ഹീറോ നാല് പ്രശസ്ത മോഡലുകളെ പിൻവലിക്കുന്നു!!

ഇംപൾസ്, ഇഗ്നിറ്റർ, പാഷൻ എക്സ്പ്രോ, മാസ്ട്രോ മോഡലുകളേയാണ് വിപണിയിൽ നിന്നും പിൻവലിക്കുന്നത്.

ഈ ബൈക്കുകൾ പിൻവലിക്കുന്നതിന് മുൻപായി ഹീറോ സ്വന്തമായി വികസിപ്പിച്ചെടുത്ത മാസ്ട്രോ എഡ്ജ്, ഡ്യുവെറ്റ്, സ്‌പ്ലെന്റർ ഐസ്മാർട് 110 മോഡലുകളുടെ വിപണിയിലുള്ള സ്ഥാനവും ഉറപ്പിച്ചുകഴി‍ഞ്ഞു.

ഇതുകൂടാതെ മറ്റുചില പുതിയ മോഡലുകളേയും ഇന്ത്യയിലും വിദേശത്തുമായും ഇറക്കാനുള്ള പദ്ധതിയിലാണ് ഹീറോ.

നിലവിൽ ഹീറോ പ്ലെഷർ മാത്രമാണ് ഹോണ്ട എൻജിൻ ഉപയോഗിക്കുന്നതായിട്ടുള്ളത്. ഇതുടനെ മാറ്റി മാസ്ട്രോ എഡ്ജ്, ഡ്യുവറ്റ് സ്കൂട്ടറിലുള്ള എൻജിൻ ഘടിപ്പിക്കുമെന്നാണ് ഹീറോ നൽകിയിട്ടുള്ള വിവരം.

പാഷൻ എക്സ്പ്രോ പിൻവലിച്ചാലും പുതിയ എൻജിനും മറ്റുപുതുമകളും ഉൾപ്പെടുത്തി വീണ്ടുമിറക്കുമെന്നാണ് കമ്പനി അറിയിച്ചിരിക്കുന്നത്.

പുതിയ സ്പ്ലെന്റർ ഐസ്മാര്‍ടിലുപയോഗിച്ചിട്ടുള്ള എൻജിനും ഡിസൈനും തന്നെയായിരിക്കും പാഷൻ എക്സ്പ്രോയ്ക്കും നൽകുക.

നിലവിൽ മോശപ്പെട്ട വില്പന കാഴ്ചവെക്കുന്ന ഇംപൾസ്, ഇഗ്നീറ്റർ മോഡലുകളെ ഭാവിയിൽ പുനരവതരിപ്പിച്ചേക്കാമെന്നാണ് ഹീറോ വ്യക്തമാക്കിയത്.

വി15-ന് പിന്നാലെ വി20,വി40 ബൈക്കുകളുമായി ബജാജ്

സ്പ്ലെന്റർ ഐസ്മാർടിലൂടെ പുതുയുഗം കുറിച്ച് ഹീറോ