ബിഎസ് VI നവീകരണങ്ങളോടെ R 1250 GS പതിപ്പിനെ അവതരിപ്പിക്കാനൊരുങ്ങി ബിഎംഡബ്ല്യു

യൂറോ 5 നിലവാരത്തിലുള്ള (ബിഎസ് VI മലിനീകരണ മാനദണ്ഡങ്ങള്‍ക്ക് തുല്യമായ) മോഡല്‍ ഇതിനകം തന്നെ നിരവധി അന്താരാഷ്ട്ര വിപണികളില്‍ ലഭ്യമാണ്.

അന്താരാഷ്ട്ര വിപണിയില്‍ ലഭ്യമായ മോട്ടോര്‍സൈക്കിളിന്റെ ഏറ്റവും പുതിയ ആവര്‍ത്തനത്തെക്കുറിച്ചുള്ള മെക്കാനിക്കല്‍ സവിശേഷതകളില്‍ യൂറോ 5 നിലവാരത്തിലുള്ള 1,254 സിസി എയര്‍ / ലിക്വിഡ്-കൂള്‍ഡ്, ഫ്‌ലാറ്റ്-ട്വിന്‍ എഞ്ചിനാണ് ലഭിക്കുന്നത്.

ബിഎംഡബ്ല്യു ഷിഫ്റ്റ്ക്യാം സാങ്കേതികവിദ്യയും ഈ എഞ്ചിനൊപ്പം കമ്പനി വാഗ്ദാനം ചെയ്യുന്നുണ്ട്. ഈ യൂണിറ്റ് 7,750 rpm-ല്‍ 134 bhp കരുത്തും 6,250 rpm-ല്‍ 142 Nm torque ഉം സൃഷ്ടിക്കും. ഇന്ത്യയിലേക്കുള്ള മോഡലില്‍ സമാനമായ പവര്‍, ടോര്‍ക്ക് ഔട്ട്പുട്ട് കണക്കുകള്‍ തന്നെയാകും ലഭിക്കുക.

ഇന്റര്‍നാഷണല്‍ സ്പെക്ക് R 1250 GS-ലെ സ്റ്റാന്‍ഡേര്‍ഡ് ഉപകരണങ്ങളില്‍ പൂര്‍ണ്ണ എല്‍ഇഡി ലൈറ്റിംഗ്, ബ്ലൂടൂത്ത് പ്രവര്‍ത്തനക്ഷമമാക്കിയ ടിഎഫ്ടി കളര്‍ ഡിസ്പ്ലേ, ട്രാക്ഷന്‍ കണ്‍ട്രോള്‍ സിസ്റ്റം, എബിഎസ് പ്രോ, മൂന്ന് റൈഡ് മോഡുകള്‍ (ഇക്കോ, റോഡ്, റെയിന്‍), ഹില്‍ സ്റ്റാര്‍ട്ട് കണ്‍ട്രോള്‍, യുഎസ്ബി ചാര്‍ജ്ജ് സോക്കറ്റ് എന്നിവ ഉള്‍പ്പെടുന്നു.

ഇലക്ട്രോണിക് ക്രമീകരിക്കാവുന്ന സസ്‌പെന്‍ഷന്‍, ഹീറ്റഡ് സീറ്റുകള്‍, റൈഡ് പ്രോ മോഡുകള്‍ (ഡൈനാമിക്, ഡൈനാമിക് പ്രോ, എന്‍ഡ്യൂറോ, എന്‍ഡ്യൂറോ പ്രോ), ഓട്ടോമേറ്റഡ് ഹില്‍ സ്റ്റാര്‍ട്ട് കണ്‍ട്രോള്‍, ഡൈനാമിക് ബ്രേക്ക് അസിസ്റ്റന്റ്, എഞ്ചിന്‍ ബ്രേക്ക് കണ്‍ട്രോള്‍ എന്നിവ ഓപ്ഷണല്‍ എക്‌സ്ട്രാകളില്‍ ഉള്‍പ്പെടുന്നു.

അസമമായ ഹെഡ്‌ലൈറ്റ്, സെമി ഫെയറിംഗ്, ക്രമീകരിക്കാവുന്ന വിന്‍ഡ്സ്‌ക്രീന്‍ എന്നിവ ഉള്‍ക്കൊള്ളുന്ന പരുക്കന്‍ രൂപകല്‍പ്പന സ്‌റ്റൈലിംഗ് സൂചകങ്ങള്‍ നിലനിര്‍ത്തുന്നു.

ഒരു വലിയ ഇന്ധന ടാങ്ക്, സ്പ്ലിറ്റ്-സ്‌റ്റൈല്‍ സീറ്റുകള്‍, ഉയരമുള്ള സെറ്റ് എക്‌സോസ്റ്റ്, ഷാഫ്റ്റ് ഡ്രൈവ് സിസ്റ്റം എന്നിവയും മോട്ടോര്‍സൈക്കിളില്‍ പായ്ക്കില്‍ കമ്പനി വാഗ്ദാനം ചെയ്യുന്നു. സ്റ്റാന്‍ഡേര്‍ഡ് R 1250 GS അലോയ് വീലുകള്‍ ഉപയോഗിക്കും, അഡ്വഞ്ചര്‍ വേരിയന്റില്‍ ട്യൂബ്‌ലെസ് ടയര്‍ അനുയോജ്യമായ സ്പോക്ക് വീലുകളാകും ഉണ്ടായിരിക്കുക.

ബ്രാന്‍ഡില്‍ നിന്നുള്ള മറ്റ് വാര്‍ത്തകള്‍ പരിശോധിച്ചാല്‍, S 1000 R മോഡലിനെ രാജ്യത്ത് പുറത്തിറക്കിയിരുന്നു. 17.90 ലക്ഷം എക്‌സ്‌ഷോറൂം വിലയ്ക്കാണ് വാഹനത്തെ വിപണിയില്‍ എത്തിച്ചിരിക്കുന്നത്. രാജ്യമെമ്പാടുമുള്ള ബ്രാന്‍ഡിന്റെ ഔദ്യോഗിക വെബ്സൈറ്റ് വഴി ആവശ്യക്കാര്‍ക്ക് മോട്ടോര്‍ സൈക്കിള്‍ ബുക്ക് ചെയ്യാം.

998 സിസി ഇന്‍-ലൈന്‍ ഫോര്‍ സിലിണ്ടര്‍ എഞ്ചിനാണ് ബൈക്കിന്റെ കരുത്ത്. ഈ യൂണിറ്റ് 11,000 rpm-ല്‍ 162 bhp കരുത്തും 9,250 rpm-ല്‍ 114 Nm torque ഉം സൃഷ്ടിക്കും. ആറ് സ്പീഡ് ഗിയര്‍ബോക്സിലേക്കാണ് എഞ്ചിന്‍ ജോടിയാക്കിയിരിക്കുന്നത്.