Click it and Unblock the Notifications
ക്ലച്ചില്ലാത്ത അഗസ്റ്റ ബൈക്ക് ഇന്ത്യയില്
ഈയിടെ ഇന്ത്യന് വിപണിയിലേക്ക് കടന്നുവന്ന എംവി അഗസ്റ്റ പുതിയ ക്ലച്ച്ലെസ് സൂപ്പര്ബൈക്ക് വിപണിയിലെത്തിച്ചതായുള്ള വാര്ത്തകള് കാണുന്നു. എഫ്3 675, ബ്രൂടേല് എന്നീ മോഡലുകളുടെ പുതിയ വേരിയന്റുകളാണ് ഈ ഇറ്റാലിയന് കമ്പനി നിരത്തിലെത്തിക്കുന്നത്.
ഇഎഎസ് (ഇലക്ട്രോണിക്കലി അസിസ്റ്റഡ് ഷിഫ്റ്റ്) എന്നു വിളിക്കുന്ന ട്രാന്സ്മിഷന് സംവിധാനമാണ് ഇതിന്റെ പ്രത്യേകത. ഇതുവഴി ക്ലച്ച് ഉപയോഗിക്കാതെ തന്നെ ഗിയര് ചെയ്ഞ്ചിന് റൈഡര്ക്ക് സാധിക്കുന്നു.
എം വി അഗസ്റ്റയുടെ ബൈക്കുകള് എല്ലായ്പോഴും സാങ്കേതികതയുടെ ഏറ്റവും പുതിയ സ്പന്ദനങ്ങളാല് നിറഞ്ഞിരിക്കാറുണ്ട്. ഇത്തവണയും അഗസ്റ്റ നിരാശപ്പെടുന്നില്ല.
ഈ സാങ്കേതികതയുമായി പുറത്തിറങ്ങുന്ന ആദ്യ മോഡലുകളാണ് ഇന്ത്യയിലെത്തുന്നത്. യൂറോപ്പില് ഈ വാഹനം വരുന്ന ജൂണില് മാത്രമേ വിപണിയിലെത്തൂ.
Continue with Google