ബജാജ് പൾസർ 180,150,135 എൽഎസ് മോഡലുകൾ നിരത്തിലേക്ക്...

എൻജിനെ കുറിച്ച് പറയുകയാണെങ്കിൽ പൾസർ 150 ഒഴികെ മറ്റെല്ലാ വേരിയന്റുകളിലും പുതുക്കിയ ബിഎസ്-IV അനുസൃതമായിട്ടുള്ള എൻജിനുകളാണ് കരുത്തേകുന്നത്.

13.3ബിഎച്ച്പിയും 11.4എൻഎം ടോർക്കുമുള്ള 135സിസി സിങ്കിൾ സിലിണ്ടർ എൻജിനാണ് പൾസർ 135എൽ എസ് മോഡലിന് കരുത്തേകുന്നത്.

അതേസമയം പൾസർ 150-ൽ പുതുക്കലിന്റെ ഭാഗമായുള്ള ചില കോസ്മെറ്റിക് പരിവർത്തനങ്ങൾ നടത്തിയതൊഴിച്ച് പഴയ 149സിസി സിങ്കിൾ സിലിണ്ടർ എൻജിൻ തന്നെയാണ് ഉപയോഗിച്ചിട്ടുള്ളത്. 13.1ബിഎച്ച്പിയും 12.5എൻഎം ടോർക്കുമാണ് ഇതുല്പാദിപ്പിക്കുന്നത്.

ബിഎസ് IV ചട്ടങ്ങൾക്കനുസരിച്ചുള്ള പുതുക്കിയ 180സിസി സിങ്കിൾ സിലിണ്ടർ എൻജിനാണ് പൾസർ 180-ക്ക് കരുത്തേകുന്നത്. 17ബിഎച്ച്പിയും 14.22എൻഎം ടോർക്കുമാണ് ഈ ബൈക്കിനുള്ളത്.

പൾസറിന്റെ ഈ എല്ലാ വേരിയന്റുകളിലും 5 സ്പീഡ് ഗിയർബോക്സാണ് ചേർത്തിരിക്കുന്നത്. പുതുക്കിയെടുത്ത എല്ലാ മോഡലുകൾക്കും വെള്ളയും നീലയും കലർന്ന ഡ്യുവൽ ടോണാണ് നൽകിയിട്ടുള്ളത്.

മാത്രമല്ല സീറ്റിലും, എക്സോസ്റ്റ് യൂണിറ്റിലും അതുപോലെ ഇൻസ്ട്രുമെന്റ് ക്ലസ്റ്ററിലും ചില മാറ്റങ്ങൾ വരുത്തിയിട്ടുണ്ട്. പുതുക്കിയ പൾസർ ബൈക്കുകൾ 'ലേസർ എഡ്ജ് ' എന്ന പേരിലാണ് അവതരിപ്പിച്ചിട്ടുള്ളത്.

2017 ബജാജ് പൾസർ ബൈക്കുകളുടെ വില

• പൾസർ 135എൽ എസ്-60,178
• പൾസർ 150- 73,513
• പൾസർ 180- 79,545