ഒക്ടോബറിൽ 10,000ത്തിലധികം സുസൂക്കി ജിക്സറുകൾ വിറ്റഴിച്ചു!

154.9സിസി ശേഷിയുള്ള സിംഗിൾ സിലിണ്ടർ എൻജിനാണ് ഈ വാഹനത്തിൽ ചേർത്തിരിക്കുന്നത്. 14.59 കുതിരശക്തി ഉൽപാദിപ്പിക്കാൻ ഈ എൻജിന് സാധിക്കും. 14 എൻഎം ആണ് ടോർക്ക്.

ഒരു 5 സ്പീഡ് ഗിയർബോക്സാണ് വാഹനത്തിൽ ചേർത്തിരിക്കുന്നത്.

വാഹനത്തിന്റെ മുംബൈ ഓൺറോഡ് വില 89,228 രൂപയാണ്. ഡ്യുവൽ പെയിന്റ് സ്കീമിൽ വരുന്ന ജിക്സറിന് 90,366 രൂപ വിലവരും. ജിക്സർ എക്സ്എഫിന് 99,030 രൂപയാണ് ഓൺറോഡ് വില.

ഇന്ധനമില്ലാതെ 135 കിലോഗ്രാം ഭാരമുണ്ട് ജിക്സറിന്. വിപണിയിൽ കുറെക്കൂടി കരുത്തേറിയ ജിക്സർ മോഡൽ എത്തിക്കാൻ സുസൂക്കി ആലോചിച്ചിരുന്നു. ഇക്കാര്യത്തിൽ ഇപ്പോഴും വ്യക്തത വന്നിട്ടില്ല.

കഴിഞ്ഞ ഏപ്രിലിൽ വിപണിയിലെത്തിയ ജിക്സർ എഖ്സ്എഫിന് 93,245 രൂപയാണ് ഷോറൂം വില. എൻജിനിലും മറ്റ് സവിശേഷതകളിലും മാറ്റമൊന്നുമില്ല.