ഉയർന്ന പ്രൊഡക്ഷൻ ചെലവുകൾ; അവഞ്ചർ ശ്രേണിയുടെ വില വീണ്ടും വർധിപ്പിച്ച് ബജാജ്

പുതിയ വിലവർധനവിന് ശേഷം അവഞ്ചർ 220 ക്രൂയിസ് മോട്ടോർസൈക്കിളിന് മുമ്പത്തെ 1,26,995 രൂപയെ അപേക്ഷിച്ച് ഇപ്പോൾ 1,31,046 രൂപയാണ് എക്സ്-ഷോറൂം വില.

ഇതോടൊപ്പം ബജാജ് ഓട്ടോ പുതിയ അവഞ്ചർ 160 -യുടെ വിലയും ഉയർത്തി. 1,03,699 രൂപയിൽ ഇപ്പോൾ 1,07,309 രൂപയാണ് മോട്ടോർസൈക്കിളിന്റെ എക്സ്-ഷോറൂം വില. 2021 -ന്റെ തുടക്കത്തിന് ശേഷം ബൈക്കുകൾക്ക് ലഭിക്കുന്ന രണ്ടാമത്തെ വില പരിഷ്കരണമാണ് ഇത്.

ഉത്പാദന ചെലവിന്റെയും റോ മെറ്റീരിയലുകളുടേയും ഉയർന്ന വിലയാണ് വീണ്ടുമുള്ള ഈ വില വർധനവിന് കാരണം എന്ന് നിർമ്മാതാക്കൾ ചൂണ്ടിക്കാട്ടുന്നു. രാജ്യത്ത് ടൂ-വീലർ, ഫോർ-വീലർ നിർമ്മാതാക്കളിൽ പലരും ഇതിനോടകം മോഡലുകളുടെ വിലകൾ ഉയർത്തിയിട്ടുണ്ട്.

വില വർധനവല്ലാതെ മോട്ടോർസൈക്കിളുകളിൽ മറ്റ് മാറ്റങ്ങളൊന്നുമില്ല. 18.76 bhp കരുത്തും 17.55 Nm torque ഉം നൽകുന്ന അതേ 220 സിസി, സിംഗിൾ സിലിണ്ടർ, ഓയിൽ-കൂൾഡ് മോട്ടോർ അവഞ്ചർ 220 ക്രൂയിസിൽ തുടരുന്നു.

ചെറിയ അവഞ്ചർ 160 സ്ട്രീറ്റിൽ 160 സിസി, എയർ-കൂൾഡ് മോട്ടോർ തന്നെ ഉപയോഗിക്കുന്നു. ഈ യൂണിറ്റ് 14.79 bhp കരുത്തും 13.7 Nm torque ഉം നൽകുന്നു.

ഏറ്റവും പുതിയ വിലക്കയറ്റം മറ്റ് ബജാജ് ബൈക്കുകളായ പൾസർ, ഡൊമിനാർ 400 എന്നിവയെയും ബാധിച്ചു. എന്നിരുന്നാലും, കമ്പനി അടുത്തിടെ ഡൊമിനാർ 250 -യുടെ വില 16,800 രൂപ കുറച്ചിട്ടുണ്ട്. അതോടൊ ചെറു ഡൊമിനാർ കൂടുതൽ താങ്ങാവുന്നതായി മാറി.

കൂടാതെ 2021 ജൂണിൽ വിപണിയിൽ 3,10,578 യൂണിറ്റുകൾ വിൽക്കാൻ കഴിഞ്ഞതായി ബജാജ് ഓട്ടോ അടുത്തിടെ പ്രഖ്യാപിച്ചിരുന്നു. ഇത് 2020 -ലെ ഇതേ കാലയളവിൽ റീട്ടെയിൽ ചെയ്ത യൂണിറ്റുകളേക്കാൾ 22 ശതമാനം കൂടുതലാണ്.

ബജാജ് ഓട്ടോ മുമ്പ് 2020 ജൂണിൽ 2,55,122 യൂണിറ്റുകളാണ് വിറ്റഴിച്ചത്. ആഭ്യന്തര, കയറ്റുമതി വിൽപ്പനയും ഈ കണക്കിൽ ഉൾപ്പെടുന്നു.