കാവസാക്കി സെഡ്800-ന് 50,000 രൂപ വിലകുറച്ചു

കാവസാക്കി സെഡ്800 മോട്ടോര്‍സൈക്കിളിന്റെ വില 50,000 രൂപകണ്ട് കുറച്ചതായി വിവരം. 2015 മാര്‍ച്ച് മാസം വരെ മാത്രമാണ് ഈ വിലക്കിഴിവ് ലഭ്യമാവുക.

ഓരോ സംസ്ഥാനത്തെയും നികുതികളെ ആധാരമാക്കി ഈ വിലക്കിഴിവില്‍ ചില ചെറിയ മാറ്റങ്ങള്‍ വരാനിടയുണ്ടെന്ന് കാവസാക്കി അറിയിക്കുന്നു. പൂനെ എക്‌സ്‌ഷോറൂം നിരക്ക് പ്രകാരം 7.35 ലക്ഷം രൂപയാണ് സെഡ്800ന് വില.

പ്രീമിയം മോട്ടോര്‍സൈക്കിളുകളുടെ വിപണിയില്‍ നേരത്തെ ഇതിനു സമാനമായ വിലക്കിഴിവ് പ്രഖ്യാപിക്കപ്പെട്ടത് കഴിഞ്ഞവര്‍ഷം സുസൂക്കി ഇനസുമയിലായിരുന്നു. 1 ലക്ഷം രൂപയാണ് ഇനസുമയില്‍ സുസൂക്കി പ്രഖ്യാപിച്ചത്. ഈ ക്വാര്‍ട്ടര്‍ ലിറ്റര്‍ ബൈക്ക് ഇന്ത്യയില്‍നിന്നും പിന്‍വലിച്ചിരിക്കുകയാണ് സുസൂക്കി ഇപ്പോള്‍.

കാറുകള്‍ക്കും മോട്ടോര്‍സൈക്കിളുകള്‍ക്കുമുള്ള നികുതികള്‍ വര്‍ധിപ്പിച്ച സാഹചര്യത്തില്‍ എള്‌ലാ വാഹനനിര്‍മാതാക്കളും തങ്ങളുടെ മോഡലുകള്‍ക്ക് വിലവര്‍ധിപ്പിക്കുന്ന സാഹചര്യമാണ് നിലവിലുള്ളത്. ഇക്കാരണത്താല്‍തന്നെ കാവസാക്കിയുടെ പുതിയ നീക്കം വിപണിയെ ഞെട്ടിച്ചിരിക്കുകയാണ്.