പുതിയ പൾസർ 400 ക്രൂസർ സ്പോർടുമായി ബജാജ്

ബൈക്ക് മൊത്തമായി മൂടപ്പെട്ട രീതിയിലാണ് പരീക്ഷണയോട്ടം നടത്തിയിട്ടുള്ളത്. 2014 ഓട്ടോഎക്സ്പോയിൽ പ്രദർശിപ്പിച്ച കൺസ്പെറ്റ് മോഡലിൽ നിന്നും അല്പം മാറ്റങ്ങൾ വരുത്തിയാണ് ബൈക്ക് അവതരിപ്പിച്ചിട്ടുള്ളത്.

സിങ്കിൾ പീസ് ഹാന്റിൽ ബാർ, പുതുക്കിയ ഫ്യുവൽ ടാങ്ക്, ഇൻസ്ട്രുമെന്റ് ക്ലസ്റ്റർ, ടാക്കോ മീറ്റർ, ട്വിൻ എൽഇഡി ടെയിൽ ലൈറ്റ്, സാമാന്യം വലുപ്പമുള്ള എക്സോസ്റ്റ്, സ്പ്ലിറ്റ്-സ്പോക്ക് ടർബൈൻ സ്റ്റൈൽ അലോയ് എന്നിവയൊക്കെ ഉൾപ്പെടുത്തിട്ടുണ്ടെന്നാണ് ചിത്രങ്ങളിൽ നിന്ന് വ്യക്തമാകുന്നത്.

സസ്പെൻഷനെ കുറിച്ച് പറയുകയാണെങ്കിൽ റെഗുലർ ഫ്രണ്ട് ഫോർക്കുകളും പിന്നിലായി മോണോഷോക്കും നൽകിയിട്ടുണ്ട്.

എബിഎസ് ഉൾപ്പെടുത്തിയ ഡിസ്ക് ബ്രേക്കുകളാണ് ഇരുചക്രങ്ങളിലും ഉപയോഗിച്ചിട്ടുള്ളത്.

കെടിഎം 390 ഡ്യൂക്കിലുള്ള സിങ്കിൾ സിലിണ്ടർ ലിക്വിഡ് കൂൾഡ് 373.4സിസി എൻജിനാണ് ഉപയോഗിച്ചിരിക്കാൻ സാധ്യത.

44.4ബിഎച്ച്പിയും 35എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്.

അടുത്ത വർഷം വിപണിയിലെത്തിക്കുന്ന പുതിയ ബജാജ് പൾസറിന് കെടിഎം 390 ഡ്യൂക്ക്, ബെനലി ടിഎൻടി300, റോയൽ എൻഫീൽഡ് ക്ലാസിക് 350 എന്നിവയാണ് മുൻനിര എതിരാളികൾ.

ഇതിന്റെ വില ദില്ലി എക്സ്ഷോറൂം രണ്ട് ലക്ഷത്തിന് താഴെയാകാനാണ് സാധ്യത.

പുതിയ 155സിസി ബൈക്കുമായി മഹീന്ദ്ര

കൂടുതൽ പുതുമയുമായി ഹോണ്ട ഡ്രീം നിയോ എത്തി

സുസുക്കി ഹയാതെയുടെ പുത്തൻ പതിപ്പ് വിപണിയിൽ