Click it and Unblock the Notifications
Just In
-
-
-
-
Don't Miss
-
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
പത്തനംതിട്ടയിലും മോക് പോളില് പിഴവ്, പരാതിയുമായി യുഡിഎഫ്: വിശദീകരണം നല്കി കളക്ടർ -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
പുതിയ ഹീറോ പാഷന്‍ പ്രോ, എക്‌സ്‌പ്രോ ബൈക്കുകള്‍ വിപണിയില്‍ എത്തി
പുതിയ ഹീറോ പാഷന്‍ പ്രോ, എക്‌സ്‌പ്രോ ബൈക്കുകളെ ഹീറോ വിപണിയില്‍ അവതരിപ്പിച്ചു. 53,189 രൂപയാണ് ഹീറോ പാഷന്‍ പ്രോയുടെ എക്‌സ്‌ഷോറൂം വില. 54,189 രൂപ പ്രൈസ്ടാഗിലാണ് പുതിയ ഹീറോ എക്‌സ്‌പ്രോ ഷോറൂമുകളില്‍ എത്തുന്നതും.
'ഇന്നത്തെ സ്മാര്‍ട്ട് തലമുറയ്ക്ക്' എന്ന തലവാചകത്തോടെയാണ് പുതിയ ഹീറോ പാഷന്‍ പ്രോ, എക്‌സ്‌പ്രോ ബൈക്കുകളുടെ വരവ്. ഫ്‌ളഷ് ക്യാപുള്ള 11 ലിറ്റര്‍ ഫ്യൂവല്‍ ടാങ്കാണ് പുതിയ പാഷന്‍ പ്രോയിലെ പ്രധാന മാറ്റം. ബൈക്കിന്റെ ടെയില്‍ ലൈറ്റും ഹീറോ പരിഷ്‌കരിച്ചിട്ടുണ്ട്.
ഡിസ്‌ക്, ഡ്രം ബ്രേക്ക് വകഭേദങ്ങളില്‍ പുതിയ പാഷന്‍ പ്രോ ലഭ്യമാണ്. ഡിജിറ്റല്‍ ഫ്യൂവല്‍ ഗൊജ്, ട്രിപ് മീറ്റര്‍, സൈഡ് സ്റ്റാന്‍ഡ് ഇന്‍ഡിക്കേറ്റര്‍ ഫീച്ചറുകളുള്ള സെമി-ഡിജിറ്റല്‍ ഇന്‍സ്ട്രമെന്റ് ക്ലസ്റ്ററും പുതിയ പാഷന്‍ പ്രോയില്‍ എടുത്തുപറയണം.
അഞ്ചു നിറങ്ങളിലാണ് പാഷന്‍ പ്രോയുടെ ഒരുക്കം. സ്‌പോര്‍ട്‌സ് റെഡ്, ബ്ലാക് മോണോടോണ്‍, ഫോഴ്‌സ്ഡ് സില്‍വര്‍, ഹെവി ഗ്രെയ്, ഫ്രോസ്റ്റ് ബ്ലൂ എന്നിവയാണ് പാഷന്‍ പ്രോയില്‍ ലഭ്യമായ നിറങ്ങള്‍.
Recommended Video
ഹീറോ പാഷന്‍ എക്‌സ്‌പ്രോ
പ്രധാനമായും യുവാക്കളാണ് പുതിയ പാഷന്‍ എക്‌സ്‌പ്രോയുടെ ലക്ഷ്യം. കാഴ്ചയില്‍ പാഷന്‍ പ്രോയെക്കാളും സ്‌റ്റൈലിഷാണ് പാഷന്‍ എക്‌സ്‌പ്രോ. ഇരു ബൈക്കുകളിലും ഇന്‍സ്ട്രമെന്റ് കണ്‍സോള്‍ സമാനമാണെങ്കിലും ഇന്ധനശേഷിയുടെ കാര്യത്തില്‍ എക്‌സ്‌പ്രോ ഒരല്‍പം പിന്നിലാണ്.
9.2 ലിറ്ററാണ് എക്‌സ്‌പ്രോയുടെ ഇന്ധനശേഷി. ആകര്‍ഷകമായ ഡ്യൂവല്‍ ടോണ്‍ നിറങ്ങളാണ് ഹീറോ എക്‌സ്‌പ്രോയുടെ മറ്റൊരു വിശേഷം.
സ്‌പോര്‍ട്‌സ് റെഡ് + ബ്ലാക്, ബ്ലാക് + സ്‌പോര്‍ട്‌സ് റെഡ്, ബ്ലാക് + ടെക്‌നോ ബ്ലൂ, ബ്ലാക് + ഹെവി ഗ്രെയ്, ഫോഴ്‌സ് സില്‍വര്‍ + ബ്ലാക് എന്നീ നിറങ്ങളിലാണ് എക്‌സ്‌പോയുടെ ഒരുക്കം.
ട്യൂബ്‌ലെസ് ടയറുകളാണ് എക്‌സ്‌പ്രോയ്ക്ക്. പാഷന്‍ പ്രോയ്ക്ക് ഇല്ലാത്തതും ട്യൂബ്‌ലെസ് ടയറുകളാണ്. ബിഎസ്-IV നിര്‍ദ്ദേശങ്ങള്‍ പാലിച്ചുള്ള 110 സിസി എഞ്ചിനിലാണ് പാഷന്‍ പ്രോ, എക്‌സ്‌പ്രോ ബൈക്കുകളുടെ വരവ്.
7,500 rpm ല്‍ 9.3 bhp കരുത്തും 5,500 rpm ല്‍ 9 Nm torque ഉം എഞ്ചിന്‍ പരമാവധി സൃഷ്ടിക്കും. അഞ്ചു സ്പീഡ് ഗിയര്‍ബോക്‌സാണ് ഇരു ബൈക്കുകൾക്കും. ഇന്ധനക്ഷമതയെ സ്വാധീനിക്കുന്ന ഹീറോയുടെ i3S ടെക്‌നോളജി ഇരു ബൈക്കുകളിലുമുണ്ട്.
7.45 സെക്കന്‍ഡുകള്‍ കൊണ്ടു നിശ്ചലാവസ്ഥയില്‍ നിന്നും അറുപത് കിലോമീറ്റര്‍ വേഗത ഇരു ബൈക്കുകളും കൈവരിക്കും. അഭ്യന്തര വിപണിയില്‍ അമ്പതു ശതമാനത്തിലേറെയാണ് ഹീറോയുടെ നിലവിലെ വിപണിവിഹിതം.
100-110 സിസി ശ്രേണിയിയിലാകട്ടെ ഹീറോയുടെ വിപണി വിഹിതം എഴപത്തഞ്ചു ശതമാനത്തിന് മേലെയാണ്. സ്‌പ്ലെന്‍ഡര്‍ കഴിഞ്ഞാല്‍ ഇന്ത്യയില്‍ ഏറ്റവുമധികം വില്‍ക്കപ്പെടുന്ന ബൈക്ക് എന്ന ഖ്യാതി ഹീറോ പാഷന്‍ നിരയ്ക്കുണ്ട്.
വിപണിയില്‍ ആധിപത്യം വര്‍ധിപ്പിക്കാന്‍ പുതിയ ബൈക്കുകള്‍ തുണയ്ക്കുമെന്ന പ്രതീക്ഷയിലാണ് ഹീറോ.
