തായാലും ഇപ്പോൾ തന്നെ നിങ്ങളുടെ വാഹനത്തിൽ ഇത് ഒന്ന് പരീക്ഷിച്ചു നോക്കുന്നത് നല്ലതായിരിക്കും. കാലങ്ങൾ കഴിയുമ്പോൾ, ഹെഡ്‌ലൈറ്റ് ബൾബുകൾ മങ്ങിയതോ മൂടൽ അനുഭവപ്പെടുന്നതോ ആയി മാറുന്നു. ഇതിന് നിരവധി കാരണങ്ങളുണ്ട്. ഉദാഹരണത്തിന്, നിങ്ങൾ എത്ര തവണ ഹെഡ്‌ലൈറ്റുകൾ ഉപയോഗിക്കുന്നു എന്നതുകൊണ്ട് ബൾബുകൾ എത്രത്തോളം നിലനിൽക്കുമെന്ന് നിർണ്ണയിക്കാനാകും.

ബൾബിന്റെ ഗുണനിലവാരം, നിർമ്മാണം, ടൈപ്പ് എന്നിവയും അവയുടെ ഈടുനിൽപ്പിൽ ഒരു വലിയ പങ്ക് വഹിക്കുന്നു. കൂടാതെ നമ്മുടെ നഗരത്തിലുള്ള കാലാവസ്ഥയും ഇതിൽ സ്വാധീനം ചെലുത്തുന്നു. നിങ്ങളുടെ ഹെഡ്‌ലൈറ്റുകൾ എത്രത്തോളം നിലനിൽക്കുമെന്നതിൽ ബൾബിന്റെ ടൈപ്പ് വലിയ പങ്ക് വഹിക്കുന്നു. ചില ടൈപ്പിലുള്ള ഹെഡ്‌ലൈറ്റ് ബൾബുകൾക്ക് മറ്റ് ടൈപ്പുകളെ അപേക്ഷിച്ച് ആയുസ്സ് കുറവാണ്.

കുറഞ്ഞ വിലയ്ക്ക് നിങ്ങൾ ആഫ്റ്റർ മാർക്കറ്റ് ഹെഡ്‌ലൈറ്റ് ബൾബുകൾ വാങ്ങുകയാണെങ്കിൽ, രണ്ടാഴ്ചയ്ക്കുള്ളിൽ അവ കേടായാൽ ആശ്ചര്യപ്പെടേണ്ടതില്ല. ദീർഘകാല ഗുണമേന്മ ഉറപ്പാക്കാൻ നല്ല ബ്രാൻഡ് ബൾബുകളിൽ ഇൻവെസ്റ് ചെയ്യുക. ഗുണനിലവാരം ഉറപ്പുനൽകുന്നതിനാൽ കാർ ഉടമകൾ സാധാരണയായി OEM ഉൽപ്പന്നങ്ങളിൽ ഉറച്ചുനിൽക്കാൻ നിർദ്ദേശിക്കുന്നു. എന്നിരുന്നാലും ഹെഡ്‌ലൈറ്റുകൾക്ക്, ആഫ്റ്റർ മാർക്കറ്റ് ഉൽപ്പന്നങ്ങളും മോശമല്ല. ചില സന്ദർഭങ്ങളിൽ, അവ മികച്ചതായിരിക്കാം.

ഹെഡ്‌ലൈറ്റ് ബൾബുകളുടെ ലൈഫ് സൈക്കിൾ എന്നത് ഒരു ഗാർഹിക ബൾബിന്റെ ലൈഫ് സൈക്കിൾ തന്നെയാണ്. നിങ്ങൾ പകൽ സമയത്ത് അവ ഓണാക്കി വെച്ചാൽ, അതിന്റെ ഈട് വേഗത്തിൽ നഷ്ടപ്പെടും. അതുപോലെ ആവശ്യമില്ലാത്തപ്പോൾ വാഹനങ്ങളുടെ ഹെഡ്‌ലൈറ്റുകൾ ഓഫാക്കിയിട്ടുണ്ടെന്ന് ഉറപ്പാക്കുക. മിക്ക ഡ്രൈവർമാരും അശ്രദ്ധമായി ഹെഡ്‌ലൈറ്റുകൾ ഓണാക്കി ഇടാറില്ല. എന്നിരുന്നാലും, ചിലർ ക്യാമ്പിംഗ് ട്രിപ്പുകൾ പോലുള്ള ഔട്ടിംഗുകളിൽ അവ ഓൺ ആക്കി വെക്കാറുണ്ട്.