Click it and Unblock the Notifications
Just In
-
-
-
-
Don't Miss
-
'മാസങ്ങൾ മാത്രം നീണ്ടുനിന്ന പ്രണയത്തിനായി പൊട്ടിച്ചത് കോടികൾ'; ഹൻസികയ്ക്കായി സിമ്പു ചിലവഴിച്ചത് ആറ് കോടി രൂപ? -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര് -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇന്ത്യയില്‍ ബൈക്കുകള്‍ തിരിച്ചുവിളിക്കാന്‍ ഒരുങ്ങി ഡ്യുക്കാട്ടി, കാരണമിതാണ്
ഇന്ത്യയില്‍ ബൈക്കുകള്‍ തിരിച്ചുവിളിക്കാന്‍ ഒരുങ്ങി ഡ്യുക്കാട്ടി. ഇറ്റാലിയന്‍ നിര്‍മ്മാതാക്കളായ ഡ്യുക്കാട്ടി തങ്ങളുടെ സൂപ്പര്‍സ്‌പോര്‍ട്, സൂപ്പര്‍സ്‌പോര്‍ട് എസ് മോഡലുകളെ ഉടന്‍ തിരിച്ചുവിളിക്കും. ഹോസിലുണ്ടായ നിര്‍മ്മാണപ്പിഴവാണ് ബൈക്കുകളെ തിരിച്ചുവിളിക്കാന്‍ കാരണം.
നേരത്തെ അമേരിക്കന്‍ വിപണിയില്‍ വിറ്റുപോയ സൂപ്പര്‍സ്‌പോര്‍ട്, സൂപ്പര്‍സ്‌പോര്‍ട് എസ് മോഡലുകളെ കമ്പനി തിരികെ വിളിച്ചിരുന്നു. ഇന്ത്യയില്‍ വില്‍പനയ്‌ക്കെത്തിയ മോഡലുകളിലും പ്രശ്‌നസാധ്യയുണ്ടെന്ന് കണ്ടെത്തിയതിനെ തുടര്‍ന്നാണ് ഡ്യുക്കാട്ടിയുടെ പുതിയ തീരുമാനം.
വാഹനങ്ങളുടെ തിരിച്ചറിയല്‍ നമ്പര്‍ ഉപയോഗിച്ചു നിര്‍മ്മാണപ്പിഴവുള്ള മോഡലുകളെ കമ്പനി തിരിച്ചുവിളിക്കും. സൂപ്പര്‍സ്‌പോര്‍ട്, സൂപ്പര്‍സ്‌പോര്‍ട് ബൈക്കുകളുടെ തിരിച്ചുവിളിക്കല്‍ സംബന്ധിച്ചു കേന്ദ്ര റോഡ് ഗതാഗത ഉപരിതല മന്ത്രാലയത്തിനും സിയാമിനും ഡ്യുക്കാട്ടി ഇന്ത്യ കത്തയച്ചു കഴിഞ്ഞു.
തിരിച്ചുവിളിക്കല്‍ നടപടി വ്യക്തമാക്കിയുള്ള ഔദ്യോഗിക പ്രസ്താവന കമ്പനി ഉടന്‍ പുറത്തിറക്കും. നിര്‍മ്മാണപ്പിഴവ് എത്ര മോഡലുകളെ ബാധിച്ചിട്ടുണ്ടെന്ന കാര്യം ഈ അവസരത്തില്‍ മാത്രമെ പുറത്തുവരികയുള്ളു. അമേരിക്കയില്‍ 1,431 മോഡലുകളിലാണ് നിര്‍മ്മാണപ്പിഴവ് കണ്ടെത്തിയത്.
എക്‌സ്‌ഹോസ്റ്റ് സംവിധാനത്തോടു ചേര്‍ന്നു ഒരുങ്ങിയ ഹോസിലാണ് നിര്‍മ്മാണപ്പിഴവ്. എക്‌സ്‌ഹോസ്റ്റ് സംവിധാനത്തില്‍ നിന്നുള്ള ചൂടില്‍ ഹോസ് ഉരുകി പോകുന്ന കാര്യം കമ്പനിയുടെ ശ്രദ്ധയില്‍പ്പെടുകയായിരുന്നു.
ഈ പ്രശ്‌നം കാരണം ബൈക്കിന് തീപിടിച്ച സംഭവങ്ങള്‍ അമേരിക്കയില്‍ റിപ്പോര്‍ട്ട് ചെയ്തതിന് പിന്നാലെയാണ് മോഡലുകളെ കമ്പനി അടിയന്തരമായി തിരിച്ചുവിളിച്ചത്. ഇന്ധനടാങ്കില്‍ നിന്നുള്ള ഓവര്‍ഫില്‍ ഹോസും എയര്‍ബോക്‌സ് ബ്‌ളോ-ബൈ ഹോസും എക്‌സ്‌ഹോസ്റ്റ് സംവിധാനത്തോടു ചേര്‍ന്നാണ് ഒരുങ്ങുന്നത്.
ഹോസുകള്‍ ഉരുകുന്ന വേളയില്‍ ഇന്ധനം കത്തിപ്പടരാനുള്ള സാധ്യത കൂടും. പുക, ഇടതു ഫെയറിംഗിന്റെ താഴ്ഭാഗത്തു നിന്നും റബ്ബര്‍ കരിയുന്ന മണം എന്നിവ ഹോസിന് നിര്‍മ്മാണപ്പിഴവുണ്ടെന്ന സൂചനയാണ്. ഹോസുകളെ മാറ്റിസ്ഥാപിച്ചു പ്രശ്‌നം പരിഹരിക്കാനുള്ള തീരുമാനത്തിലാണ് ഡ്യുക്കാട്ടി.
എക്‌സ്‌ഹോസ്റ്റ് സംവിധാനത്തില്‍ നിന്നും അകലെ ഹോസുകളെ കമ്പനി പുനഃസ്ഥാപിക്കും. തായ്‌ലാന്‍ഡില്‍ നിന്നും നിര്‍മ്മിച്ച സൂപ്പര്‍സ്‌പോര്‍ട്, സൂപ്പര്‍സ്‌പോര്‍ട് എസ് മോഡലുകളാണ് ഇന്ത്യയില്‍ വില്‍പനയ്‌ക്കെത്തുന്നത്.
