Just In
- 16 min ago ഓഫ്റോഡറുകളുടെ രാജാവിൻ്റെ പുതിയമുഖം! 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ റിവ്യൂ വായിക്കാം
- 28 min ago ആക്ടിവ ഇവിയ്ക്ക് വെല്ലുവിളിയായി സുസുക്കി രംഗത്ത്; കട്ട കോംപറ്റീഷനായി ഇ -ആക്സസും അണിയറയിൽ
- 51 min ago വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം
- 3 hrs ago ബസിൽ സഹയാത്രികനായി ഷാരൂഖ്, കിംഗ് ഖാൻ ഹമ്പിൾ & സിമ്പിൾ എന്ന് ആരാധകർ; വീഡിയോ വൈറൽ
Don't Miss
- Sports IPL 2024: സഞ്ജുവിന്റെ വിക്കറ്റ് ഞാനും നേടിയിട്ടുണ്ട്, അന്ന് അവന് 16 വയസ്; ഓര്മ പുതുക്കി അക്രം
- Finance 15x15x15 - കോടിപതിയാകാൻ ഒരു സൂത്രവാക്യം
- Movies മൂപ്പര്ക്ക് ആരെയും ഒന്നിനെയും പേടിയില്ല! മോഹന്ലാലില് നിന്നും ഇനിയും അത്ഭുതം പ്രതീക്ഷിക്കാമെന്ന് ഹരീഷ് പേരടി
- Lifestyle മേയ് 2024: ഭാഗ്യ സംഖ്യകളില് ജീവിതം രക്ഷപ്പെടുന്നവര്
- News അനധികൃത ഐപിഎൽ സ്ട്രീമിംഗ് കേസ്; നടി തമന്നയ്ക്ക് നോട്ടീസ്, ചോദ്യം ചെയ്യലിന് ഹാജരാകാൻ നിർദ്ദേശം
- Technology കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തിയ്യതി പ്രഖ്യാപിച്ചു, സുസുക്കി ബര്ഗ്മാന് സ്ട്രീറ്റ് ഈ മാസം എത്തും — അറിയേണ്ടതെല്ലാം
സുസുക്കി ബര്ഗ്മാന് സ്ട്രീറ്റ് സ്കൂട്ടര് ജൂലായ് 19 -ന് വിപണിയില് എത്തും. ബര്ഗ്മന് സ്ട്രീറ്റ് 125 പ്രീ-ബുക്കിംഗ് സുസുക്കി ഡീലര്ഷിപ്പുകള് തുടങ്ങിക്കഴിഞ്ഞു. അയ്യായിരം രൂപ മുന്കൂര് പണമടച്ച് സ്കൂട്ടറിനെ ഉപഭോക്താക്കള്ക്ക് ബുക്ക് ചെയ്യാം. അവതരണ വേളയില് മാത്രമെ പുതിയ സ്കൂട്ടറിന്റെ വില സുസുക്കി പ്രഖ്യാപിക്കുകയുള്ളു. ഇന്ത്യയ്ക്ക് പരിചിതമല്ലാത്ത മാക്സി സ്കൂട്ടര് രൂപകല്പനയാണ് ബര്ഗ്മാന് സ്ട്രീറ്റിന്. തിരക്കേറിയ 125 സിസി ശ്രേണിയിലേക്കാണ് ബര്ഗ്മന് സ്ട്രീറ്റിന്റെ നോട്ടം.
പ്രീമിയം ഫീച്ചര്, യൂറോപ്യന് ശൈലി ഒപ്പം രാജ്യത്തെ ആദ്യ മാക്സി സ്കൂട്ടര് എന്ന വിശേഷണവും; എതിരാളികളെ കാഴ്ചക്കാരാക്കി ഗോളടിക്കാന് സുസൂക്കി ബര്ഗ്മാന് സ്ട്രീറ്റിന് അവസരം തുറന്നു കിടക്കുകയാണ്. സ്കൂട്ടര് നിര്വചനങ്ങളെ മാറ്റിമറിക്കാന് ബര്ഗ്മാന് സ്ട്രീറ്റിന് സാധിക്കുമെന്നാണ് സുസൂക്കിയുടെ പ്രതീക്ഷ.
തടിയന് സ്കൂട്ടറാണ് ബര്ഗ്മാന് സ്ട്രീറ്റ്. മുന്നിലുള്ള ഏപ്രണാണിതിന് കാരണം. എല്ഇഡി ഹെഡ്ലാമ്പുകളും ഏപ്രണില് തന്നെ. ബര്ഗ്മാന് സ്ട്രീറ്റിന്റെ പ്രത്യേകത ഹാന്ഡില്ബാറിലും തെളിഞ്ഞുനില്പ്പുണ്ട്. ബോഡിയില് നിന്നും രൂപപ്പെടുന്ന വിന്ഡ്സ്ക്രീനാണ് സ്കൂട്ടറില്.
സ്കൂട്ടറില് രണ്ടു പേര്ക്കു സുഖമായി യാത്രചെയ്യാം. സ്റ്റെപ് അപ് ഘടന പിന്തുടരുന്ന സീറ്റുകള് വിശാലമാണ്. നേര്ത്ത ശൈലിയിലുള്ള സ്റ്റൈലിഷ് ടെയില്ലൈറ്റും ബര്ഗ്മാന് സ്ട്രീറ്റില് എടുത്തുപറയണം. സ്കൂട്ടറിലെ പൂര്ണ ഡിജിറ്റല് ഇന്സ്ട്രമെന്റ് കണ്സോള് ജിക്സര് ശ്രേണിയില് നിന്നും സുസുക്കി കടമെടുത്തതാണ്.
എക്സ്ഹോസ്റ്റ് മഫ്ളറും ശ്രദ്ധയാകര്ഷിക്കുന്നില് പിന്നില് പോകില്ല. മറ്റു സ്കൂട്ടറുകളില് നിന്നും വേറിട്ടു നില്ക്കാന് എക്സ്ഹോസ്റ്റ് മഫ്ളര് ശൈലിയും ബര്ഗ്മാന് സ്ട്രീറ്റിനെ സഹായിക്കും. മുന് ഡിസ്ക് ബ്രേക്ക്, ആഞ്ഞുനില്ക്കുന്ന ഫൂട്ട്റെസ്റ്റ് എന്നിവയും സ്കൂട്ടറിന്റെ പ്രത്യേകതകളാണ്.
12V ചാര്ജ്ജിംഗ് സോക്കറ്റ്, ട്യൂബ്ലെസ് ടയറുകള്, മള്ട്ടി ഫംങ്ഷന് കീ സ്ലോട്ട് എന്നിവ സുസുക്കി ബര്ഗ്മാന് സ്ട്രീറ്റ് 125 -ന്റെ മറ്റു ഫീച്ചറുകളില്പ്പെടും. 124.3 സിസി സിംഗിള് സിലിണ്ടര് എയര്കൂള്ഡ് എഞ്ചിനാണ് ബര്ഗ്മാന് സ്ട്രീറ്റിന്.
സുസൂക്കി നിരയില് ഏറ്റവുമധികം വില്ക്കപ്പെടുന്ന ആക്സസ് 125 -ഉം ഇതേ എഞ്ചിനിലാണ് അണിനിരക്കുന്നത്. എന്നാല് ബര്ഗ്മാന് സ്ട്രീറ്റിന്റെ കരുത്തുത്പാദനം സുസൂക്കി വെളിപ്പെടുത്തിയിട്ടില്ല. 8.5 bhp കരത്തും 10.2 Nm torque ഉം എഞ്ചിനില് പ്രതീക്ഷിക്കാം.
മുന്നില് ടെലിസ്കോപിക് ഫോര്ക്കുകളും പിന്നില് സിംഗിള് ഷോക്ക് അബ്സോര്ബറുമാണ് സ്കൂട്ടറില് സസ്പെന്ഷന് നിറവേറ്റുക. 12 ഇഞ്ച്, 10 ഇഞ്ച് അലോയ് വീലുകളാണ് മുന്നിലും പിന്നിലും. 125 സിസി സ്കൂട്ടര് സമവാക്യങ്ങള് അട്ടിമറിക്കാന് ബര്ഗ്മാന് സ്ട്രീറ്റിന് സാധിക്കുമെന്നാണ് പ്രവചനം.
സുസൂക്കി ബര്ഗ്മാന് സ്ട്രീറ്റിന് 60,000 മുതല് 70,000 രൂപ വരെ പ്രൈസ്ടാഗ് പ്രതീക്ഷിക്കുന്നതില് തെറ്റില്ല. ടിവിഎസ് എന്ടോര്ഖ്, ഹോണ്ട ഗ്രാസിയ, വെസ്പ SXL/VXL 125 സ്കൂട്ടറുകളാണ് ബര്ഗ്മാന് സ്ട്രീറ്റിന്റെ മുഖ്യ എതിരാളികള്.