Click it and Unblock the Notifications
രണ്ട് ബോയിംഗ് വിമാനം കയറ്റാവുന്ന ട്രക്ക്
ലോകത്തിലെ ഏറ്റവും വലിയ ട്രക്ക് എന്നു പറഞ്ഞാല് സംഗതിയില് വ്യക്തതയില്ല. 450 ടണ് ഭാരം കയറ്റിക്കൊണ്ടു പോകാവുന്ന ട്രക്ക് എന്നു തന്നെ പറയണം. കൂടുതല് വ്യക്തമാവാന്, ഒരു ടാറ്റ മള്ടി ആക്സില് ട്രിപ്പറിന്റെ ശരാശരി കപ്പാസിറ്റി 25 ടണ് ആണെന്നു കൂടി പറയണം. താങ്കളുടെ രണ്ടുനില വീടിനെ ഒന്നാകെ എടുത്ത് ഈ ബെല്എസെഡ് 75710 എന്ന ട്രക്കില് കയറ്റിക്കൊണ്ടുപോകാം!
ഇത്തരം സാധനങ്ങള് ഗിന്നസ് ബുക്കില് രേഖപ്പെടുത്തും എന്നത് പ്രത്യേകം പറയേണ്ടതില്ലല്ലോ. സംഗതി ഇപ്പോഴും രേഖപ്പെടുത്തിയിട്ടില്ല. ഇതിനായുള്ള തയ്യാറെടുപ്പുകള് നടന്നുവരികയാണ്. നമുക്ക് വാഹനത്തിന്റെ അകവും പുറവും കാണാം താഴെ. അത്യാവശ്യക്കാര്ക്കു വേണ്ടി അവസാനം ഒരു വീഡിയോയും ചേര്ത്തിട്ടുണ്ട്.
ട്രക്കിന്റെ മൊത്തം ഭാരം 810 ടണ് ആണ്. 450 ടണ് ഭാരം ഉള്ക്കൊള്ളാന് ട്രക്കിന് ശേഷിയുണ്ട്.
സൈബീരിയയിലെ ഖനന പ്രവര്ത്തനങ്ങള്ക്കു വേണ്ടിയാണ് ഈ ട്രക്ക് നിര്മിക്കപ്പെട്ടത്.
ബെല്എസെഡ് 75710 ട്രക്കിന്റെ ഉയരം 26 അടിയാണ്. നീളം 67 അടിയും.
ഭാരോദ്വാഹന (സ്പെല്ലിംഗ് തെറ്റിയോ?) ശേഷി സംബന്ധിച്ച് കമ്പനി പറയുന്നത് '2.5 ബോയിംഗ് വിമാനങ്ങള് ഈ ട്രിക്കിന് ഏറ്റുവാനാകും' എന്നാണ്.
എന്ജിനെക്കുറിച്ചാണ് പറയേണ്ടത്. 16 സിലിണ്ടര് ഫോര് സ്ട്രോക്ക് എന്ജിനാണ് ട്രക്കിനുള്ളത്. ഈ എന്ജിന് 4600 കുതിരകളുടെ കരുത്ത് ഉല്പാദിപ്പിക്കും. 18,626 എന്എം എന്ന അന്തംവിട്ട ചക്രവീര്യം ചക്രങ്ങളിലേക്ക് പകരും!
മണിക്കൂറില് 64 കിലോമീറ്റര് വേഗതയില് നീങ്ങുവാന് ഈ ഭീമന് ട്രിക്കിന് ശേഷിയുണ്ട്.
20 മീറ്റര് ടേണിംഗ് റേഡിയസ്സാണ് വാഹനത്തിനുള്ളത്.
എന്ജിന് ഉല്പാദിപ്പിക്കുന്ന കരുത്ത് ഈ ഭീമന് വാഹനത്തിന്റെ ചക്രങ്ങളിലേക്ക് പകരാന് പ്രത്യേകമായ ഒരു വന് ട്രാന്സ്മിഷന് സന്നാഹം തന്നെ പ്രവര്ത്തിക്കുന്നുണ്ട്.
video
video
Continue with Google