ഹോണ്ട സിബിആർ250ആർ, 150ആർ എന്നിവയുടെ പുതുക്കൽ

ഹോണ്ട സിബിആർ250ആർ

സിബിആർ250ആറിൽ ചേർത്തിരിക്കുന്നത് 250സിസി ശേഷിയുള്ള 4 സ്ട്രോക്ക്, 4 വാൽവ്, സിംഗിൾ സിലിണ്ടർ എൻജിനാണ്. 26 കുതിരശക്തിയാണ് ഈ എൻജിൻ പകരുക. 22.9 എൻഎം ടോർക്ക്.

ഹോണ്ട സിബിആർ150ആർ

സിബിആർ150ആറിന്റെ എൻജിൻ 149.4 സിസി ശേഷിയുള്ളതാണ്. 17.5 കുതിരശക്തിയാണ് ഈ എൻജിനുള്ളത്. 12.7 എൻഎം ടോർക്ക്.

എട്ട് നഗരങ്ങളിൽ ഒരുമിച്ചായിരുന്നു ഈ വാഹനങ്ങളുടെ ലോഞ്ച് ചടങ്ങ് സംഘടിപ്പിച്ചത്. ന്യൂദില്ലി, ബങ്കളുരു, മുംബൈ, കൊൽക്കത്ത, ഹൈദരാബാദ്, ചെന്നൈ, അഹ്മദാബാദ്, ഇൻഡോർ എന്നിവിടങ്ങളിൽ നടന്ന ലോഞ്ച് ചടങ്ങുകൾക്ക് റെവ്ഫെസ്റ്റ് എന്നാണ് പേരിട്ടിരുന്നത്.

ഈ രണ്ടു ബൈക്കുകളെക്കൂടാതെ പുതിയ സിബിആർ650എഫ് മോഡലിന്റെ വിപണിപ്രവേശവും ഹോർനെറ്റ് 160ആറിന്റെ അവതരണച്ചടങ്ങും നടക്കുകയുണ്ടായി.

ഈ വാഹനങ്ങളുടെ ബുക്കിങ് ഇതിനകം തന്നെ തുടങ്ങിയിട്ടുണ്ട്. സിബിആർ650എഫ് ഒഴികെയുള്ള എല്ലാ മോഡലുകളും ഇന്ത്യയിലെമ്പാടും ലഭിക്കും. സിബിആർ650എഫ് ഇന്ത്യയിലെ 13 നഗരങ്ങളിൽ മാത്രമേ വിൽക്കുകയുള്ളൂ.