പള്‍സര്‍ 200എസ്എസ് ടെസ്റ്റ് ചെയ്യുന്നു!

പള്‍സര്‍ 200 എസ്എസ്

അടുത്ത ഒരു മാസത്തിനകം പള്‍സര്‍ 200 എസ്എസ് ഇന്ത്യന്‍ വിപണിയിലെത്തുമെന്ന് പ്രതീക്ഷിക്കപ്പെടുന്നുണ്ട്. ഈ വാഹനത്തിന്റെ വരവ് സംബന്ധിച്ച് ഇന്ന് നിലവിലുള്ള എല്ലാ അറിവുകളും മാധ്യമങ്ങള്‍ ചോര്‍ത്തിയതാണ്. ഇതുസംബന്ധിച്ച് യാതൊന്നും സംസാരിക്കാന്‍ ബജാജ് കൂട്ടാക്കിയിട്ടില്ല ഇതുവരെ. 200എന്‍എസ്സിലുള്ള അതേ എന്‍ജിന്‍ തന്നെയാണ് 200 എസ്എസ്സിലുമുള്ളത്. ചില ട്യൂണിംഗ് വ്യതിയാനങ്ങള്‍ക്ക് ഈ എന്‍ജിന്‍ വിധേയമായിട്ടുണ്ടെന്നാണ് ഊഹിക്കുന്നത്. പ്രകടനത്തിലും ഇന്ധനക്ഷമതയിലുമെല്ലാം മാറ്റം പ്രതീക്ഷിക്കുന്നുണ്ട്. ഈയടുത്തകാലത്തായി ബജാജിന്റെ നിരവധി ബൈക്കുകള്‍ ടെസ്റ്റ് ചെയ്യുന്ന നിലയില്‍ കണ്ടെത്തിയിട്ടുണ്ട്. 150 എന്‍എസ്, 180 എന്‍എസ് എന്നിവയും ഇതില്‍പ്പെടുന്നു.

പൾസർ 400 എസ്എസ്

375സിസി ലിക്യുഡ് കൂള്‍ഡ് 4 വാല്‍വ് എന്‍ജിനാണ് 6 സ്പീഡ് ഗിയര്‍ബോക്‌സ് ചെര്‍ത്ത് ഈ വാഹനങ്ങളില്‍ ചേര്‍ത്തിരിക്കുന്നത്.

പൾസർ 400 എസ്എസ്

ഫെയറിംഗ് ഘടിപ്പിച്ചിട്ടുണ്ട് എന്നതല്ലാതെ സാങ്കേതികമായി പൾസർ 400സിഎസ് പതിപ്പില്‍ നിന്ന് കാര്യമായ വ്യത്യാസമൊന്നും ഈ ബൈക്കിനില്ല.

പൾസർ 400 എസ്എസ്

ഇരുവശങ്ങളിലും പ്രൊജക്ടര്‍ ഹെഡ്‌ലാമ്പുകള്‍ ഒരല്‍പം അഗ്രസീവായ ഡിസൈനില്‍ നല്‍കിയിരിക്കുന്നത് പള്‍സര്‍ ആരാധകരെ ആകര്‍ഷിക്കാതിരിക്കില്ല.

ബജാജ് പള്‍സര്‍ സിഎസ്400

ഇതൊരു നേക്കഡ് സ്ട്രീറ്റ്‌ഫൈറ്റര്‍ ബൈക്കാണ്. കെടിഎം 390-യുടെ എന്‍ജിന്‍ സ്വീകരിച്ചും സാങ്കേതികത പിന്തുടര്‍ന്നുമാണ് ഈ ബൈക്ക് നിര്‍മിച്ചിരിക്കുന്നത്.

ഇന്ധനക്ഷമത

ഇന്ധനക്ഷമതയിലും സിറ്റി റോഡുകളിലെ കൈകാര്യക്ഷമതയിലും 400എസ്എസ്സും 400എൻഎസ്സും മികച്ച പ്രകടനം നടത്തുമെന്നാണ് കരുതേണ്ടത്.

എബിഎസ്

രണ്ട് ബൈക്കുകളിലും എബിഎസ് ചേര്‍ത്തിട്ടുണ്ട്. ഇന്‍സ്ട്രുമെന്റ് കണ്‍സോള്‍ ഡിജിറ്റലാണ്. പള്‍സര്‍ സിഎസ്400 നേക്കഡ് ബൈക്കിന് കാഴ്ചയില്‍ പള്‍സര്‍200-മായി സാമ്യം തോന്നാം.

ലോഞ്ച്

പള്‍സര്‍ എസ്എസ്400, സിഎസ്400 ബൈക്കുകള്‍ ഈ സാമ്പത്തികവര്‍ഷം അവസാനം ലോഞ്ച് ചെയ്യുമെന്ന് പ്രതീക്ഷിക്കുന്നു.