Click it and Unblock the Notifications
Ola-യ്ക്ക് പിന്നാലെ Bounce; ആദ്യ ഇലക്ട്രിക് സ്കൂട്ടറിന്റെ അവതരണം നാളെ
ബെംഗളൂരു ആസ്ഥാനമായുള്ള ഇവി സ്റ്റാര്ട്ടപ്പ് ബൗണ്സ്, അതിന്റെ ആദ്യ ഇലക്ട്രിക് സ്കൂട്ടറായ ഇന്ഫിനിറ്റി നാളെ പുറത്തിറക്കും. ഇതുവരെ, റൈഡ് റെന്റല് സര്വീസ് പ്രൊവൈഡറായിരുന്ന ബൗണ്സ്, തങ്ങളുടെ സ്കൂട്ടറുകള് നിരയിലേക്ക് ഹീറോ ഇലക്ട്രിക് പോലുള്ള നിലവിലുള്ള ഇ-സ്കൂട്ടര് കമ്പനികളെയാണ് ആശ്രയിച്ചിരുന്നത്.
ഇതിന് പരിഹാരമായിട്ടാണ് ഇപ്പോള് ബൗണ്സ് തങ്ങളുടെ ഇലക്ട്രിക് സ്കൂട്ടറുമായി രംഗത്തെത്തുന്നത്. ഓല, ഇലക്ട്രിക് സ്കൂട്ടര് വിപണിയിലേക്ക് പ്രവേശിച്ചതിന് പിന്നാലെയാണ് ബൗണ്സും ഇത്തരത്തിലൊരു ചുവടുവെയ്പ്പ് നടത്തുന്നത് എന്നത് ശ്രദ്ധേയകരമായ കാര്യമാണ്.
നാളെ മുതല് തന്നെ ഇലക്ട്രിക് സ്കൂട്ടറിനായുള്ള പ്രീ-ബുക്കിഗും കമ്പനി ആരംഭിക്കും. നേരത്തെ പുറത്തുവന്ന റിപ്പോര്ട്ട് അനുസരിച്ച് 499 രൂപയായിരിക്കും ബുക്കിംഗ് തുകയായി സ്വീകരിക്കുക. അതേസമയം അടുത്ത വര്ഷം ആദ്യം മുതല് ഡെലിവറി ആരംഭിക്കുമെന്ന് സൂചന നല്കിയിട്ടുണ്ടെങ്കിലും, ഡെലിവറി ആരംഭിക്കുന്നതിനുള്ള കൃത്യമായ തീയതി നിര്മാതാക്കള് വെളിപ്പെടുത്തിയിട്ടില്ല.
ഇലക്ട്രിക് സ്കൂട്ടര് വിഭാഗത്തില് ബൗണ്സ് ഇന്ഫിനിറ്റിയെ 'സ്പെഷ്യല്' ആക്കുന്നത് അതിന്റെ വിലയായിരിക്കുമെന്നാണ് ഞങ്ങള് കരുതുന്നത്. ബാറ്ററികള് ഉപയോഗിച്ചും അല്ലാതെയും ഇന്ഫിനിറ്റി വില്ക്കാന് ബൗണ്സ് പദ്ധതിയിടുന്നു.
ബാറ്ററി പ്ലാനുകളില്ലാതെ, പ്രതിമാസ/വാര്ഷിക പാക്കേജുകളില് ബാറ്ററി പായ്ക്കുകള് വാടകയ്ക്കെടുക്കാനും ബൗണ്സിന്റെ സ്വാപ്പ് സ്റ്റേഷനുകളില് ബാറ്ററി പായ്ക്ക് കൈമാറ്റം ചെയ്യാനും സ്വാപ്പിനായി പണം നല്കാനും കഴിയും. ഇത് റീട്ടെയില് ചെലവ് ഏകദേശം 75,000 രൂപയായി (എക്സ്ഷോറൂം) കുറയ്ക്കുമെന്ന് വിശ്വസിക്കപ്പെടുന്നത്.
ഈ മെയ്ഡ്-ഇന്-ഇന്ത്യ ബാറ്ററികള് ബൗണ്സിന്റെ സ്വാപ്പ് സ്റ്റേഷനുകളുടെ വിപുലമായ ശൃംഖലയില് ലഭ്യമാകും, ഇത് ആയാസരഹിതമായ കൈമാറ്റത്തിലേക്കും യാത്രകള്ക്കിടയിലുള്ള ഏറ്റവും കുറഞ്ഞ സ്റ്റോപ്പേജ് സമയത്തിലേക്കും വിവര്ത്തനം ചെയ്യുമെന്നും കമ്പനി വ്യക്തമാക്കുന്നു.
സ്കൂട്ടറിന് എല്സിഡി ഇന്സ്ട്രുമെന്റ് ക്ലസ്റ്റര്, മുന്നിലും പിന്നിലും ഡിസ്ക് ബ്രേക്കുകള്, എല്ഇഡി ലൈറ്റുകള്, നീക്കം ചെയ്യാവുന്ന ബാറ്ററി എന്നിവ കണക്കിലെടുക്കുമ്പോള്, 75,000 രൂപ മത്സരാധിഷ്ടിതമെന്ന് വേണം പറയാന്. സംസ്ഥാന സബ്സിഡികള് വില ഇനിയും കുറയ്ക്കുമെന്ന കാര്യം മറ്റൊരു വസ്തുതയാണ്.
വിലയും ഡിസൈനും മൊത്തത്തില് പരിശോധിക്കുകയാണെങ്കില്, ബൗണ്സ് ഇന്ഫിനിറ്റി ഈ വിഭാഗത്തില് എതിരാളികളെ മറികടക്കുന്നൊണ് റിപ്പോര്ട്ടുകള് പറയുന്നത്. കുറച്ച് ദിവസങ്ങള്ക്ക് മുമ്പ് ഇലക്ട്രിക് സ്കൂട്ടര് നിരത്തുകളില് പരീക്ഷണയോട്ടം നടത്തുന്നതിന്റെ ചിത്രങ്ങള് പുറത്തുവന്നിരുന്നു.
22 മോട്ടോര്സ് സ്വന്തമാക്കിയ ശേഷം, ബൗണ്സ് ഇവി അതിന്റെ ആദ്യത്തെ ഇലക്ട്രിക് സ്കൂട്ടറിന്റെ ലോഞ്ചിനായി തയ്യാറെടുക്കുന്ന തിരക്കിലാണ്. 22 മോട്ടേര്സിന്റെ ഫ്ലോ ആണ് ഇതിന് ഏറ്റവും സാധ്യതയുള്ള പ്രചോദനം എന്നതിനാല്, ബൗണ്സ് ഇവിക്ക് വൃത്താകൃതിയിലുള്ള ഓള്-എല്ഇഡി ഹെഡ്ലാമ്പും വൃത്തിയായി ടക്ക് ചെയ്ത പില്യണ് ഫൂട്ട്റെസ്റ്റുകളും സമാനമായ ഒഴുകുന്ന ഡിസൈന് ലഭിച്ചതില് അതിശയിക്കാനില്ലെന്ന് വേണം പറയാന്.
എന്നിരുന്നാലും, സീറ്റിംഗ് ഡിസൈനില് മാറ്റമുണ്ടെന്നും നേരത്തെ പുറത്തുവന്ന ചിത്രങ്ങള് വെളിപ്പെടുത്തുന്നു. എല്സിഡി ഇന്സ്ട്രുമെന്റ് ക്ലസ്റ്റര്, രണ്ടറ്റത്തും സിംഗിള് ഡിസ്ക് ബ്രേക്കുകള്, ഹബ് മൗണ്ടഡ് മോട്ടോര് എന്നിവയും സ്പൈ ചിത്രങ്ങള് വെളിപ്പെടുത്തിയിരുന്നു.
ബൗണ്സ് ഇ-സ്കൂട്ടര് ഫ്ലോയിലെ 2.1kW മോട്ടോറിനേക്കാള് ശക്തമാകുമെന്ന് പ്രതീക്ഷിക്കുന്നത്. എന്നിരുന്നാലും, യുഎസ്പി ഇ-സ്കൂട്ടറിന്റെ സ്വാപ്പ് ചെയ്യാവുന്ന ബാറ്ററി സാങ്കേതികവിദ്യയാണ് പ്രധാന സവിശേഷത. ഇത് രാജ്യത്ത് ഇവി വില്പ്പന ത്വരിതപ്പെടുത്തുമെന്നാണ് നിര്മാതാക്കള് പ്രതീക്ഷിക്കുന്നത്.
അതേസമയം 10 നഗരങ്ങളിലായി 900 പുതിയ ലൊക്കേഷനുകളിലേക്ക് ബാറ്ററി സ്വാപ്പിംഗ് ഇന്ഫ്രാസ്ട്രക്ചര് വികസിപ്പിക്കുന്നതിന് ബൗണ്സ് Readassist, Helloworld, Kitchens, Goodbox എന്നിവയുമായി സഹകരിച്ച് പ്രവര്ത്തിക്കുമെന്നും വ്യക്തമാക്കിയിട്ടുണ്ട്.
3,500-ലധികം ബാറ്ററി സ്വാപ്പിംഗ് സ്റ്റേഷനുകള് സ്ഥാപിക്കാന് പാര്ക്ക് പ്ലസുമായി കമ്പനി കൈകോര്ത്തതായും നേരത്തെ റിപ്പോര്ട്ടുകള് പുറത്തുവന്നിരുന്നു. തങ്ങളുടെ ഉപഭോക്താക്കള് എവിടെയായിരുന്നാലും ഒരു കിലോമീറ്ററിനുള്ളില് ബാറ്ററി സ്വാപ്പിംഗ് സ്റ്റേഷനുകള് സ്ഥാപിക്കാനും അടുത്ത 24 മാസത്തിനുള്ളില് ശക്തമായ സ്വാപ്പിംഗ് ഇന്ഫ്രാസ്ട്രക്ചര് നിര്മ്മിക്കാനും ബൗണ്സ് ലക്ഷ്യമിടുന്നു.
ബൗണ്സ് പുതിയ ഇന്ഫിനിറ്റി ഇലക്ട്രിക് സ്കൂട്ടര് രാജസ്ഥാനിലെ ഭിവാഡിയിലുള്ള പ്ലാന്റിലാകും നിര്മ്മിക്കുക. ഈ സ്ഥാപനത്തിന് പ്രതിവര്ഷം 1,80,000 സ്കൂട്ടറുകള് നിര്മ്മിക്കാനുള്ള ശേഷിയുണ്ടെന്നും, ദക്ഷിണേന്ത്യയില് മറ്റൊരു പ്ലാന്റ് സ്ഥാപിച്ച് ഉല്പ്പാദനശേഷി വിപുലപ്പെടുത്താനാണ് കമ്പനിയുടെ പദ്ധതിയിടുന്നതെന്നും റിപ്പോര്ട്ടില് പറയുന്നു.
ഈ പുതിയ ബാറ്ററി സ്വാപ്പിംഗ് സ്റ്റേഷനുകള് റെസിഡന്ഷ്യല് ഏരിയകള്, പ്രധാന പാര്ക്കിംഗ് സ്ഥലങ്ങള്, മാളുകള്, കോര്പ്പറേറ്റ് ഓഫീസുകള്, മറ്റ് സ്ഥലങ്ങള് എന്നിവിടങ്ങളില് ലഭ്യമാകും. തങ്ങളുടെ ബാറ്ററി പായ്ക്കുകള് സ്വാപ്പ് ചെയ്യാന് ആഗ്രഹിക്കുന്ന ഉപഭോക്താക്കള്ക്ക് ബൗണ്സ്, പാര്ക്ക് പ്ലസ് ആപ്പുകള് ഉപയോഗിച്ച് അടുത്തുള്ള ബാറ്ററി റീപ്ലേസ്മെന്റ് സൗകര്യം കണ്ടെത്താനാകും.
നിലവിലെ ഇന്ധന സ്റ്റേഷനുകള്ക്ക് സമാനമായ രീതിയില് ബാറ്ററി സ്വാപ്പിംഗ് സ്റ്റേഷനുകള് കാണാനാകും. ഈ സ്റ്റേഷനുകള് ചാര്ജ്ജ് ചെയ്തതും റെഡി-ഗോ ബാറ്ററികളും നല്കും, ഉപഭോക്താക്കള്ക്ക് ഒരു മിനിറ്റിനുള്ളില് ചാര്ജ് തീര്ന്ന ബാറ്ററികളുമായി എളുപ്പത്തില് സ്വാപ്പ് ചെയ്യാന് കഴിയും. ഈ ഇന്ഫ്രാസ്ട്രക്ചര് ഉള്ളതിനാല്, ഉപഭോക്താക്കള് സ്കൂട്ടര് ചാര്ജ് ചെയ്യാന് കാത്തിരിക്കുകയോ സ്കൂട്ടര് ചാര്ജ് ചെയ്യാന് മറന്നാല് വിഷമിക്കുകയോ ചെയ്യേണ്ടതില്ലെന്ന് ബൗണ്സ് അവകാശപ്പെടുന്നു.
Continue with Google