KB4-ന്റെ പ്രൊഡക്ഷന്‍ ചിത്രങ്ങള്‍ വെളിപ്പെടുത്തി ബിമോട്ട

ഇറ്റാലിയന്‍ മോട്ടോര്‍ സൈക്കിള്‍ ബ്രാന്‍ഡായ ബിമോട്ടയില്‍ 49 ശതമാനം ഓഹരി കവസാക്കി സ്വന്തമാക്കി, ആദ്യത്തെ പുതിയ ബിമോട്ടയായ ടെസി H2 കവസാക്കി നിഞ്ച H2 അടിസ്ഥാനമാക്കി പുറത്തിറക്കി. രണ്ടാമത്തെ മോഡലാണ് ബിമോട്ട KB4.

റെട്രോ-പ്രചോദിതമായ KB4, കവസാക്കി Z1000 അടിസ്ഥാനമാക്കിയുള്ളതാണ്. ബിമോട്ട KB4 അതേ 1,043 സിസി ഇന്‍ലൈന്‍ ഫോര്‍ എഞ്ചിന്‍ ഉപയോഗിക്കുന്നു. ഇപ്പോള്‍ KB4 ഉത്പാദനവുമായി ഒരു പടി കൂടി അടുത്തതായി ചിത്രങ്ങള്‍ വെളിപ്പെടുത്തുന്നു.

MOST READ: പരിഷ്കരണങ്ങളുമായി 2021 അർമാഡ എസ്‌യുവി അവതരിപ്പിച്ച് നിസാൻ

ബിമോട്ടയുടെ ഫേസ്ബുക്ക് പേജിലെ ഒരു പുതിയ പോസ്റ്റ് ബിമോട്ട KB4-ന്റെ ഒരു വീഡിയോ വെളിപ്പെടുത്തുന്നു. ഇത് ബൈക്കിന്റെ ഔദ്യോഗിക അരങ്ങേറ്റം വളരെ അടുത്തുവെന്ന് സൂചിപ്പിക്കുന്നു. ചെറിയ വീഡിയോ ബ്രേക്കിംഗ് പരിശോധനയ്ക്ക് വിധേയമാകുന്ന ബൈക്കിന്റെ ചിത്രങ്ങളാണ് വെളിപ്പെടുത്തുന്നത്.

ഇതാദ്യമാണ് ബൈക്കിന്റെ ചിത്രങ്ങള്‍ പുറത്തുവരുന്നതെന്നും റിപ്പോര്‍ട്ടില്‍ പറയുന്നു. 2019-ല്‍, ബിമോട്ട KB4-ന്റെ കുറച്ച് റെന്‍ഡറിംഗ് ചിത്രങ്ങള്‍ പുറത്തിറക്കിയിരുന്നു. ഈ വര്‍ഷം തുടക്കത്തില്‍, ബൈക്കിന്റെതെന്ന് അവകാശപ്പെടുന്ന രണ്ട് ചിത്രങ്ങള്‍ പുറത്തുവന്നിരുന്നു.

MOST READ: വാഹന ഷോറൂമുകൾ ഇനി വീട്ടിൽ തന്നെ; വാഹന രംഗത്തിന് 2020 നൽകിയ പ്രധാന മാറ്റം

അധികം വൈകാതെ തന്നെ മോഡലിനെ വിപണിയില്‍ എത്തിക്കാനാണ് കമ്പനി പദ്ധതിയിട്ടിരിക്കുന്നത്. ഒരു വര്‍ഷം മുമ്പ് പുറത്തിറക്കിയ റെന്‍ഡറിംഗുകളുമായി സാമ്യമുള്ളതാണ് ബിമോട്ട KB4 എന്ന് ഏറ്റവും പുതിയ ഫോട്ടോകള്‍ കാണിക്കുന്നു.

റെട്രോ-സ്‌റ്റൈല്‍ ഫെയറിംഗില്‍ ഒരു റൗണ്ട് ഹെഡ്‌ലൈറ്റ് ബൈക്കിന്റെ സവിശേഷതയാണ്. കൂടാതെ ഇന്‍ടേക്കുകളും ഫിനുകളും ലഭിക്കുന്നു, ഇത് റെട്രോ ഫ്‌ലേവര്‍ കൂടുതല്‍ നല്‍കുന്നു.

MOST READ: ഭാവം മാറി 2021 മോഡൽ വോൾവോ XC60; ഇനി പ്ലഗ്-ഇൻ ഹൈബ്രിഡ്, മൈൽഡ്-ഹൈബ്രിഡ് വേരിയന്റുകളിൽ

കവസാക്കി Z1000-ന്റെ 1,043 സിസി ഇന്‍ലൈന്‍ ഫോര്‍ എഞ്ചിനാണ് KB4-ന് കരുത്ത് പകരുന്നത്. അതിനാല്‍ 135 bhp കരുത്തും 110 Nm torque ഉം ഉത്പാദിപ്പിക്കുന്ന പവര്‍ കണക്കുകള്‍ ഏതാണ്ട് കുറവായിരിക്കുമെന്ന് പ്രതീക്ഷിക്കുന്നു.

എഞ്ചിന്‍ കവാസാക്കി Z1000 -മായി പങ്കിടുമെങ്കിലും ചാസി, ബോഡി വര്‍ക്ക്, സസ്‌പെന്‍ഷന്‍ എന്നിവയുള്‍പ്പെടെയുള്ള ബാക്കി ഘടകങ്ങള്‍ വ്യത്യസ്തവും KB4 -ന് വേണ്ടി പ്രത്യേകം നിര്‍മ്മിച്ചതുമാണ്.

MOST READ: ആള്‍ട്യുറാസ് G4 വിപണിയോട് വിടപറഞ്ഞേക്കും; കാരണം സാങ്‌യോങുമായുള്ള മഹീന്ദ്രയുടെ വിഭജനം

വാഹനത്തില്‍ മികച്ച സസ്പെന്‍ഷന്‍ ബ്രേക്കിംഗ് ഹാര്‍ഡ്‌വെയര്‍ ഉള്‍പ്പെടെയുള്ള ടോപ്പ്-ഷെല്‍ഫ് ഘടകങ്ങള്‍ നിര്‍മ്മാതാക്കള്‍ ഒരുക്കുന്നു. ക്ലിപ്പ് ഓണ്‍ ഹാന്‍ഡില്‍ബാറുകള്‍, മുന്നില്‍ അപ്പ് സൈഡ്ഡൗണ്‍ ഫോര്‍ക്കുകള്‍, പിന്നില്‍ മോണോഷോക്ക് സസ്‌പെന്‍ഷന്‍ എന്നിവ മോട്ടോര്‍സൈക്കിളില്‍ പ്രതീക്ഷിക്കാം. കൂടുതല്‍ വിശദാംശങ്ങള്‍ കമ്പനി ഇനിയും വെളിപ്പെടുത്തിയിട്ടില്ല.