ജിഎസ്ടി; ആക്ടിവ, ഡിയോകളുടെ വില ഹോണ്ട കുറച്ചു

തത്ഫലമായി ഇന്ത്യന്‍ ടൂവീലര്‍ വിപണിയിലെ താരം, ഹോണ്ട ആക്ടിവയുടെ വിലയും കുറഞ്ഞിരിക്കുകയാണ്. ഹോണ്ട ആക്ടിവ 4G യുടെ വിലയില്‍ 442 രൂപയുടെ കുറവാണ് രേഖപ്പെടുത്തിയിരിക്കുന്നത്. 50730 രൂപ വിലയിലാണ് ഇനി ആക്ടിവ 4G ലഭ്യമാവുക (ദില്ലി എക്‌സ്‌ഷോറൂം വില).

443 രൂപ വിലക്കിഴിവ് നേടിയ ആക്ടിവ 125, ഇനി മുതല്‍ 61361 രൂപ വിലയിലാണ് സാന്നിധ്യമറിയിക്കുക (ദില്ലി എക്‌സ്‌ഷോറൂം വില).

സമാനമായി ഡിയോയില്‍ 328 രൂപ വിലക്കുറവാണ് ഹോണ്ട ഒരുക്കിയിരിക്കുന്നത്. അതിനാല്‍, 49239 രൂപ വിലയിലാണ് ഹോണ്ട ഡിയോ ഇനി ലഭ്യമാവുക (ദില്ലി എക്‌സ്‌ഷോറൂം വില).

8 bhp കരുത്തേകുന്ന 109.19 സിസി എഞ്ചിനില്‍ ആക്ടിവ 4G എത്തുമ്പോള്‍, 8.5 bhp കരുത്തേകുന്ന 124.9 സിസി എഞ്ചിനിലാണ് ആക്ടിവ 125 അണിനിരക്കുന്നത്.