കെടിഎംമിനേക്കാൾ കുറഞ്ഞ വിലയ്ക്ക് ബിഎംഡബ്യൂ ബൈക്കെത്തുന്നു...

ടിവിഎസിന്റെ ഹൊസൂർ ശാഖയിൽ നിന്നാണ് ബൈക്കിന്റെ നിർമാണം നടത്തിയിട്ടുള്ളത് മാത്രമല്ല വിദേശ വിപണിയിലേക്ക് കയറ്റി അയക്കുന്നതും ഇവിടെ നിന്നാണ്.

ഇന്ത്യ-ജര്‍മ്മന്‍ കൂട്ടായ്മയിൽ ഇന്ത്യയിൽ നിർമിച്ച് വിദേശത്തേക്ക് അയക്കുന്ന ബൈക്ക് എന്നുള്ള പ്രത്യേകത കൂടിയുണ്ട് ഈ ബൈക്കിന്. ബിഎംഡബ്ല്യൂവിന്റെ സാങ്കേതിക വിദഗ്ദ്ധരാണ് ജി 310ആറിന്റെ രൂപകല്‍പ്പന നടത്തിയിരിക്കുന്നത്.

313 സിസി സിംഗിള്‍ സിലിണ്ടര്‍ ഡിഒഎച്ച്സി എഞ്ചിനാണ് ഈ വാഹനത്തിന് കരുത്തേകുന്നത്. 34 ബിഎച്ച്പിയും 28എൻഎം ടോർക്കുമാണ് ഈ എൻജിൻ ഉല്പാദിപ്പിക്കുന്നത്.

6 സ്പീഡ് മാനുവൽ ഗിയര്‍ ബോക്‌സാണ് ഈ ബൈക്കിന് നൽകിയിട്ടുള്ളത്. ലിറ്ററിന് 36 കിലോമീറ്ററാണ് കമ്പനി വാഗ്ദാനം ചെയ്യുന്ന മൈലേജ്.

മണിക്കൂറിൽ 145 കിലോമീറ്റർ ഉയർന്ന വേഗതയാണ് ബൈക്കിനുള്ളതെന്നാണ് കമ്പനി അവകാശപ്പെടുന്നത്. 11ലിറ്ററാണ് ബൈക്കിന്റെ ഫ്യുവൽ ടാങ്ക് കപ്പാസിറ്റി.

മുന്നിൽ 300 എംഎം ഡിസ്‌ക് ബ്രേക്കും പിറകിൽ 240 എംഎം ഡിസ്‌ക് ബ്രേക്കും ഘടിപ്പിച്ചിട്ടുള്ള ഈ ബൈക്ക് ടിവിഎസിന്റെ തന്നെ എഫ് സി ബൈക്കുകളെ അനുസ്മരിപ്പിക്കുന്നതാണ്.

കെടിഎം ഡ്യൂക്ക് 390, ബെനലി ടിഎന്‍ടി 300, മഹീന്ദ്ര മോജോ 300 എന്നിവരെയാണ് വിപണിയിൽ ബിഎംഡബ്ല്യൂ ബൈക്കിന് എതിരിടേണ്ടി വരിക.

ഈ വർഷം തന്നെയാണ് ബൈക്കിനെ വിപണിയിലെത്തിക്കുന്നതെന്നാണ് കമ്പനി നൽകിയിട്ടുള്ള അറിയിപ്പ്.

ഒന്നാമൻ ആക്ടീവ; ടോപ്പ് ടെന്നിലേക്ക് ടിവിഎസ് മോപ്പഡും

കൗമാരക്കാരുടെ അഭിരുചിക്കൊത്ത ബൈക്കുകൾ