'ഓട്ടോ ഹെ‌ഡ്‌ലാമ്പ് ഓൺ' യമഹ ആർ15-ൽ; ഈ ഫീച്ചറിന്റെ ആവശ്യകത?

സ്പ്ലെന്റർ ഐ-സ്മാർടിൽ ഹീറോ മോട്ടോർകോപായിരുന്നു ആദ്യമായി ഈ സാങ്കേതികത ഉൾപ്പെടുത്തിയിരുന്നത്. അതിനുശേഷം ഡ്യൂക്ക്, ആർസി ശ്രേണിയിലുള്ള ബൈക്കുകളിൽ കെടിഎംമും അവതരിപ്പിച്ചു. ഒടുവിൽ യമഹയും ഈ സാങ്കേതികത ഏറ്റേടുത്തിരിക്കുന്നു.

ഓട്ടോ ഹെഡ്‌ലൈറ്റ് ഓൺ എന്നതുകൊണ്ട് എന്താണ് ഉദ്ദേശിക്കുന്നത് എന്നുവെച്ചാൽ രാത്രിയായാലും പകലായാലും ബൈക്ക് ഓടിക്കൊണ്ടിരിക്കുകയാണെങ്കിൽ ഹെഡ്‌ലൈറ്റ് പ്രവർത്തിച്ചുകൊണ്ടിരിക്കും. ഹെഡ്‌ലൈറ്റ് ഓഫുചെയ്യാനുള്ള സ്വിച്ചുകളും ഉണ്ടായിരിക്കുന്നതല്ല.

പകൽസമയമാണെങ്കിലും ബൈക്കുകളുടെ സാന്നിധ്യം വ്യക്തമാക്കാൻ ഇതുവഴി സാധിക്കും. അതുകൊണ്ട് തന്നെ അപകടങ്ങളും കുറയും. ഇരുചക്ര വാഹനങ്ങളുടെ സുരക്ഷ കണക്കിലെടുത്തുകൊണ്ടാണ് ഈ സംവിധാനം ഉൾപ്പെടുത്തുന്നത്.

അടുത്ത വർഷം മുതൽ ഇന്ത്യൻ ഗവൺമെന്റ് എല്ലാ ബൈക്കുകളിലും ഈ സാങ്കേതികത നിർബന്ധമാക്കുകയാണ്.

അപകടങ്ങൾ കുറയ്ക്കുക എന്ന ലക്ഷ്യത്തോടെ നിർമാതാക്കളും എഎച്ച്ഒ സാങ്കേതികത ബൈക്കുകളിൽ അവതരിപ്പിക്കുകയാണ്.

എഎച്ച്ഒ സാങ്കേതികത ഉൾപ്പെടുത്തി എന്നുവെച്ച് പുതിയ വൈസെഡ്എഫ്-ആർ 15 സ്പോർട്സ് ബൈക്കിന്റെ വിലയിൽ മാറ്റം വരുത്താതെ അതെ വിലയ്ക്കാണ് നൽകുന്നത്.

യമഹ വൈസെഡ്എഫ്-ആറിന്റെ 2.0പതിപ്പിന് 1.18ലക്ഷവും ആർ15 എസിന് 1.15ലക്ഷവുമാണ് ദില്ലി എക്സ്ഷോറും വില.

പുത്തൻ തലമുറ വൈസെഡ്എഫ്-ആർ 15 വി3.0 പതിപ്പിനെ അടുത്ത വർഷത്തോടുകൂടി വിപണിയിലെത്തിക്കാനുള്ള തീരുമാനത്തിലാണ് യമഹ.

ഇന്ത്യയിലേക്ക് ബൈക്കുകളുടെ നീണ്ടനിരയുമായി യുവാക്കളുടെ ഹരമായ കെടിഎം

പുതുക്കിയ വിലയിൽ സുസുക്കി ബൈക്കുകളും സ്കൂട്ടറുകളും; വിലയറിയാം