ഹെബെര്‍ട്ടിന്റെ 10 വര്‍ഷത്തെ തെരുവു ജീവിതം

താളുകളിലൂടെ നീങ്ങുക.

2004 നവംബര്‍ മാസത്തില്‍ മാന്‍ഹാട്ടനിലെ ഒരു റസ്റ്ററന്റില്‍ ഭക്ഷണം കഴിക്കുകയായിരുന്നു ഹുബെര്‍ട്ട്. ലോകത്തെമ്പാടുമുള്ള ഇടത്തരക്കാരുടെയെല്ലാം പ്രിയപ്പെട്ട വിഷയമായിരുന്നു അവര്‍ സംസാരിച്ചു കൊണ്ടിരുന്നത്. പണം!

ഹെബെര്‍ട്ടിന്റെ സുഹൃത്ത് ഒരു നല്ല നിരീക്ഷണം നടത്തി. ന്യൂ യോര്‍ക്ക് പോലൊരു നഗരത്തില്‍ ജീവിക്കുന്ന നമ്മളെപ്പോലുള്ളവര്‍ എല്ലാ മാസാവസാനവും മൂഞ്ചിപ്പോകുന്നു എന്നയാള്‍ പറഞ്ഞു. കയ്യില്‍ കിട്ടുന്നതെല്ലാം എങ്ങോട്ടു പോകുന്നു എന്നൊരു പിടിയുമില്ല! വര്‍ഷങ്ങളായി താനും അനുഭവിച്ചു പോരുന്ന ഒരു കാര്യം മാത്രമെന്ന് ഹെബെര്‍ട്ട് ചിന്തിച്ചു.

എന്നാല്‍, സുഹൃത്ത് വിടാന്‍ ഭാവമുണ്ടായിരുന്നില്ല. ഹെബെര്‍ട്ടിന്റെ മകളുടെ വിദ്യാഭ്യാസം ഏതാണ്ട് കഴിയാറായി എന്നദ്ദേഹം ചൂണ്ടിക്കാട്ടി. അവള്‍ അവളുടെ പാട് നോക്കി പോകാറായി. ഇനി നിന്റെ സഹായം അവള്‍ക്ക് ആവശ്യമില്ല. ജീവിതം ആകെ ഒന്നേയുള്ളൂ എന്നും ആ നല്ല സുഹൃത്ത് സൂചിപ്പിച്ചു. തന്റെ മുമ്പില്‍ ഇനിയുള്ള വഴികളെന്തെന്ന് ഹെബെര്‍ട്ട് കൂലങ്കുഷ് ആയി ചിന്തിച്ചു.

രണ്ട് വഴികളാണ് മുമ്പിലുണ്ടായിരുന്നത്. ഒന്ന്, അടുത്ത പത്തു വര്‍ഷം കൂടി ഇതുപോലെ ഓഫീസില്‍ കയറി നിരങ്ങി അധ്വാനിക്കുക. ശേഷം ഇന്നത്തെപ്പോലെ തന്നെ ദരിദ്രനായി ജീവിക്കുക! രണ്ടാമത്തെ വഴി, തന്റെ സൈഡ് കാര്‍ ഘടിപ്പിച്ച മോട്ടോര്‍സൈക്കിളുമായി ഒരു ദീര്‍ഘയാത്ര പോവുക! ലോകം മുഴുവന്‍ ചുറ്റിക്കറങ്ങുക!

അങ്ങനെ 2002 ഫെബ്രുവരി 16 കാലത്ത് കൃത്യം 6:04ന് ഹെബര്‍ തന്റെ യാത്ര തുടങ്ങി. അവിടുന്നിങ്ങോട്ട് പത്തു വര്‍ഷത്തോളമായി ലോകത്തെമ്പാടുമുള്ള തെരുവുകളിലാണ് ഹെബറിന്റെ ജീവിതം കഴിഞ്ഞുപോരുന്നത്.