Click it and Unblock the Notifications
പൂഷോയുടെ മുച്ചക്ര സ്കൂട്ടറിനെ മഹീന്ദ്ര ഇന്ത്യയിലെത്തിക്കും!
ഫ്രഞ്ച് ഓട്ടോമൊബൈല് നിര്മാതാവായ പൂഷോ ഇന്ന് മഹീന്ദ്രയുടെ ഉടമസ്ഥതയിലാണുള്ളത്. കഴിഞ്ഞവര്ഷം ഒക്ടോബര് മാസത്തിലാണ് ഈ കമ്പനിയുടെ 51 ശതമാനം ഓഹരി മഹീന്ദ്ര വാങ്ങിയത്. ലോകത്തെമ്പാടും വേരുകള് പടര്ത്തുക എന്നതിനൊപ്പം ഇന്ത്യയിലെ വളര്ന്നു വരുന്ന മോട്ടോര്സൈക്കിള് വിപണിയില് സ്ഥാനമുറപ്പിക്കുക എന്ന ഉദ്ദേശ്യം കൂടി ഈ നീക്കത്തിനു പിന്നിലുണ്ടായിരുന്നു.
പുതിയതായി വരുന്ന വാര്ത്തകള് പൂഷോയുടെ ഇരുചക്രവാഹനങ്ങള് ഇന്ത്യയിലെത്തിക്കാന് മഹീന്ദ്ര തയ്യാറെടുക്കുന്നതായി പറയുന്നു. കൂടുതല് വായിക്കാം താഴെ.
മൂന്ന് വീലുള്ള പൂഷോ മെട്രോപോളിസ് സ്കൂട്ടര് ഇന്ത്യയ്ക്ക് തികച്ചും പുതുമയായിരിക്കും. ഈ വാഹനത്തെ രാജ്യത്തെത്തിക്കാന് മഹീന്ദ്രയ്ക്ക് പ്ലാനുണ്ടെന്നാണ് അറിയുന്നത്.
ഒരു 400 സിസി എന്ജിനാണ് ഈ സ്കൂട്ടറിലുള്ളത്. 37 കുതിരശക്തി ഉല്പാദിപ്പിക്കാന് ഈ സ്കൂട്ടറിന് സാധിക്കും.
മണിക്കൂറില് 144 കിലോമീറ്റര് വേഗതയില് പായാന് ശേഷിയുണ്ട് ഈ വാഹനത്തിന്.
മെട്രോപോളിസ്സിനെ കൂടാതെ മറ്റുചില വാഹനങ്ങളെക്കൂടി നിരത്തിലെത്തിച്ചേക്കും മഹീന്ദ്ര. 125സിസി കരുത്തുള്ള സാറ്റെലിസ് സ്കൂട്ടര്, 125 സിസിയുടെ തന്നെ ജാങ്കോ സ്കൂട്ടര് എന്നിവ ഇ്ത്യയില് എത്തിച്ചേരുമെന്ന് പ്രതീക്ഷിക്കുന്നു.
ഇന്ത്യയില് പക്ഷേ ഈ സ്കൂട്ടര് എത്രത്തോളം പ്രായോഗികമാകുമെന്ന് സന്ദേഹമുണ്ട്. മഹീന്ദ്ര ഒരുപക്ഷേ, കുറച്ചുകൂടി പവര് കുറഞ്ഞ എന്ജിന് ഘടിപ്പിച്ച് മെട്രോപോളിസിനെ വിപണിയിലെത്തിച്ചേക്കും.
മഹീന്ദ്രയുടെ മോജോ മോട്ടോര്സൈക്കിളും അധികം താമസിക്കാതെ വിപണിയിലെത്തുമെന്ന് വാര്ത്തകള് പറയുന്നു. ഈ 300 സിസി സ്കൂട്ടറിന്റെ വിപണിപ്രവേശം കാലങ്ങളായി കാത്തിരിക്കുകയാണ് ഇന്ത്യ. മഹീന്ദ്ര നല്കുന്ന സൂചനപ്രകാരം നടപ്പ് സാമ്പത്തികവര്ഷത്തിന്റെ ആദ്യപകുതിയില് തന്നെ മോജോ വിപണിയിലെത്തുമെന്നാണ്.
Continue with Google