പുതിയ 155സിസി ബൈക്കുമായി മഹീന്ദ്ര

By Praseetha

Published: Saturday, April 9, 2016, 13:02 [IST]

അടുത്തിടെയാണ് മഹീന്ദ്ര 300സിസി മോജോയെ വിപണിയിൽ എത്തിച്ചത്. ഇപ്പോൾ 155സിസി എൻജിനുൾപ്പെടുത്തിയ പുതിയ ബൈക്കിന്റെ പരീക്ഷണത്തിലാണ് കമ്പനി. കാർ മേഖലയിൽ മാത്രമല്ല ബൈക്ക് ശൃംഖല വിപൂലീകരിക്കുക എന്ന ലക്ഷ്യത്തോടെ ഓരോ സെഗ്മെന്റിലും പുത്തൻ ബൈക്കുകളെ എത്തിക്കാനുള്ള ശ്രമത്തിലാണ് മഹീന്ദ്ര.

സ്കൂട്ടർ ഓടിക്കാൻ ഉയരം ഒരു തടസമാണോ എങ്കിലിതാ ചില പരിഹാരങ്ങൾ

എൻട്രിലെവൽ സ്പോർട് സെഗ്മെന്റിനാണ് കമ്പനി കൂടുതൽ പ്രാധാന്യം നൽകുന്നതെന്ന് വ്യക്തമാണ് ഇത്തരം ബൈക്കുകളുടെ എൻട്രി. ഹീറോ, ഹോണ്ട എന്നിവയ്ക്ക് വെല്ലുവിളി ഉയർത്താമെന്നുള്ള മട്ടിലാണ് മഹീന്ദ്രയുടെ ഈ നീക്കം.

പരീക്ഷണയോട്ടം നടത്തുന്നതിനിടെയാണ് പുതിയ 155സിസി ബൈക്ക് ഇറക്കുന്നത് സംബന്ധിച്ചുള്ള വിവരങ്ങൾ വെളിപ്പെടുന്നത്.

15ബിഎച്ച്പിയുള്ള 155സിസി സിങ്കിൾ സിലിണ്ടർ എസ്ഒഎച്ച്സി എയർ കൂൾഡ് എൻജിനാണ് ഉപയോഗിച്ചിരിക്കാനുള്ള സാധ്യത.

മഹീന്ദ്രയുടെ ആർ ആന്റ് ഡി സെന്ററിൽ വച്ചാണ് ഈ ബൈക്ക് വികസിപ്പിച്ചിട്ടുള്ളത്. ഒരു ക്ലാസ്സിക് സ്റ്റൈലിലാണ് ബൈക്കിറക്കിയിട്ടുള്ളത്.

ലളിതമായ രീതിയിൽ റൗണ്ട് ഷേപ്പിലുള്ള കൺസോളുകളാണ് നൽകിയിട്ടുള്ളത്. കൂടാതെ പിന്നാലായി ട്വിൻ ഷോക്ക് അബ്സോബറും കൊടുത്തതായിട്ടാണ് ചിത്രങ്ങൾ വ്യക്തമാക്കുന്നത്.