Click it and Unblock the Notifications
പുതിയ കാറിന്റെ ഓഡോ മീറ്ററില് 0 കി.മീ കാണിക്കാത്തത് എന്തുകൊണ്ടാണെന്ന് അറിയാമോ?
സെക്കന്ഡ് ഹാന്ഡ് കാര് വാങ്ങുമ്പോള് നമ്മള് ഓഡോമീറ്റര് കൃത്യമായി പരിശോധിക്കും. അതിന്റെ അടിസ്ഥാനത്തില് സഞ്ചരിച്ച ദൂരം കണക്കാക്കി കൂടിയാണ് വാഹനത്തിന്റെ വില നിശ്ചയിക്കുന്നത്. എന്നാല് ഇത് യൂസ്ഡ് കാറുകളുടെ കാര്യമാണ്. നിങ്ങള് ഒരു പുതിയ കാര് വാങ്ങി ഓടിക്കാന് തുടങ്ങുമ്പോള് അതിന്റെ ഓഡോ മീറ്ററില് കാണുന്ന റീഡിങ് ഒരിക്കലും പൂജ്യം ആകില്ലെന്ന കാര്യം ശ്രദ്ധിച്ചിരുന്നോ?.
അതില് കാര് ഏതാനും കിലോമീറ്റര് ഓടിയതായി കാണിക്കും. പുത്തന് കാര് ആകുമ്പോള് അത് മുമ്പ് ഓടാന് പാടില്ലെല്ലോ. എന്നാല് കാര്യങ്ങള് അങ്ങനെയല്ലെന്നുള്ളതാണ് വാസ്തവം. കാര് വാങ്ങുമ്പോള് ഓഡോമീറ്ററില് 0 കിലോമീറ്റര് കാണിക്കുമെന്ന് ചിലര് ഇപ്പോഴും വിശ്വസിക്കുന്നു. എന്നാല് പുതിയ കാര് വാങ്ങിയ പലര്ക്കും അത് അങ്ങനെ കാണിക്കില്ലെന്ന് അറിയാം.
പുതിയ കാറോ ബൈക്കോ വാങ്ങിയാല് കിലോമീറ്ററുകള് സഞ്ചരിച്ച ശേഷമാകും നമ്മുടെ കൈകളില് കിട്ടുക. കിലോമീറ്ററുകള് പിന്നിട്ട ഒരു കാര് എങ്ങനെ പുതിയ കാറായി വില്ക്കുന്ന എന്ന സംശയം ഇപ്പോള് നിങ്ങളുടെ മനസില് ഉദിക്കുന്നുണ്ടാകും. അതിനെക്കുറിച്ച് അറിയുന്നതിന് മുമ്പ് ഈ ഓഡോമീറ്റര് എങ്ങനെ പ്രവര്ത്തിക്കുന്നുവെന്ന് കൂടി അറിയേണ്ടതുണ്ട്.
ഏതൊരു വാഹനത്തിന്റെയും ചക്രങ്ങളുടെ കറക്കം അളക്കുന്നതിലൂടെയാണ് വാഹനത്തിന്റെ ഓഡോമീറ്റര് പ്രവര്ത്തിക്കുന്നത്. ഒരു വാഹനം സഞ്ചരിക്കണമെങ്കില് അതിന്റെ ചക്രങ്ങള് തിരിയണം. കാറുകള് എത്ര ദൂരം സഞ്ചരിച്ചുവെന്ന് അളക്കാന് ഇപ്പോള് വാഹനത്തിന്റെ ടയറിന് സമീപം ഒരു ഉപകരണം ഘടിപ്പിച്ചിരിക്കുന്നു.
ഈ ഉപകരണം വാഹനത്തിന്റെ വീല് എത്ര തവണ കറങ്ങുന്നു എന്ന് കണക്കാക്കും. ഇതിനുമുമ്പ്, വാഹനത്തിന്റെ ചക്രം ഒരു തവണ എത്ര ദൂരം സഞ്ചരിക്കുമെന്ന് അവര് കണക്കാക്കുകയും അതിനനുസരിച്ച് കിലോമീറ്റര് ഡിസ്പ്ലേ സജ്ജമാക്കുകയും ചെയ്യുന്നു. അതിനാല് കാറിന്റെ ചക്രം കറങ്ങുമ്പോള് കാര് സഞ്ചരിച്ചതായി കണക്കാക്കും. ഓഡോമീറ്ററിന്റെ പ്രവര്ത്തനം ഇങ്ങനെയാണ്.
ഇനി ഉപഭോക്താവിന്റെ കൈകളില് എത്തുന്നതിന് മുമ്പ് കാര് കുറച്ച് കിലോമീറ്റര് എങ്ങനെ ഓടുന്നു എന്ന കാര്യം നോക്കാം. രാജ്യത്തുടനീളം ഒരു കാര് കമ്പനി പലപ്പോഴും ഒരു നിര്മാണ പ്ലാന്റിലാണ് വാഹനങ്ങള് നിര്മ്മിക്കുന്നത്. അവിടെ നിര്മിക്കുന്ന കാറുകള് രാജ്യത്തിന്റെ വിവിധ ഭാഗങ്ങളിലേക്ക് അയക്കുകയാണ് ചെയ്യുന്നത്.
ഒരു കാര് നിര്മ്മാണ പ്ലാന്റില് വില്പ്പനയ്ക്ക് തയ്യാറാകുമ്പോള് അതിന്റെ ഓഡോമീറ്ററില് 0 കി.മീ കാണിക്കും. നിര്മാണം പൂര്ത്തിയായ വാഹനങ്ങള് പാര്ക്ക് ചെയ്യുന്ന പ്രദേശം നൂറുകണക്കിന് മീറ്റര് അകലെയാകും സ്ഥിതി ചെയ്യുന്നത്. കാര് തയ്യാറായിക്കഴിഞ്ഞാല് അത് പാര്ക്കിംഗ് ഏരിയയിലേക്ക് കൊണ്ടുപോകും. അങ്ങനെ പോകുമ്പോള് ടയര് കറങ്ങില്ല, കാറിന്റെ ഓഡോമീറ്റര് അവിടെ നിന്ന് പ്രവര്ത്തിക്കാന് തുടങ്ങും. നൂറുമീറ്റര് പിന്നിട്ടപ്പോള് കാര് പാര്ക്കിങ്ങില് നിന്നു.
പിന്നീട് ഏത് സ്ഥലങ്ങളിലേക്കാണ് കാര് കൊണ്ടുപോകുന്നത് എന്നതിനെ ആശ്രയിച്ചാകും ഓഡോ മീറ്റര് റീഡിങ്. കാര് നിര്മ്മാണ പ്ലാന്റിന് സമീപമുള്ള ഷോറൂമുകളിലേക്കാണെങ്കില് ട്രക്കുകളില് റോഡ് മാര്ഗമാണ് കൊണ്ടുപോകുക. മറ്റ് സംസ്ഥാനങ്ങളിലേക്കേ മറ്റോ ആണെങ്കില് അത് ട്രെയിനില് കൊണ്ടുപോകുന്നു.
വിദേശ നിര്മ്മിത കാറുകളും ഇന്ന് ഇന്ത്യയില് ഇറക്കുമതി ചെയ്ത് വില്ക്കുന്നുണ്ട്. ഈ കാറുകള് വിമാനം വഴിയോ കപ്പല് മാര്ഗമോ ആണ് നമ്മുടെ രാജ്യത്തേക്ക് കൊണ്ടുവരുന്നത്. കാര് ഏത് മാര്ഗമാണ് കൊണ്ടുപോകേണ്ടതെന്ന് തീരുമാനിച്ചാല്, പാര്ക്ക് ചെയ്തിരിക്കുന്ന ഈ കാര് ട്രക്കില് കയറ്റും. ട്രക്ക് സ്റ്റോപ്പും കാര് പാര്ക്കിങ്ങും തമ്മിലുള്ള ദൂരം അവര് ഓടിക്കുന്നു.
ചില രാജ്യങ്ങളില് വാഹനം കസ്റ്റംസ് ക്ലിയറന്സ് വാങ്ങാന് അവരുടെ ഓഫീസിലും കൊണ്ടുപോകേണ്ടി വരും. അത് ഷോറൂമില് എത്തിച്ചാണ് വില്പന. ദീര്ഘദൂരത്താണ് ഡീലറെങ്കില് ട്രക്കില് നിന്ന് ഇറക്കി ട്രെയിനില് കയറ്റും. തുടര്ന്ന് ട്രെയിന് ലക്ഷ്യസ്ഥാനത്ത് എത്തുമ്പോള് ട്രെയിനില് നിന്ന് ഇറക്കി തിരികെ ട്രക്കില് കയറ്റി ഷോറൂമിലേക്ക് കൊണ്ടുപോകും.
അതിനാല് കാര് നിര്മാണശാലയില് നിന്ന് അതത് ഷോറൂമിലെത്തിക്കാന് വാഹനം നിശ്ചിത കിലോമീറ്ററുകള് സഞ്ചരിക്കേണ്ടിവരും. അത് എത്ര ദൂരമാണെന്ന് കൃത്യമായി കണക്കാക്കുക ശ്രമകരമാണ്.
നിര്മ്മാണ പ്ലാന്റുകള്ക്ക് സമീപത്തെ ഷോറൂമുകളിലേക്കുള്ള വാഹനങ്ങള് ഏറ്റവും കുറഞ്ഞ ദൂരം മാത്രമേ സഞ്ചരിച്ചിട്ടുണ്ടാകൂ. നിര്മ്മാണ പ്ലാന്റില് നിന്ന് ഏറെ അകലെയുള്ള ഷോറൂമുകളില് വില്ക്കുന്ന കാറുകളാണ് ഏറ്റവും കൂടുതല് ദൂരം സഞ്ചരിക്കുക.
കാറോ ബൈക്കോ ആകട്ടെ 0 കിലോമീറ്റര് സഞ്ചരിച്ച വാഹനം ഷോറൂമുകളില് നിന്ന് ലഭിക്കാന് സാധ്യത നന്നേ കുറവാണ്. പുതിയ നിയമ പ്രകാരം വാഹനങ്ങള് രജിസ്ട്രേഷന് ശേഷമാണ് ഉടമകള്ക്ക് കൈമാറുന്നത്. അതിനാല് തന്നെ ഷോറൂമില് നിന്ന് രജിസ്ട്രേഷന് ചെയ്യുന്ന ആര്ടിഒ പരിസരത്തേക്കുള്ള ദൂരം എന്തായാലും ഓടുമെന്നുറപ്പ്.
Continue with Google