ട്രയംഫ് ടൈഗർ 800 എക്സ്ആർ വിപണിയിലെത്തി

ട്രയംഫിൽ നിന്നുള്ള പുതിയ അഡ്വഞ്ചർ ബൈക്ക്, ടൈഗർ 800 എക്സ്ആർ വിപണി പിടിച്ചു. ദില്ലി എക്സ്ഷോറൂം നിരക്ക് പ്രകാരം 10,50,000 രൂപയാണ് വാഹനത്തിനു വില.

800സിസി ശേഷിയുള്ള എൻജിനാണ് ഈ ബൈക്കിൽ ഘടിപ്പിച്ചിരിക്കുന്നത്. ഈ ലിക്യുഡ് കൂൾഡ് എൻജിൻ 94 കുതിരശക്തി ഉൽപാദിപ്പിക്കുന്നു. 79 എൻഎം ആണ് ചക്രവീര്യം. ഒരു 6 സ്പീഡ് ഗിയർബോക്സ് എൻജിനോടൊപ്പം ചേർത്തിട്ടുണ്ട്.

കരുത്തും ഹാൻഡ്‌ലിങ് ശേഷിയും സ്റ്റൈലുമെല്ലാം തികഞ്ഞ ബൈക്കുകൾ നിർമിക്കുന്നതിലാണ് തങ്ങൾക്കു ശ്രദ്ധയെന്ന് ട്രയംഫ് പറയുന്നു.

അഡ്വഞ്ചർ ബൈക്കുകളുടെ വിപണിയിൽ ട്രയംഫ് മോഡലുകൾ അതറുന്ന പ്രകടനമാണ് കാഴ്ച വെക്കുന്നത്.