280 കിലോമീറ്റർ മൈലേജുമായി സിമ്പിൾ എനർജി ഇവി സ്കൂട്ടർ

ഇലക്ട്രിക് വാഹനങ്ങൾ മൊബിലിറ്റിയുടെ ഭാവി ആയി മാറുമെന്നും പറയപ്പെടുന്നു. വിപണിയിൽ പ്രവേശിച്ച് മികച്ച ഉൽപ്പന്നങ്ങൾ അവതരിപ്പിച്ച് ഇലക്ട്രിക് വാഹന വിപണിയിൽ ഇടം പിടിച്ചെടുക്കാൻ ശ്രമിക്കുകയാണ് പുതിയ നിർമ്മാതാക്കൾ.

അത്തരത്തിൽ ഇലക്ട്രിക് ടൂ-വീലർ രംഗത്ത് പ്രവേശിക്കുന്ന ഏറ്റവും പുതിയ സ്റ്റാർട്ടപ്പാണ് സിമ്പിൾ എനർജി. തങ്ങളുടെ പുതിയ ഇലക്ട്രിക് സ്കൂട്ടറായ മാർക്ക് 2 എന്ന മോഡലുമായിട്ടാണ് കമ്പനി വിപണിയിലേക്ക് എത്തുന്നത്. സിമ്പിൾ എനർജി 1.3 കോടി രൂപ ഈ പദ്ധതിയിൽ നിക്ഷേപിക്കുകയും ഒരു ദശലക്ഷം രൂപ അടുത്ത മാസത്തോടെ സമാഹരിക്കാനുമുള്ള ഒരുക്കത്തിലാണ്.

കൊവിഡ് -19 മഹാമാരി കാരണം, 2021 -ന്റെ ആദ്യ പാദത്തിനുള്ളിൽ കമ്പനി തങ്ങളുടെ പുതിയ മോഡൽ വ്പണിയിൽ എത്തിക്കാൻ തീരുമാനിച്ചിരിക്കുകയാണ്. ബാംഗ്ലൂരിലെ യെലഹങ്കയിൽ 50,000 യൂണിറ്റ് ശേഷിയുള്ള പ്ലാന്റിൽ ഇലക്ട്രിക് സ്കൂട്ടർ ഉത്പാദിപ്പിക്കുന്നത്.

24 കാരനായ സുഹാസ് രാജ്കുമാറാണ് ഈ കമ്പനി സ്ഥാപിച്ചത്. കമ്പനിയുടെ വെബ്‌സൈറ്റ്, ആമസോൺ, ഫ്ലിപ്കാർട്ട് തുടങ്ങിയ ഓൺലൈൻ പ്ലാറ്റ്‌ഫോമുകൾ വഴിയാണ് മാർക്ക് 2 വിൽപ്പനയ്ക്ക് എത്തുക.

ഓരോ പ്രധാന നഗരത്തിലും നാല് എക്സ്പീരിയൻസ് കേന്ദ്രങ്ങളും ചെറിയ നഗരങ്ങളിൽ രണ്ടെണ്ണവും ഉപയോഗിച്ച് പ്രവർത്തനം ആരംഭിക്കുമെന്ന് കമ്പനി അറിയിച്ചു. സിമ്പിൾ എനർജിക്ക് സമീപഭാവിയിൽ സേവന കേന്ദ്രങ്ങൾക്കായി എക്‌സ്‌ക്ലൂസീവ് ഡീലർഷിപ്പുകളും ഉണ്ടാകും.

ഇലക്ട്രിക് സ്കൂട്ടറായ മാർക്ക് 2 -ലേക്ക് മടങ്ങിവരുമ്പോൾ സ്കൂട്ടർ വളരെ ആധുനിക ഡിസൈൻ ഭാഷ അവതരിപ്പിക്കുന്നതായി തോന്നുന്നു. മണിക്കൂറിൽ 103 കിലോമീറ്റർ വേഗതയും 280 കിലോമീറ്ററിൽ കൂടുതൽ ബാറ്ററി ശ്രേണിയും നിർമ്മാതാക്കൾ അവകാശപ്പെടുന്നു

ഇത് മുമ്പ് വിപണിയിൽ കണ്ടിട്ടുള്ള മോഡലുകളിലും മികച്ചതാണ്. നീക്കം ചെയ്യാവുന്ന ലിഥിയം-അയൺ ലൈറ്റ്‌വെയിറ്റ് ബാറ്ററിയാണ് മാർക്ക് 2 -ൽ ഉൾക്കൊള്ളുക. ഇത് വീടിനുള്ളിൽ 40 മിനിറ്റിലും ഫാസ്റ്റ് ചാർജറിലൂടെ ചാർജിംഗ് സ്റ്റേഷനിൽ 17 മിനിറ്റിലും ചാർജ് ചെയ്യാൻ കഴിയും.

ഞങ്ങൾ മുകളിൽ സൂചിപ്പിച്ചതുപോലെ, മാർക്ക് 2 -ന് മൂന്ന്-അക്ക വേഗതയിൽ സ്പർശിക്കാൻ കഴിയും, മാത്രമല്ല വെറും 3.1 സെക്കൻഡിനുള്ളിൽ 50 കിലോമീറ്റർ വരെ വേഗത കൈവരിക്കാൻ സ്കൂട്ടറിന് സാധിക്കും.

4G കണക്റ്റിവിറ്റിയുള്ള ഏഴ് ഇഞ്ച് ടച്ച് ഡിസ്‌പ്ലേ IP 67 റേറ്റിംഗും ഇതിന് ലഭിക്കും, കൂടാതെ വാഹനത്തിന്റെ 80-90 ശതമാനം ഘടകങ്ങളും ഇന്ത്യയിൽ നിർമ്മിച്ചതും വികസിപ്പിച്ചതുമാണ്.