Just In
- 2 min ago 7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക്
- 47 min ago സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും
- 1 hr ago ചലാൻ കിട്ടിയത് വൈകിയാണെന്ന് കരുതി സമാധാനിക്കാൻ വരട്ടെ, എംവിഡി മാമൻമാർ പറയുന്നത് കേട്ടോ
- 1 hr ago ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ്
Don't Miss
- Movies അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ
- Lifestyle Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം
- News 'കേരളമടക്കം ദക്ഷിണേന്ത്യയിലാകെ മോദി തരംഗം'; ബിജെപിയുടെ മികച്ച പ്രകടനം കാണാമെന്ന് അമിത് ഷാ
- Finance ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി
- Travel കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും
- Technology വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
- Sports IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
ഒറ്റ ചാര്ജ്ജില് 110 കിലോമീറ്റര്, അവന് സെറോ പ്ലസ് ഇ-സ്കൂട്ടര് വിപണിയില്
ഇന്ത്യന് വൈദ്യുത സ്കൂട്ടര് വിപണി സജീമാവുന്നു. ബെംഗളൂരു കേന്ദ്രമായ ഏഥര് എനര്ജിക്ക് പിന്നാലെ, ദില്ലി കേന്ദ്രമായ അവന് മോട്ടോര്സ് തങ്ങളുടെ ആദ്യ വൈദ്യുത സ്കൂട്ടര്, സെറോ പ്ലസിനെ വിപണിയില് പുറത്തിറക്കി. 47,000 രൂപയാണ് സെറോ പ്ലസ് ഇ-സ്കൂട്ടറിന് വില.
ഊരി മാറ്റാവുന്ന രണ്ടു ബാറ്ററി പാക്കുകള് പുതിയ സെറോ പ്ലസിലുണ്ട്. ബാറ്ററി പാക്ക് ഒന്നു മാത്രമാണ് ഉപയോഗിക്കുന്നതെങ്കില് ഒറ്റ ചാര്ജില് 60 കിലോമീറ്റര് ദൂരം സ്കൂട്ടറോടും. ഇരട്ട ബാറ്ററി പാക്കെങ്കില് 110 കിലോമീറ്റര് ദൂരം വരെയോടാന് സെറോ പ്ലസിന് കഴിയുമെന്ന് കമ്പനി പറയുന്നു.
മണിക്കൂറില് 45 കിലോമീറ്ററാണ് സ്കൂട്ടറിന്റെ പരമാവധി വേഗം. രണ്ടു മുതല് നാലു മണിക്കൂര് വരെ വേണം ബാറ്ററി പാക്കുകള് പൂര്ണ്ണമായും ചാര്ജ്ജ് ചെയ്യാന്. ഊരി മാറ്റാവുന്ന ബാറ്ററി സംവിധാനമായതുകൊണ്ട് സാധാരണ പോര്ട്ടുകള് ചാര്ജ്ജിംഗിനായി ഉപയോഗിക്കാം.
48 V, 28Ah ശേഷിയുള്ള ലിഥിയം അയോണ് ബാറ്ററി ബാക്കാണ് വൈദ്യുത മോട്ടോറിന് ഊര്ജ്ജം പകരുക. സ്കൂട്ടറിന് ഭാരം 62 കിലോ. 150 കിലോ വരെ ഭാരം കയറ്റാന് സെറോ പ്ലസ് പ്രാപ്തമാണ്. ടെലിസ്കോപിക് ഫോര്ക്കുകളും കോയില് സ്പ്രിങ്ങ് സസ്പെന്ഷനുമാണ് മോഡലില് ഒരുങ്ങുന്നത്.
നിരത്തിലോടുന്ന സാധാരണ സ്കൂട്ടറിനെ അപേക്ഷിച്ച് സെറോ പ്ലസിന് പത്തുശതമാനം മാത്രമെ ഉപയോഗ ചിലവുള്ളൂ. ഇന്ത്യന് സാഹചര്യങ്ങള് മുന്നിര്ത്തിയാണ് സെറോ പ്ലസിന്റെ രൂപകല്പ്പനയെന്ന് കമ്പനി വാദിക്കുന്നു. മുന്നില് ഡിസ്ക്കും പിന്നില് ഡ്രം യൂണിറ്റും സ്കൂട്ടറില് വേഗം നിയന്ത്രിക്കും.
Most Read: രസച്ചരട് പൊട്ടി, പുതിയ ടാറ്റ ഹാച്ച്ബാക്കിന്റെ പേര് പുറത്ത്
കൂടുതല് സ്റ്റോറേജ് ശേഷി ഉറപ്പുവരുത്താന് പ്രത്യേക ടോപ്പ് ബോക്സ് പിന് സീറ്റിന് പിറകില് കമ്പനി നല്കുന്നുണ്ട്. റോഡ്സൈഡ് അസിസ്റ്റന്സ്, എക്സ്റ്റന്ഡഡ് വാറന്റി, സ്പെയര് പാര്ട്സ് ടൂള് കിറ്റ് മുതലായ സൗകര്യങ്ങള് സെറോ പ്ലസില് അവന് മോട്ടോര്സ് ലഭ്യമാക്കും.
റെഡ്, വൈറ്റ്, ബ്ലൂ എന്നീ മൂന്നു നിറപ്പതിപ്പുകളിലാണ് സെറോ പ്ലസ് വിപണിയില് വില്പ്പനയ്ക്ക് വരുന്നത്. ബജറ്റ് വിലയില് വൈദ്യുത മോഡലുകളെ പുറത്തിറക്കുകയാണ് തങ്ങളുടെ ആത്യന്തിക ലക്ഷ്യമെന്ന് സ്കൂട്ടറിന്റെ അവതരണത്തിനിടെ അവന് മോട്ടോര്സ് ബിസിനസ് ഡെവലപ്പ്മെന്റ് തലവന് പങ്കജ് തിവാരി പറഞ്ഞു.
കുറഞ്ഞ വിലയില് പ്രായോഗികത കൂടിയ വൈദ്യുത സ്കൂട്ടറായി സെറോ പ്ലസ് വിപണിയില് അറിയപ്പെടും. വരുംനാളുകളില് കൂടുതല് ശ്രേണികളില് പുതിയ മോഡലുകളെ കമ്പനി കൊണ്ടുവരുമെന്ന് അദ്ദേഹം സൂചിപ്പിച്ചു. ഇന്ത്യയില് ഏഥര് 340, ഏഥര് 450, ഒഖീനാവ പ്രെയിസ് സ്കൂട്ടറുകളുമായി പുതിയ സെറോ പ്ലസ് മത്സരിക്കും.