വണ്ടിയുടെ നിറത്തിലും കാര്യമുണ്ട് കേട്ടോ; മൈലേജ് വേണമെങ്കിൽ ഈ നിറം എടുത്താൽ മതി

വാഹനനിർമാതാക്കളെ സംബന്ധിച്ചിടത്തോളം ഉത്സവ സീസൺ എന്നത് ചാകരയാണ്. കാരണം ഈ സമയത്ത് ഒരു പുതിയ കാർ വാങ്ങാൻ മിക്ക ആളുകളും പ്ലാൻ ചെയ്യുന്നതാണ്. ഒരു കാർ വാങ്ങണം എന്ന ചിന്ത വീട്ടിൽ മുഴുവൻ സന്തോഷം പകരുന്ന ഒന്നു കൂടിയാണല്ലോ. കുടുംബത്തിലെ ഓരോ അംഗവും അവരവരുടെ മുൻഗണനകൾ പറയുന്നതിനനുസരിച്ചാണല്ലോ കാർ തെരഞ്ഞെടുക്കുന്നത്. ഈ സമയത്ത്, മൈലേജ്, ഫീച്ചറുകൾ, കാറിന്റെ വില തുടങ്ങി എല്ലാം തീരുമാനിക്കപ്പെടുകയും ഓരോരുത്തരും തങ്ങൾക്ക് ഏറ്റവും മികച്ച കാർ തിരഞ്ഞെടുക്കുകയും ചെയ്യുന്നു.

ഏറ്റവും അവസാനമായിരിക്കും വാഹനത്തിൻ്റെ നിറത്തിൻ്റെ കാര്യത്തിൽ ഒരു തീരുമാനം പറയുന്നത്. ചിലർ തങ്ങളുടെ ജേൃാതിഷവുമായി ബന്ധപ്പട്ട് മാത്രമേ ചിലർ നിറം തെരഞ്ഞെടുക്കു. എന്നാൽ നിറത്തിന് വാഹനത്തിൻ്റെ മൈലേജുമായി ബന്ധമുണ്ട് എന്ന് പറഞ്ഞാൽ നിങ്ങൾക്ക് വിശ്വസിക്കാൻ സാധിക്കുമോ. ചില നിറങ്ങളിലുള്ള കാറുകൾക്ക് നിങ്ങളുടെ കാറിന്റെ മൈലേജ് കുറയ്ക്കാനും നിങ്ങളുടെ ബജറ്റിനെ താളം തെറ്റിക്കാനും സാധിക്കും. ഏത് കളറാണ് മികച്ചതെന്ന് നോക്കിയാലോ.

കറുത്ത കാർ വളരെ മനോഹരമായി കാണപ്പെടുന്നു എന്നത് കൂടാതെ വളരെ മികച്ച റോഡ് പ്രസൻസും കറുത്ത നിറമുളള വാഹനങ്ങൾക്കുണ്ട് എന്നത് ഒറു പ്രത്യേകതയാണ്. എന്നാൽ കറുത്ത കാറിന്റെ മൈലേജ് അതേ മോഡലിന്റെ മറ്റൊരു നിറമുള്ള കാറിനേക്കാൾ കുറവാണ് എന്ന് നിങ്ങൾക്കറിയാമോ. കറുപ്പ് നിറം കൂടുതൽ ചൂട് ആഗിരണം ചെയ്യുകയും പെട്ടെന്ന് ചൂടാകുകയും ചെയ്യുന്നതാണ് ഇതിന് കാരണം. ഇക്കാരണത്താൽ, വേനൽക്കാലത്ത് തുടർച്ചയായി എസി പ്രവർത്തിപ്പിക്കുന്നതിനാൽ കാർ കുറഞ്ഞ മൈലേജ് നൽകുന്നു.

ഏറ്റവും കൂടുതൽ വിറ്റഴിക്കപ്പെടുന്ന നിറം വെള്ള കാറാണ്. വെള്ള നിറം എളുപ്പത്തിൽ ചൂടാകില്ല, ഈ കാറുകളിൽ എസി പ്രവർത്തിപ്പിക്കേണ്ടതിന്റെ ആവശ്യകത കുറവാണ്. അത്തരമൊരു സാഹചര്യത്തിൽ, ഈ നിറത്തിലുള്ള കാർ ഏറ്റവും ഉയർന്ന മൈലേജ് നൽകുന്നു. അത് മാത്രമല്ല യൂസ്ഡ് കാർ വിപണിയിൽ വെളള നിറമുളള വാഹനങ്ങൾക്ക് വളരെ ഡിമാൻ്റ് കൂടുതലുമാണ്. വെളള നിറം പരിപാലിക്കാൽ അൽപ്പെ ബുദ്ധിമുട്ടുണ്ട് എന്നതാണ് ഒരു ചെറിയ പോരായ്മയായി പറയാനുളളത്.

നീല നിറമുള്ള കാറുകൾ കൂടുതലും മെറ്റാലിക് നിറങ്ങളിലാണ് വരുന്നത്. മെറ്റാലിക് നിറങ്ങൾ കാഴ്ചയിൽ വളരെ ആകർഷകമാണ്. എന്നാൽ ഈ നിറങ്ങളിൽ പോലും ചൂടിന്റെ ഒരു പ്രശ്നമുണ്ട്. ഈ നിറങ്ങളും പെട്ടെന്ന് ചൂടാകുന്നു എന്നതാണ് പ്രശ്നം. എന്നിരുന്നാലും, കറുത്ത കാറിനെ അപേക്ഷിച്ച് അവർ കുറഞ്ഞ ചൂട് ആഗിരണം ചെയ്യുന്നു. എന്നിരുന്നാലും, ഈ കാറുകളുടെ മൈലേജിനെ കാര്യമായി ബാധിക്കുന്നില്ല.

മറ്റൊരു നിറം എന്ന് പറയുന്നത് വെളളി നിറമാണ്. പൊടി എളുപ്പത്തിൽ കാണാൻ കഴിയാത്തതിനാൽ ഇത് അൽപ്പം വൃത്തിക്കുറവായി കാണാൻ സാധ്യതയുണ്ട്. അതേ സമയം, ഈ നിറത്തിലുള്ള ഒരു കാർ ഒരു വെളുത്ത കാർ പോലെ മികച്ച മൈലേജും നൽകുന്നു എന്നതാണ് ഇതിൻ്റെ ഗുണമായി പറയാനുളളത്. കാറിൻ്റെ മൈലേജ് കണ്ടുപിടിക്കാനുളള രീതി പലർക്കും അറിയാമായിരിക്കും.

ആദ്യം ചെയ്യേണ്ടത് കാറിൽ ഫുൾ ടാങ്ക് പെട്രോൾ അടിക്കുക എന്നതാണ്. തുടർന്ന് കാറിന്റെ ട്രിപ്പ് മീറ്റർ റീസെറ്റ് ചെയ്യുക അല്ലെങ്കിൽ ഓഡോമീറ്ററിൽ നിന്നുള്ള നിലവിലെ റീഡിംഗ് രേഖപ്പെടുത്തുക. നിങ്ങൾ സഞ്ചരിക്കുന്ന മൊത്തം ദൂരത്തിന്റെ ട്രാക്ക് സൂക്ഷിക്കുക. ടാങ്ക് വീണ്ടും നിറയ്ക്കുക, അതിനു ശേഷം അടിച്ച ഇന്ധനത്തിന്റെ അളവും ശ്രദ്ധിക്കാം.

കാറിന്റെ ഫ്യുവൽ ടാങ്ക് നിറച്ചുകഴിഞ്ഞാൽ നിങ്ങൾ സാധാരണ പോലെ കാർ ഓടിക്കുക. സ്പീഡ് പരിധികൾ നിലനിർത്താനും മിതമായ വേഗത നിലനിർത്താനും ശ്രദ്ധിച്ചാൽ മൈലേജ് കൂടുതൽ കൈവരിക്കാനാവും. യാത്ര ചെയ്ത ദൂരം കണക്കാക്കാൻ അവസാന മീറ്റർ റീഡിംഗിൽ നിന്ന് നിലവിലെ റീഡിംഗിനെ കുറയ്ക്കുക. യാത്രയിൽ കാറിന് ലഭിച്ച ഇന്ധനക്ഷമത എത്രയെന്ന് അറിയാൻ ഇന്ധനത്തിന്റെ അളവ് കൊണ്ട് സഞ്ചരിച്ച ദൂരം ഹരിക്കുകയാണ് വേണ്ടത്.

ഓയിൽ മാറ്റങ്ങൾ, ടയർ റൊട്ടേഷൻ, എയർ ഫിൽട്ടർ മാറ്റിസ്ഥാപിക്കൽ എന്നിവ ഉൾപ്പെടെ നിങ്ങളുടെ കാർ കൃത്യമായി മെയിന്റനൻസ് ചെയ്യുന്നുണ്ടെന്ന് ഉറപ്പാക്കുന്നതും മൈലേജ് കൂടുതൽ ലഭിക്കാൻ കാരണമാവും. ശരിയായ അറ്റകുറ്റപ്പണി മികച്ച ഇന്ധനക്ഷമതയ്ക്കും മൊത്തത്തിലുള്ള പെർഫോമൻസ് മികച്ചതാക്കാനും സഹായിക്കുന്ന കാര്യമാണ്. ഇതെല്ലാം പലർക്കും അറിയാവുന്ന കാര്യമാണെങ്കിലും ഇവ കാര്യമായി എടുക്കാതെ പണി വരുമ്പോൾ മാത്രം വർക്ക്ക്ഷോപ്പിലേക്ക് ഓടാണ് നമ്മുടെ പതിവ്.

നിങ്ങളുടെ മൈലേജ് റെക്കോർഡുകൾ പതിവായി അവലോകനം ചെയ്യുന്നത് ഉടമസ്ഥാവകാശം കൂടുതൽ എളുപ്പമാവാൻ സഹായിക്കും. ട്രെൻഡുകൾ അല്ലെങ്കിൽ പെട്ടെന്നുള്ള മാറ്റങ്ങൾ ഉടനടി പരിശോധിക്കുകയും വേണ്ടവന്നാൽ മെക്കാനിക്കിന്റെ സഹായം തേടാനും മറക്കരുത്. ഇന്ധനക്ഷമതയിലെ ഗണ്യമായ കുറവുകൾ അറ്റകുറ്റപ്പണി പ്രശ്നങ്ങൾ അല്ലെങ്കിൽ ശ്രദ്ധ ആവശ്യമുള്ള ഡ്രൈവിംഗ് ശീലങ്ങളെയാണ് സൂചിപ്പിക്കുന്നത്. മൈലേജിൽ ഗണ്യമായ കുറവ് ശ്രദ്ധയിൽപ്പെട്ടാൽ, നല്ലൊരു മെക്കാനിക്കിനെക്കൊണ്ട് നിങ്ങളുടെ കാർ പരിശോധിക്കുന്നതും ശരിയായ തീരുമാനമായിരിക്കും.