ഹര്‍ലിയോട്ടുന്ന മലയാളി മങ്ക

Posted By:
ഹര്‍ലി ഡേവിഡ്സണിന്‍റെ ഏഷ്യാ പസിഫിക് മാനേജിംഗ് ഡയറക്ടറാണ് ഡേവിഡ് ഫോളി. വാള്‍ സ്ട്രീറ്റ് ജേണലിന് ഈയിടെ നല്‍കിയ ഒരഭിമുഖത്തില്‍, ഏഷ്യന്‍ നിരത്തുകളില്‍ കൂടുതല്‍ സ്ത്രീ ഉപഭോക്താക്കളെ ഡേവിഡ്സണ് കണ്ടെത്താന്‍ കഴിയുമെന്ന് അദ്ദേഹം പ്രത്യാശിച്ചിരുന്നു. പറഞ്ഞു നാക്കെടുത്തില്ല. ബങ്കളുരുവിലെ ഹര്‍ലി ഡേവിഡ്സണ്‍ ഷോറൂമില്‍ നിന്ന് "ഹര്‍ലി ഡേവിഡ്സണ്‍ അയണ്‍ 863" ഒരു പെണ്‍കുട്ടി വന്ന് എടുത്തോണ്ടു പോയി. അതും ഒരു മലയാളി!

രാജ്യത്തുതന്നെ ഹര്‍ലി ഡേവിസണ്‍ ബൈക്ക് സ്വന്തമാക്കുന്ന ആദ്യത്തെ സ്ത്രീയാകുന്നു ഷീജ മാത്യൂസ്! 6.5 ലക്ഷമാണ് അയണ്‍ 863-യുടെ എക്സ് ഷോറൂം വില. നിരത്തിലിറങ്ങുമ്പോള്‍ ഒരു എട്ടു ലക്ഷം പ്രതീക്ഷിക്കാം.

ഹര്‍ലി ഡേവിഡ്സണ്‍ സ്വന്തമാക്കുക എന്നത് തന്‍റെ എക്കാലത്തെയും സ്വപ്നമായിരുന്നെന്ന് ഷീജ പറയുന്നു. കഴിഞ്ഞ 15 വര്‍ഷമായി തന്‍റെ ഭര്‍തൃവാഹനമായ രാജദൂത് 350 ഷീജ നിരത്തിലോടിക്കുന്നു. ഇത്രയും കനമുള്ള വാഹനം എങ്ങനെ ഓടിക്കുമെന്നൊന്നും ഷീജയോട് ചോദിക്കരുത്. തന്നെയങ്ങനെ കുറച്ചു കാണേണ്ടെന്നാണ് അവര്‍ക്കുള്ള മറുപടി. സ്കൂട്ടിയില്‍ ഒതുക്കാനുള്ള പുരുഷാധിപത്യപരമായ ഏര്‍പ്പാടുകള്‍ കൈയില്‍ വെച്ചോണ്ടാല്‍ മതി.

സ്തീകളെ തബൈക്കില്‍ കണ്ടാല്‍ ആളുകള്‍ ഞെട്ടുന്ന കാലം കടന്നുപോയെന്ന് ഷീജ സാക്ഷ്യപ്പെടുത്തുന്നു. ബങ്കളുരു നഗരത്തില്‍ ബുള്ളറ്റും പള്‍സറുമെല്ലാം ഓട്ടുന്ന നിരവധി സ്ത്രീകളെ കാണാന്‍ കഴിയും.

ഇടയ്ക്കിടെ ഊട്ടി പോലുള്ള സ്ഥലങ്ങളിലേക്ക് ബൈക്കെടുത്ത് യാത്ര പോകുന്നത് ഷീജയ്ക്കും കുടുംബത്തിനും പതിവാണ്. ഹര്‍ലി ഡേവിഡ്സണ്‍ അത്തരം യാത്രകളെ കൂടുതല്‍ മനോഹരമാക്കുമെന്ന് ഷീജ കരുതുന്നു. ബങ്കളുരുവിലെ ഒരു ബഹുരാഷ്ട്ര കമ്പനിയില്‍ എഛ് ആര്‍ പ്രഫഷണലാണ് 34-കാരിയായ ഷീജ. ഒരു മകനുണ്ട്.

English summary
harley davidson's first woman buyer in india has emerged from bangalore. sheeja mathews who works as an hr at a mnc has received delivery of a harley davidson iron 863 on monday
Story first published: Wednesday, July 6, 2011, 15:20 [IST]

Latest Photos

 

ഉടനടി ഓട്ടോ അപ്ഡേറ്റുകള് ഡ്രൈവ്സ്പാര്ക്കില് നിന്നും
Malayalam Drivespark

We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Drivespark sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Drivespark website. However, you can change your cookie settings at any time. Learn more