പുതിയ അഡ്വെഞ്ചർ ടൂറർ ഹിമാലയന് ദില്ലിയിൽ വിലക്ക്

ഇന്ത്യയിൽ ലോഞ്ച് ചെയ്യുന്ന എല്ലാ പുതിയ ഇരുചക്ര വാഹനങ്ങളും ഭാരത് സ്റ്റേജിന്റെ ഈ നാലാം കരിമ്പുകച്ചട്ടം പാലിക്കണമെന്ന് കേന്ദ്രസർക്കാർ നിർബന്ധമാക്കിയിരുന്നു.

ഇത് പാലിക്കാൻ കഴിയാതെ വന്നതാണ് ഹിമാലയന് വിനയായത്. എന്നാൽ ഉടൻ തന്നെ ദില്ലിയിൽ ഈ വാഹനം ലഭ്യമാക്കുമെന്നാണ് കമ്പനി അറിയിച്ചിട്ടുള്ളത്.

പുതുതായി വികസിപ്പിച്ച 411സിസി സിങ്കിൾ-സിലിണ്ടർ എയർ ആന്റ് ഓയിൽ കൂൾഡ് കാർബ്യുറേറ്റഡ് എൻജിനാണ് ഹിമാലയന് കരുത്തു പകരാൻ ഉപയോഗിച്ചിട്ടുള്ളത്.

32എൻഎം ടോർക്കും 24.5ബിഎച്ച്പി കരുത്തുമുള്ള ഈ എൻജിനിൽ 5 സ്പീഡ് ഗിയർബോക്സാണ് ഉൾപ്പെടുത്തിയിരിക്കുന്നത്.

ഇതുവരെ പുറത്തിറക്കിയതിൽ വെച്ച് ഏറ്റവും വ്യത്യസ്ത്തയുള്ള ബൈക്കാണ് ഹിമാലയൻ എന്നാണ് കമ്പനി അവകാശപ്പെടുന്നത്.

അ‍‍ഡ്വഞ്ചർ ബൈക്ക് സെഗ്മെന്റിൽ ഇറക്കിയ ഹിമാലയന്റെ മുംബൈ എക്സ്ഷോറൂം വില 1.55 ലക്ഷം രൂപയാണ്.