സ്പോർട്സ് പ്രേമികൾക്കായി ബിഎംഡബ്ല്യൂ ജി310ആർ വരുന്നു

By Praseetha

Published: Thursday, May 5, 2016, 18:29 [IST]

മുൻ നിര വാഹനനിർമാതാക്കളായ ബിഎംഡബ്ല്യൂവിന്റേയും ടിവിഎസിന്റേയും പങ്കാളിത്തത്തിന്റെ ഫലമാണ് ജി310ആർ എന്ന ഈ സ്പോർട്സ് ബൈക്ക്. ഈ വർഷമവസാനത്തോടുകൂടി പുറത്തിറങ്ങുമെന്നറിയിച്ച ബൈക്കിന്റെ പരീക്ഷണാടിസ്ഥാനത്തിലുള്ള ഓട്ടം നടത്തിയതായിട്ടാണ് റിപ്പോർട്ട്. ഉടൻ തന്നെ വിപണിയിലെത്തുമെന്ന് പ്രതീക്ഷിക്കുന്നു.

പുതിയ 400സിസി പൾസർ റോയൽ എൻഫീൽഡിന് ഭീഷണിയാകുമോ

ബൈക്ക് നിർമിക്കുന്നതും വിദേശ വിപണിയിലേക്ക് കയറ്റി അയക്കുന്നതും ടിവിഎസിന്റെ ഹൊസൂർ ശാഖയിൽ നിന്നാണെന്നാണ് അറിയിച്ചിട്ടുള്ളത്. ഭാവിയില്‍ ഈ ഇന്ത്യ-ജര്‍മ്മന്‍ കൂട്ടായ്മയിൽ കൂടുതൽ ഉല്‍പ്പന്നങ്ങള്‍ പുറത്തിറങ്ങുമെന്നാണ് വാഹനലോകം ഉറ്റുനോക്കുന്നത്.

സ്പോർട്സ് പ്രേമികൾക്കായി ബിഎംഡബ്ല്യൂ ജി310ആർ വരുന്നു ബിഎംഡബ്ല്യു

ബിഎംഡബ്ല്യൂവിന്റെ സാങ്കേതിക വിദഗ്ദ്ധരാണ് ജി 310ആറിന്റെ രൂപകല്‍പ്പന നടത്തിയിരിക്കുന്നത്.

313 സിസി സിംഗിള്‍ സിലിണ്ടര്‍ ഡിഒഎച്ച്സി എഞ്ചിനാണ് ഈ വാഹനത്തിന് കരുത്തേകുന്നത്.

34 ബിഎച്ച് പിയാണ് ഈ എൻജിൻ ഉല്പാദിപ്പിക്കുന്നത്. 6 സ്പീഡ് ഗിയര്‍ ബോക്‌സും ഉൾപ്പെടുത്തിയിട്ടുണ്ട്.

മണിക്കൂറിൽ 145 കിലോമീറ്ററാണിതിന്റെ ഉയർന്ന വേഗതയാണുള്ളതെന്ന് കമ്പനി അവകാശപ്പെടുന്നു.

മുന്നിൽ 300 എംഎം ഡിസ്‌ക് ബ്രേക്കും പിന്നിലായി 240 എംഎം ഡിസ്‌ക് ബ്രേക്കും ഘടിപ്പിച്ചിട്ടുള്ള ഈ ബൈക്ക് ടിവിഎസിന്റെ തന്നെ എഫ് സി ബൈക്കുകളെ അനുസ്മരിപ്പിക്കുന്നതാണ്.