Click it and Unblock the Notifications
ഈ സൈക്കിള് അമ്പരപ്പിക്കും
മമതാ ബാനര്ജി കൊല്ക്കത്തയില് സൈക്കിള് നിരോധിച്ച് ഉത്തരവിറക്കിയത് വന് പ്രതിഷേധങ്ങള്ക്ക് വഴി വെച്ചിരുന്നു. ആധുനിക ലോകം മുഴുവന് സൈക്കിളിലേക്ക് തിരിയുന്ന ഘട്ടത്തിലാണ് മമതയുടെ ഈ 'പരിഷ്കാരം' വന്നത് എന്നതു കൊണ്ടു തന്നെ അന്താരാഷ്ട്ര മാധ്യമങ്ങളെല്ലാം ഈ വാര്ത്ത റിപ്പോര്ട്ടു ചെയ്തു.
ആഗോളതാപനം പോലുള്ള പാരിസ്ഥിതിക പ്രശ്നങ്ങളെ നേരിടാന് സൈക്കിള് ഒരു മികച്ച ഉപാധിയാണെന്ന് ലോകം തിരിച്ചറിഞ്ഞിട്ടുണ്ട്. നിരവധി കമ്പനികള് ഈ രംഗത്ത് പുതിയ പരീക്ഷണങ്ങളുമായി രംഗത്തു വന്നുകൊണ്ടിരിക്കുകയാണ്. ഗ്രെയ്പ് എന്ന ഇലക്ട്രിക് കാര് നിര്മാതാവില് നിന്നുള്ള ജി-12 കണ്സെപ്റ്റ് ഇലക്ട്രിക് സൈക്കിള് ശ്രദ്ധേയമാകുന്നത് അതില് ചേര്ത്തിട്ടുള്ള ആധുനിക സന്നാഹങ്ങള് കൊണ്ടാണ്.
16 കുതിരകളുടെ ശേഷിയുള്ള മോട്ടോര് ജി 12 സൈക്കിളിന് ഊര്ജ്ജം പകരുന്നു. ലിതിയം നാനോഫോസ്ഫേറ്റ് ബാറ്ററിയാണ് ഇതില് ഉപയോഗിച്ചിരിക്കുന്നത്. ഉയര്ന്ന പ്രകടനമാണ് ഈ ബാറ്ററിയുടെ പ്രത്യേകത.
വെറും 80 മിനിറ്റു കൊണ്ട് ഈ ബാറ്ററി പൂര്ണമായും ചാര്ജ് ചെയ്യാന് സാധിക്കും.
പെഡല് ചവുട്ടി ഓടിക്കണണെന്നു തോന്നിയാല് അതിലേക്ക് വളരെ എളുപ്പത്തില് തന്നെ മാറാന് സാധിക്കും. സൈക്കിളിന്റെ റീജനറേറ്റീവ് സംവിധാനം ഈ പെഡല് ചവുട്ടില് നിന്ന് ഊര്ജ്ജം സംഭരിക്കുന്നു.
മുന്നില് രണ്ട് ഹൈഡ്രോളിക് ഡിസ്കുകളുള്ള ബ്രേക്കിംഗ് സംവിധാനം ഘടിപ്പിച്ചിരിക്കുന്നു. പിന്നില് ഒരു സിംഗിള് ഡിസ്ക് യൂണിറ്റാണുള്ളത്. സാധാരണ ഇലക്ട്രിക് വാഹനങ്ങളെപ്പോലെ തന്നെ ജി 12ഉം ബ്രേക്കിംഗില് നിന്ന് ഊര്ജ്ജം സ്വീകരിക്കുന്നു.
മണിക്കൂറില് 65 കിലോമീറ്റര് വേഗത വരെ പിടിക്കാന് ഈ സൈക്കിളിന് സാധിക്കും. ഒറ്റ ചാര്ജില് 120 കിലോമീറ്റര് റേഞ്ച് വാഹനത്തിനുണ്ടായിരിക്കും.
മൂന്ന് മോഡുകളില് ഈ സൈക്കിളോടിക്കാം.
സ്ട്രീറ്റ്: സിറ്റികളിലെ റൈഡിന് യോജിച്ചതാണ് ഈ മോഡ്. കൂടിയ വേഗത മണിക്കൂറില് 25 കിലോമീറ്റര്. വളരെ കുറച്ച് ഊര്ജം മാത്രമേ ചെലവഴിക്കപ്പെടൂ.
പവർ: സ്പീഡ് മോഡ് എന്നും അറിയപ്പെടുന്ന ഈ മോഡിലിട്ട് വാഹനത്തിന്റെ ഏറ്റവുമുയര്ന്ന പ്രകടനശേഷി പുറത്തെടുക്കാന് കഴിയും.
ഇക്കോ: പ്രകടനവും ഊര്ജ പുനരുല്പാദനവും ഒരേ മട്ടില് നടക്കുന്നു ഈ മോഡില്.
വാഹനത്തിന്റെ ഇലക്ട്രോണിക് സന്നാഹങ്ങളാണ് ഏറെ കൗതുകകരമായിട്ടുള്ളത്. വിരലടയാളം വായിക്കുവാന് കഴിയുന്ന ഒരു സംവിധാനം ഇതിലുണ്ട്. സൈക്കിള് ലോക്ക് ചെയ്തു വെക്കുവാന് ഇത് ഉപയോഗപ്പെടും. ഈ സംവിധാനത്തിലേക്ക് പല വിരലടയാളങ്ങള് നല്കുവാന് കഴിയും.
ഒരു ഉപയോക്താവിന് അഞ്ച് വിരലടയാളങ്ങള് പതിപ്പിക്കുവാനാവും. ഇങ്ങനെ അമ്പത് പേരുടെ വിരലടയാളങ്ങള് ഓര്മിച്ചു വെക്കാന് വാഹനത്തിന് സാധിക്കും.
വീഡിയോ
വീഡിയോ
Continue with Google