ഹോണ്ട 4 മാസത്തിനുള്ളിൽ 4 ടൂ വീലറുകൾ നിരത്തിലെത്തിക്കും!

വിപണിയിൽ കൂടുതൽ കരുത്തോടെ മുമ്പോട്ടു നീങ്ങാനാണ് ഹോണ്ടയുടെ തീരുമാനം. കടുത്ത മത്സരം നിലനിൽക്കുന്ന സാഹചര്യത്തിൽ കൂടുതലുൽപന്നങ്ങൾ നിരത്തിലിറക്കുക എന്ന തന്ത്രവും ഹോണ്ട പയറ്റുന്നു. അടുത്ത നാലു മാസത്തിലുള്ളിൽ നാല് പുതിയ ടൂ വീലർ മോഡലുകൾ വിപണിയിലെത്തിക്കാൻ ഹോണ്ട ആലോചിക്കുന്നുണ്ട്.

അതെസമയം ഈ മോഡലുകൾ ഏതെല്ലാമാണെന്നതിനെക്കുറിച്ച് വ്യക്തതയൊന്നും വന്നിട്ടില്ല. നാല് മോഡലുകൾ വരുന്നുണ്ട് എന്ന കാര്യത്തിൽ മാത്രമേ ഹോണ്ടയിൽ നിന്നും സ്ഥിരീകരണം വന്നിട്ടുള്ളൂ.

നടപ്പ് ഉൽസവ സീസൺ ലക്ഷ്യമാക്കി ഈ നാല് മോഡലുകളിൽ ചിലത് എത്തുമെന്ന് പ്രതീക്ഷിക്കാവുന്നതാണ്. ഈ വർഷത്തിൽ അഞ്ച് ശതമാനംകണ്ട് വളർച്ചാനിരക്ക് കണ്ടെത്തണമെന്ന് കമ്പനി ആലോചിക്കുന്നു.

ഈയിടെയാണ് സിബിആർ650, ലിവോ എന്നീ മോഡലുകൾ ഹോണ്ടയിൽ നിന്നും വിപണിയിലെത്തിയത്. ഇന്ത്യയുടെ സ്കൂട്ടർ വിപണിയിൽ ഒന്നാംസ്ഥാനം കൈയടക്കി വെച്ചിരിക്കുന്നത് ഹോണ്ടയാണ്.