പുത്തനൊരു അഡ്വഞ്ചർ ടൂററുമായി ഹോണ്ട ഇന്ത്യയിലേക്ക്...

ഹോണ്ടയുടെ പുതിയ അഡ്വഞ്ചർ ടൂറർ സിആർഎഫ്1000എൽ ആഫ്രിക്ക ട്വിൻ 2017 ജൂലൈയോടുകൂടി ഇന്ത്യയിലെത്തും.

By Praseetha

Published: Monday, January 2, 2017, 17:12 [IST]

ഹോണ്ട പുതിയ അഡ്വഞ്ചർ ടൂററുമായി ഇന്ത്യയിലെത്തുന്നു. സിആർഎഫ്1000എൽ ആഫ്രിക്ക ട്വിൻ എന്ന പേരിലെത്തുന്ന ബൈക്കിനെ ജൂലൈയോടുകൂടി വിപണിയിലെത്തിക്കാനുള്ള തയ്യാറെടുപ്പിലാണ് ഹോണ്ട.

പുത്തനൊരു അഡ്വഞ്ചർ ടൂററുമായി ഹോണ്ട ഇന്ത്യയിലേക്ക്...

2016 ഓട്ടോഎക്സ്പോയിൽ അരങ്ങേറ്റം കുറിച്ച ഈ ബൈക്കിനെ കഴിഞ്ഞ വർഷം തന്നെ വിപണിയിലെത്തിലാക്കാനിയിരുന്നു ഉദ്ദേശിച്ചിരുന്നതെങ്കിലും ജപ്പാനിലുണ്ടായ ഭൂകമ്പം കാരണം നിർമാണം താല്കാലികമായി നിർത്തിവയ്ക്കേണ്ടതായി വന്നു.

സികെഡി ചാനൽ വഴിയായിരിക്കും ഹോണ്ടയിൽ നിന്നുള്ള ഈ അഡ്വഞ്ചർ മോട്ടോർസൈക്കിൾ ഇന്ത്യയിലെത്തുക. കൂടാതെ ഹോണ്ടയുടെ മനേസർ പ്ലാന്റിൽ വച്ചായിരിക്കും അസംബ്ലിംഗ് നടത്തുന്നത്.

കംഫർട്ടും മികച്ച ഹാന്റലിംഗും നൽകുന്ന ഓഫ് റോഡ് സവിശേഷതകൾ അടങ്ങുന്ന ഒരു അഡ്വഞ്ചർ ടൂററാണ് ആഫ്രിക്ക ട്വിൻ. ഭാരക്കുറവാണ് ഈ ബൈക്കിന്റേ ഏറ്റവും വലിയ സവിശേഷത.

94ബിഎച്ച്പിയും 98എൻഎം ടോർക്കും നൽകുന്ന 998സിസി പാരലൽ ട്വിൻ ലിക്വിഡ് കൂൾഡ് എൻജിനാണ് ഈ അഡ്വഞ്ചർ ടൂററിന്റെ കരുത്ത്.

6 സ്പീഡ് മാനുവൽ ട്രാൻസ്മിഷൻ, 6 സ്പീഡ് ഡ്യുവൽ ക്ലച്ച് ട്രാൻസ്മിഷൻ എന്നിങ്ങനെയാണ് ആഗോളവിപണിയിൽ ലഭ്യമാകുന്നതെങ്കിലും ഇന്ത്യ-സ്പെക് മോഡലിൽ മാനുവൽ മാത്രമായിരിക്കും ഉൾപ്പെടുത്തുക.

മൂന്ന് തരത്തിൽ കൺട്രോൾ ചെയ്യാൻ സാധിക്കുന്ന ഹോണ്ടയുടെ സെലക്ടബിൾ ടോർക്ക് കൺട്രോൾ, എബിഎസ് എന്നീ സവിശേഷതകളാണ് ഈ ബൈക്കിലുള്ളത്.

ദീർഘദൂര യാത്രയ്ക്ക് ഉതകുന്ന 18.8ലിറ്റർ ഫ്യുവൽ ടാങ്കും ഓഫ് റോഡിംഗിന് സഹായകമാകുന്ന 21 ഇഞ്ച് മുൻ ടയറും 18 ഇഞ്ച് പിൻ ടയറുമാണ് ഈ ബൈക്കിൽ ഘടിപ്പിച്ചിരിക്കുന്നത്.

പ്രാദേശികമായി അസംബ്ലിംഗ് നടത്തുന്നതിനാൽ ഏകദേശം 14 ലക്ഷത്തിനടുത്തായിരിക്കും ഈ ബൈക്കിന്റെ വിപണിവില.

ഈ വില കണക്കിലെടുക്കുമ്പോൾ സുസുക്കി വി-സ്ട്രോം1000, ട്രയംഫ് ടൈഗർ എന്നിവരോടായിരിക്കണം ടൂറർ സവിശേഷതകളുമായി എത്തുന്ന ആഫ്രിക്ക ട്വിനിന് ഏറ്റുമുട്ടേണ്ടി വരിക.