78 കിമി. മൈലേജുമായി യമഹ സല്യൂട്ടോ എത്തി

സല്യൂട്ടോയുടെ ഡിസൈന്‍ ആകര്‍ഷകമാണ്. യമഹ എസ്‌സെഡ്, എസ്എസ് എന്നീ ബൈക്കുകളുടെ ഡിസൈനുകളില്‍ നിന്നാണ് യമഹ സല്യൂട്ടോയുടെ രൂപം പിറവി കൊണ്ടിരിക്കുന്നത്.

വിപണിയിലെ ഏതിരാളികളുമായി താരതമ്യം ചെയ്യുമ്പോള്‍ കൂടുതല്‍ സ്‌റ്റൈലിഷാണ് സല്യൂട്ടോ. കാഴ്ചയില്‍ ഒരു പ്രീമിയം സൗന്ദര്യം പകരാനും ഈ ബൈക്കിന് സാധിക്കുന്നുണ്ട്.

• എന്‍ജിന്‍: 125സിസി, സിംഗിള്‍ സിലിണ്ടര്‍
• കുതിരശക്തി: 8.3
• ചക്രവീര്യം: 10.1 എന്‍എം
• ഗിയര്‍ബോക്‌സ്: 4 സ്പീഡ്



സല്യൂട്ടോയുടെ ഇരു വീലുകളിലും ഡ്രം ബ്രേക്കാണ് ചേര്‍ത്തിരിക്കുന്നത്. യമഹയുടെ ബൈക്കുകളില്‍ ഏറ്റവു ംഭാരം കുറഞ്ഞ ബൈക്കാണിത് എന്നും അറിയുക. ആകെ 112 കിലോയാണ് ഭാരം.



മൈലേജും വിലയും

സെഗ്മെന്റില്‍ ഏറ്റവും മത്സരക്ഷമമായ മൈലേജിലും വിലയിലുമാണ് സല്യൂട്ടോ വരുന്നത്. ലിറ്ററിന് 78 കിലോമീറ്റര്‍ മൈലേജ് നല്‍കാന്‍ ഈ ബൈക്കിന് സാധിക്കുന്നു. ദില്ലി എക്‌സ്‌ഷോറൂം നിരക്ക് പ്രകാരം 52,000 രൂപയാണ് വില.



ടിവിഎസ് ഫീനിക്‌സ്, ഹോണ്ട ഷൈന്‍, ഹീറോ ഗ്ലാമര്‍, ബജാജ് ഡിസ്‌കവര്‍ എന്നീ ബൈക്കുകളാണ് സെഗ്മെന്റില്‍ യമഹ സല്യൂട്ടോയുടെ എതിരാളിയായി വിപണിയിലുള്ളത്.