ഇന്ത്യൻ വിപണിയിൽ പുത്തൻ 502C ക്രൂസർ നാളെ അവതരിപ്പിക്കാനൊരുങ്ങി ബെനലി

പുതിയ പ്രീമിയം ക്രൂയിസറിന്റെ പ്രീ-ബുക്കിംഗ് ഈ മാസം 8 -ന് ഇന്ത്യയിൽ 10,000 രൂപയുടെ ടോക്കൺ തുകയിൽ കമ്പനി ആരംഭിച്ചു.

QJ SRV500 -ന്റെ പുനർ‌നിർമ്മിച്ച പതിപ്പാണ് പുതിയ ബെനലി 502C. വരാനിരിക്കുന്ന 502C ക്രൂയിസറിന്റെ ഔദ്യോഗിക സാങ്കേതിക സവിശേഷതകളും പ്രധാന വിശദാംശങ്ങളും കമ്പനി ഇതുവരെ പുറത്തുവിട്ടിട്ടില്ലെങ്കിലും 500 സിസി പാരലൽ-ട്വിൻ എഞ്ചിനെ അടിസ്ഥാനമാക്കിയാവും മോട്ടോർ സൈക്കിൾ വരുന്നതെന്ന് പ്രതീക്ഷിക്കാം.

പുതിയ ബെനലി 502C കവാസാക്കി വൾക്കൺ S -ന്റെ നേരിട്ടുള്ള എതിരാളിയാകും. ബൈക്കിന്റെ ഹൃദയഭാഗത്ത് 500 സിസി പാരലൽ-ട്വിൻ മോട്ടോർ ഇരിക്കാൻ സാധ്യതയുണ്ട്.

ഇത് 8,500 rpm -ൽ 46.8 bhp പരമാവധി കരുത്തും 6,000 rpm -ൽ 46 Nm പീക്ക് torque ഉം നൽകും. ആറ് സ്പീഡ് ഗിയർബോക്സാണ് ട്രാൻസ്മിഷൻ ചുമതലകൾ നിർവഹിക്കുക.

മോട്ടോർ സൈക്കിളിലെ ചില പ്രധാന ഹാർഡ്‌വെയർ ഘടകങ്ങളിൽ അപ്പ്സൈഡ് ഡൗൺ ഫ്രണ്ട് ഫോർക്കുകൾ, റിയർ മോണോ-ഷോക്ക്, മുന്നിൽ ഇരട്ട ഡിസ്കുകൾ, പിന്നിൽ ഒരൊറ്റ റോട്ടർ, രണ്ട് അറ്റത്തും 17 ഇഞ്ച് വീലുകൾ എന്നിവ ഉൾപ്പെടുന്നു.

ഇതോടൊപ്പം പൂർണ്ണ എൽഇഡി ലൈറ്റിംഗ്, ഡിജിറ്റൽ ഇൻസ്ട്രുമെന്റ് ക്ലസ്റ്റർ, ഡ്യുവൽ ചാനൽ ABS എന്നിവയും നിർമ്മാതാക്കൾ മോട്ടോർസൈക്കിളിൽ ഒരുക്കിയിരിക്കുന്നു.

ലോ-സ്ലംഗ് ഹെഡ്‌ലൈറ്റ്, 21.5 ലിറ്റർ ഫ്യുവൽ ടാങ്ക്, റിയർ-ഫെൻഡറിൽ ഘടിപ്പിച്ച നമ്പർപ്ലേറ്റ്, സ്റ്റെപ്പ്-അപ്പ് സാഡിൽ, ട്വിൻ-പോഡ് എക്‌സ്‌ഹോസ്റ്റ് കാനിസ്റ്റർ എന്നിവ ബൈക്കിലെ പ്രധാന സ്റ്റൈലിംഗ് ഘടകങ്ങളാണ്.

പുതിയ ബെനലി 502C ക്രൂയിസറിന്റെ എക്സ്-ഷോറൂം വില 5.0 ലക്ഷം രൂപയിൽ നിന്ന് ആരംഭിക്കുമെന്ന് പ്രതീക്ഷിക്കുന്നു.