ആദ്യ മാസം 21 യൂണിറ്റുകളുടെ വിൽപ്പനയുമായി ചേതക് ഇലക്ട്രിക്

പൾസർ 150 -യുടെ വിൽപ്പനയിൽ 54 ശതമാനം കുറവും പ്ലാറ്റിനയുടെ വിപണിയിൽ 35 ശതമാനം കുറവുമാണ് ബജാജിന്റെ വിൽപ്പന കുറയാൻ പ്രധാന കാരണം.

ഒരു ദശകത്തിലേറെക്കാലത്തിന് ശേഷം ഒരു ഇലക്ട്രിക് പവർട്രെയിനിൽ ബജാജ്, ചേതക് എന്ന നെയിംപ്ലേറ്റ് ഇന്ത്യൻ വിപണിയിലേക്ക് തിരികെ കൊണ്ടുവന്നു.

ഒരു മുഖ്യധാരാ ഇരുചക്ര വാഹന നിർമാതാക്കളിൽ നിന്നുള്ള ആദ്യത്തെ പൂർണ്ണ-ഇലക്ട്രിക് മോഡലാണിത്. ഒരു ലക്ഷം രൂപയാണ് വാഹനത്തിന്റെ അടിസ്ഥാന എക്സ്-ഷോറൂം വില. ഏറ്റവും ഉയർന്ന അർബൻ പതിപ്പിന് 1.15 ലക്ഷം രൂപയാണ് എക്സ്-ഷോറൂം വില.

ചേതക്കിന്റെ ഡെലിവറി നിർമ്മാതാക്കൾ ഇതിനോടകം ആരംഭിച്ചു കഴിഞ്ഞു. ആദ്യ മാസത്തിൽ 21 ഓളം യൂണിറ്റുകളുടെ ഡെലിവറികൾ കമ്പനി നിർവ്വഹിച്ചു. വാഹനം ഇപ്പോൾ പരിമിതമായ ശേഷിയിൽ മാത്രം ലഭ്യമാവുന്നത്.

ഈ മാസം കണക്കുകൾ മികച്ച മാർജിൻ കൈവരിക്കുമെന്നാണ് പ്രതീക്ഷിക്കുന്നത്. ഈ മാസത്തെ വിൽപ്പന റിപ്പോർട്ട് പുറത്തു വരുന്നതോടെ കാര്യങ്ങൾ വ്യക്തമാവും.

എൻട്രി ലെവൽ മോഡലിൽ സൈബർ വൈറ്റ്, സിട്രസ് വൈറ്റ് പെയിന്റ് സ്കീമുകളിൽ ഇ-സ്കൂട്ടർ വരുന്നു, അർബൻ പതിപ്പ് മോഡലിന് നാല് നിറങ്ങളുണ്ട്.

ആധുനിക സ്റ്റൈലിംഗ് ഘടകങ്ങളും സവിശേഷതകളുടെ പട്ടികയും ചേർത്ത ചേതക്കിന്റെ റെട്രോ രൂപകൽപ്പനയിൽ ഉറച്ചുനിൽക്കുന്നതിലൂടെ ശക്തമായ വികാരങ്ങൾ ഉളവാക്കാൻ ബജാജിന് കഴിഞ്ഞു.

ക്ലൗഡ് അധിഷ്ഠിത പ്രവർത്തനങ്ങൾ, ഓൺബോർഡ് ഡയഗ്നോസ്റ്റിക്സ്, സ്മാർട്ട്ഫോൺ കണക്റ്റിവിറ്റി, ഡിജിറ്റൽ ഇൻസ്ട്രുമെന്റ് ക്ലസ്റ്റർ, എൽഇഡി റിംഗ് ഉള്ള ഹോർസ്-ഷൂ ആകൃതിയിലുള്ള ഹെഡ്‌ലാമ്പ്, 'ഫെതർ ടച്ച്' സ്വിച്ച് ഗിയർ തുടങ്ങിയവ ഇതിൽ ഉൾപ്പെടുത്തിയിട്ടുണ്ട്.

2020 ബജാജ് ചേതക്കിൽ ബാറ്ററി മാനേജുമെന്റ് സിസ്റ്റം, റീജനറേറ്റീവ് ബ്രേക്കിംഗ് സാങ്കേതികവിദ്യ, രണ്ട് ഡ്രൈവ് മോഡുകൾ എന്നിങ്ങനെ നിരവധി ഘടകങ്ങളും നിർമ്മാതാക്കൾ ഒരുക്കിയിരിക്കുന്നു.

IP 67 റേറ്റിംഗുള്ള ലിഥിയം-അയൺ ബാറ്ററി പായ്ക്കും 16 Nm torque പുറപ്പെടുവിക്കാൻ ശേഷിയുള്ള നാല് കിലോവാട്ട് ഇലക്ട്രിക് മോട്ടോറും വാഹനം ഉപയോഗിക്കുന്നു. ഇക്കോ മോഡിന് 95 കിലോമീറ്റർ മൈലേജും, യഥാർത്ഥ ലോക സാഹചര്യങ്ങളിൽ സ്പോർട് മോഡിൽ ഒരൊറ്റ ചാർജിൽ 85 കിലോമീറ്റർ മൈലേജും കമ്പനി അവകാശപ്പെടുന്നു.

ചേതക് ഇലക്ട്രിക് പൂജ്യത്തിൽ നിന്ന് 100 ശതമാനം ചാർജ് അഞ്ച് മണിക്കൂറിനുള്ളിൽ കൈവരിക്കുന്നു. ഒരു സാധാരണ ചാർജർ ഉപയോഗിക്കുന്നു, 60 മിനിറ്റിനുള്ളിൽ ഇത് 25 ശതമാനമായി ചാർജ് ചെയ്യാം എന്നുള്ളതും മറ്റൊരു പ്രധാന സവിശേഷതയാണ്.