കുറഞ്ഞവിലയ്ക്കുള്ള മഹീന്ദ്രയുടെ 155സിസി ബൈക്കെത്തുന്നു!!

രണ്ടുമാസത്തിനുള്ളിൽ തന്നെ ബൈക്കിന്റെ പ്രോഡക്ഷനും ആരംഭിക്കുന്നതായിരിക്കും. പുതിയ 155സിസി ബൈക്കിന്റെ കയറ്റുമതി നടത്താനും മഹീന്ദ്ര പദ്ധതിയിടുന്നുണ്ട്.

ആഫ്രിക്കൻ വിപണിയെ ലക്ഷ്യം വെച്ചായിരിക്കും 155സിസി ലോ കോസ്റ്റ് ബൈക്കിന്റെ കയറ്റുമതി നടത്തുക.

സെർക്കുലാർ ഹെഡ് ലാമ്പ്, ട്വിൻ പോഡ് അനലോഗ് ഇൻസ്ട്രുമെന്റ് കൺസോൾ, സ്പോക് വീലുകൾ എന്നീ സവിശേഷതകളാണ് ബൈക്കിൽ ഉൾപ്പെടുത്തിയിരിക്കുന്നത്.

നീളം കൂടിയ സീറ്റ്, പിന്നിലുള്ള ലഗേജ് റാക്ക്, ബ്ലാക്ക് ഫിനിഷിംഗ് നൽകിയിട്ടുള്ള എൻജിൻ എന്നിവയാണ് മറ്റ് സവിശേഷതകൾ.

മുൻഭാഗത്ത് ടെലിസ്കോപിക് ഫോർക്കും പിന്നിലായി കോയിൽ സ്പ്രിംഗ് ഷോക്ക് അബ്സോർബറുകളുമാണ് ഘടിപ്പിച്ചിരിക്കുന്നത്.

എൻജിൻ സംബന്ധിച്ച വിവരങ്ങൾ കൂടുതലായൊന്നും വെളിപ്പെട്ടിട്ടില്ലെങ്കിലും സാമാന്യം മികച്ച മൈലേജുള്ള 13പിഎസ് കരുത്തുള്ള എൻജിനാകാമിത്.

ഈ വർഷമവസാനത്തോടെ അല്ലെങ്കിൽ അടുത്ത വർഷമാദ്യത്തോടെയായിരിക്കും പുത്തൻ 155സിസി ബൈക്ക് വിപണിയിലെത്തിച്ചേരുക.

ഹോണ്ട ഹോർനെറ്റ് 160ആർ, സുസുക്കി ജിക്സർ, യമഹ എഫ്‌സി വി2.0 എന്നീ ബൈക്കുകളായിരിക്കും വിപണിയിലെ മുഖ്യ എതിരാളികൾ.

രണ്ട് പുതുക്കിയ മോഡലുകളുമായി കാവസാക്കി

ഹീറോയുടെ അടുത്ത ലക്ഷ്യം എക്സ്ട്രീം 200സിസി ബൈക്ക്