EICMA 2021 മോട്ടോർസൈക്കിൾ ഷോയുടെ ഔദ്യോഗിക തീയതികൾ പ്രഖ്യാപിച്ചു

EICMA 2021 -ന്റെ തീയതികൾ ഔദ്യോഗികമായി വെളിപ്പെടുത്തി. അന്താരാഷ്ട്ര സൈക്കിൾ, മോട്ടോർസൈക്കിൾ ഷോ 2021 നവംബർ അവസാന വാരത്തിൽ നടക്കും.

അന്താരാഷ്ട്ര മോട്ടോർ സൈക്കിൾ ഷോ ഇറ്റലിയിലെ റോയിലെ ഫിയേറോ മിലാനോയുടെ ഹാളുകളിലാവും നടക്കുക. 2021 നവംബർ 23 -നും 28 -നും ഇടയിൽ പ്രദർശനം നടക്കും.

ഇതിൽ ആദ്യ രണ്ട് ദിവസം (23, 24 തീയതികളിൽ) പത്രക്കാർക്കും പ്രൊഫഷണലുകൾക്കും മാത്രമായി സംഘാടകർ നീക്കിവച്ചിരിക്കുന്നു.

ഷോ നടക്കാനുള്ള അവസാന തീയതികൾ സംബന്ധിച്ച് ഫിയറോ മിലാനോയുമായി സംഘാടകർ ധാരണയിലെത്തി. എക്സിബിഷൻ മൈതാനത്ത് പ്രോഗ്രാം ചെയ്ത വ്യാപാര മേളകളുടെ കലണ്ടർ സമന്വയിപ്പിക്കേണ്ടതിന്റെ ആവശ്യകത കാരണം തീയതികൾ രണ്ടാഴ്ചത്തേക്ക് മാറ്റി.

കൊവിഡ്-19 മഹാമാരിയുടെ അനന്തരഫലങ്ങൾ ഫിയേര മിലാനോയുടെ മുഴുവൻ കലണ്ടറും ചുരുക്കി, ഒരു അന്തർദ്ദേശീയ വ്യാപ്തിയിൽ നടക്കേണ്ട നിരവധി പരിപാടികളും മറ്റും മാറ്റി വെച്ചതായി, EICMA S.p.A. & കോൺഫിഡസ്ട്രിയ ANCMA (നാഷണൽ അസോസിയേഷൻ ഓഫ് സൈക്കിൾസ്, മോട്ടോർസൈക്കിൾസ്, ആക്സസറീസ്) ചെയർമാൻ പൗലോ മാഗ്രി പ്രസ്താവിച്ചു.

1950 മുതൽ തങ്ങൾക്ക് ബന്ധമുള്ള ഒരു ട്രേഡ് ഫെയർ പങ്കാളിയുമായി ഷെഡ്യൂൾ ചെയ്ത എല്ലാ ഇവന്റുകളുടെയും ആകർഷണവും ഫലപ്രാപ്തിയും വർധിപ്പിക്കുന്നതിനായി EICMA യുടെ തീയതികൾ പുനർ‌നിർവചിക്കാൻ തങ്ങൾ തീരുമാനിച്ചു എന്ന് അദ്ദേഹം പറഞ്ഞു.

ട്രേഡ് ഫെയർ സിസ്റ്റത്തിന്റെ താൽപ്പര്യപ്രകാരം ഉത്തരവാദിത്തമുള്ള ഒരു പ്രവൃത്തിയാണിതെന്നും, വിപണിയുടെ വളർച്ചയ്ക്കും കമ്പനികൾക്ക് കാര്യങ്ങൾ ക്രമീകരിക്കാനുള്ള സാഹചര്യങ്ങൾ നൽകുമെന്നും ഇവന്റ് രണ്ടാഴ്ചത്തേക്ക് മാറ്റിവയ്ക്കാനുള്ള തീരുമാനത്തെക്കുറിച്ച് സംസാരിച്ച മാഗ്രി വ്യക്തമാക്കി.

ലോകത്തിലെ ഏറ്റവും വലിയ അന്താരാഷ്ട്ര മോട്ടോർ സൈക്കിൾ ഷോകളിലൊന്നാണ് EICMA. തുടക്കത്തിൽ 2020 നവംബർ 3 മുതൽ 8 വരെ നടക്കേണ്ടിയിരുന്ന ഇവന്റിന്റെ 78-ാം പതിപ്പ് ആഗോള തലത്തിൽ വ്യാപിച്ച പകർച്ചവ്യാധികൾക്കിടയിൽ റദ്ദാക്കിയിരുന്നു. എന്നിരുന്നാലും, അടുത്ത വർഷം പരിപാടി നടക്കുമെന്ന് സംഘാടകർ അറിയിച്ചിരിക്കുകയാണ്.