ഹാര്ലി സ്ട്രീറ്റ് 750 അവതരണം കാണാന് ഗോവയിലേക്ക്
ഹാര്ലി ഡേവിസന് സ്ട്രീറ്റ് 750 ഗോവയില് നടക്കാനിരിക്കുന്ന ഇന്ത്യ ബൈക്ക് വീക്കില് അവതരിക്കും. ജനുവരി 17നാണ് ഇന്ത്യ ബൈക്ക് വീക്ക് തുടങ്ങുക. ബൈക്ക് വീക്കില് ഈ അവതരണത്തിനായി പ്രത്യേക സമയം നീക്കിവെച്ചിട്ടുണ്ട്.
ഹാര്ലിയുടെ അഞ്ച് ലക്ഷത്തിന്റെ പരിധിയില് വിലവരുന്ന ബൈക്ക് എന്ന നിലയിലാണ് സ്ട്രീറ്റ് 750-യെ ഇന്ത്യ ആകാംക്ഷയോടെ നോക്കിക്കാണുന്നത്. രാജ്യത്തെ ഹാര്ലി ഉടമകളുടെ എണ്ണം ഗണ്യമായി വര്ധിക്കുന്നതിന് ഈ വിലനിലവാരം തീര്ച്ചയായും കാരണമാകും.

രണ്ട് മോഡലുകള്
ഇന്ത്യയിലേക്ക് രണ്ട് ഹാര്ലി മോഡലുകളാണ് വരാനൊരുങ്ങുന്നത്. സ്ട്രീറ്റ് 750-യെക്കൂടാതെ സ്ട്രീറ്റ് 500 എന്നൊരു മോഡല് കൂടി എത്തിച്ചേരും. ഈ ബൈക്കിന് 4 ലക്ഷത്തിന്റെ ചുറ്റുപാടിലായിരിക്കും വില.

എൻജിൻ
കഴിഞ്ഞ വര്ഷത്തെ മിലന് ഓട്ടോ ഷോയിലാണ് ഈ വാഹനങ്ങള് രണ്ടും അവതരിപ്പിക്കപ്പെട്ടത്. സ്ട്രീറ്റ് 750യില് ഘടിപ്പിച്ചിരിക്കുന്നത് 749സിസി ശേഷിയുള്ള വി ട്വിന് ലിക്വിഡ് കൂള്ഡ് എന്ജിനാണ്. 'റെവല്യൂഷന് എക്സ്' എന്നാണ് ഈ എന്ജിന് പേര്. 6 സ്പീഡ് മാന്വല് ഗിയര്ബോക്സ് ചേര്ത്തിരിക്കുന്നു എന്ജിനോടൊപ്പം.

ഡാര്ക്ക് കസ്റ്റം ഡിസൈന്
മുന്നില് 17 ഇഞ്ച് വീലും പിന്നില് 15 ഇഞ്ച് വീലും ഘടിപ്പിച്ചിരിക്കുന്നു സ്ട്രീറ്റ് 750യില്. 'ഡാര്ക്ക് കസ്റ്റം' എന്നറിയപ്പെടുന്ന ശില്പശൈലിയാണ് ബൈക്കിന്റേത്. മിക്കവാറും ഘടകഭാഗങ്ങള് ഇരുണ്ട നിറത്തില് നിലനിര്ത്തുന്നതാണ് ഈ ശില്പശൈലി. എന്ജിന്, ഹാന്ഡില്ബാറുകള്, എക്സോസ്റ്റ് തുടങ്ങിയ എല്ലാ ഭാഗങ്ങളും ഇരുണ്ട നിറത്തിലായിരിക്കും.

നിർമാണം
ഹരിയാനയിലെ ബവാലില് സ്ഥിതി ചെയ്യുന്ന ഹാര്ലിയുടെ നിര്മാണ പ്ലാന്റിലാണ് സ്ട്രീറ്റ് 750യുടെ 500ഉം നിര്മിക്കുക.

ദില്ലി എക്സ്പോ
സ്ട്രീറ്റ് 750യുടെ വില 5 ലക്ഷത്തിന്റെ പരിധിയിലാണ് വരിക. ഔദ്യോഗിക ലോഞ്ച് നടക്കുന്നത് ദില്ലി എക്സ്പോയിലായിരിക്കും. ഗോവയില് നടക്കുന്ന അവതരണം ഡ്രൈവ്സ്പാര്ക്ക് ലൈവായി നിങ്ങളിലേക്ക് എത്തിക്കുന്നതായിരിക്കും.


Click it and Unblock the Notifications








