ഒരു ക്ലാസ്സി ബൈക്കുമായി കാവസാക്കി ഇന്ത്യയിലേക്ക്..

ഇതിനകം തന്നെ തിരഞ്ഞെടുത്ത ചില കാവസാക്കി ഡീലർഷിപ്പുകളിൽ ബൈക്ക് പ്രദർശനവും നടത്തിയിട്ടുണ്ട്. ഇന്ത്യയിൽ മാത്രമല്ല വിദേശത്തും മോഡേൺ ക്ലാസിക് സെഗ്മെന്റ് പ്രസിദ്ധിയാർജ്ജിച്ചുക്കഴിഞ്ഞു.

ഈ ബൈക്കിനെ ഒരു കോംപറ്റിറ്റീവ് പ്രൈസിൽ ഇറക്കാൻ സാധിച്ചാൽ എതിരാളികൾക്ക് കനത്തൊരു തിരിച്ചടിതന്നെയുണ്ടായേക്കാം.

773സിസി വെർട്ടിക്കൽ ട്വിൻ എയർകൂൾഡ് എൻജിനാണ് കാവസാക്കി ഡബ്ല്യൂ800 ന് കരുത്തേകുന്നത്. 46.4ബിഎച്ച്പിയും 60എൻഎം ടോർക്കുമാണ് ഈ എൻജിൻ സൃഷ്ടിക്കുന്നത്.

5സ്പീഡ് ഗിയർബോക്സാണ് 773സിസി എൻജിനുമായി ചേർത്തിരിക്കുന്നത്. ഇരുചക്രങ്ങളിലും ഡിസ്‌ക് ബ്രേക്കുകളാണ് നൽകിയിട്ടുള്ളത്. എന്നാൽ എബിഎസ് ഉൾപ്പെടുത്തിയിട്ടില്ല.

ഇന്ത്യയിൽ ട്രയംഫ് ബോണേവിൽ സ്ട്രീറ്റ് ട്വിൻ, ഡുക്കാട്ടി സ്ക്രാംബളർ മോഡലുകളുമായിട്ടായിരിക്കും കാവസാക്കി ഡബ്ല്യൂ800നു പോരടേണ്ടി വരിക.

ദില്ലി എക്സ്ഷോറൂം പത്തുലക്ഷത്തിനായിരിക്കും കാവസാക്കിയുടെ ഈ മോഡേൺ ക്ലാസിക് മോട്ടോർസൈക്കിൾ എത്തിച്ചേരുക.

ഈ മോട്ടോർസൈക്കിളിനെ ഇന്ത്യയിൽ സിബിയു വഴിയായിരിക്കും ഇറക്കുമതി ചെയ്യുക.

കാവസാക്കി 250 വെർസിസ് അവതരിച്ചു; ഇന്ത്യ ഉറ്റുനോക്കുന്ന മറ്റൊരു അഡ്വഞ്ചെർ ബൈക്ക്

പുത്തൻ ബജാജ് ബ്രാന്റ് ഡോമിനാറിന്റെ മൈക്രോസൈറ്റ് ലോഞ്ച്