റോയൽ എൻഫീൽഡിന്റെ പൈതൃകം കാത്തുസൂക്ഷിച്ച 'ഇലക്ട്ര' പിൻവാങ്ങുന്നു!!

എന്തുകൊണ്ടാണ് ഇലക്ട്രയെ വെബ്സൈറ്റിൽ നിന്നും മാറ്റിയത് എന്നതിനെകുറിച്ചുള്ള ഔദ്യോഗിക പ്രഖ്യാപനമൊന്നും ഇതുവരെയായി കമ്പനി ഭാഗത്തുനിന്നുണ്ടായിട്ടില്ല.

ഇലക്ട്ര റോയൽ എൻഫീൽഡ് ബൈക്കുകളിൽ വച്ചുതന്നെ വളരെ കുറഞ്ഞനിരക്കിനുള്ള വാഹനമാണെങ്കിൽ കൂടിയും ലാഭക്കുറവാണ് ഒരു കാരണമായി പറയപ്പെടുന്നത്.

വിപണിയിൽ കൂടുതൽ ഡിമാന്റുള്ള ബൈക്കുകളിൽ ശ്രദ്ധപതിപ്പിക്കുന്നതിനാണ് ഇലക്ട്രയെ ഒഴിവാക്കുന്നതെന്നാണ് മറ്റൊരു കാരണമായി ചൂണ്ടിക്കാണിക്കുന്നത്.

1995-97 കാലയളവിൽ റോയൽ എൻഫീൽഡ് ഇറക്കിയ ആദ്യ മോഡലായിരുന്നു ഇലക്ട്ര. ഇലക്ട്രിക്കൽ കോയിൽ സിസ്റ്റം ഉൾപ്പെടുത്തി അവതരിപ്പിച്ച ആദ്യ മോഡലും ഇതു തന്നെയാണ്.

അയേൺ കാസ്റ്റ് എൻജിനും പരമ്പരാഗത ശൈലിയിൽ ഇടത് ഭാഗത്തായി ബ്രേക്ക് പെടൽ ഉൾപ്പെടുത്തിയായിരുന്നു ഇലക്ട്ര പുറത്തിറങ്ങിയത്.

ട്വിൻസ്പാർക് 5 സ്പീഡ് യുസിഇ എൻജിനിൽ ഇടതു നിന്നു വലതുഭാഗത്തേക്ക് ബ്രേക്ക് പെഡൽ മാറ്റിയായിരുന്നു പിന്നീട് ഇലക്ട്ര ലഭ്യമായിക്കൊണ്ടിരുന്നത്.

നിലവിലുള്ള സ്റ്റോക്കുകൾ വിറ്റഴിക്കപ്പെടുന്നതിനാൽ ഇലക്ട്ര ലഭ്യമാക്കണമെങ്കിൽ നിങ്ങളുടെ അടുത്തുള്ള ഡീലറുമായി ബന്ധപ്പെട്ടാൽ മതിയാകും.

ഇന്ത്യൻ സ്കൂട്ടർ സെഗ്മെന്റിലെ മൈലേജ് ചാമ്പ്യന്മാർ

സാക്ഷാൽ റേഞ്ച്റോവറും അപരനും ഏറ്റുമുട്ടിയപ്പോൾ