Just In
- 39 min ago ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- 1 hr ago ക്രാഷ് ടെസ്റ്റിൽ ഹോണ്ടയുടെ 'മാരുതി'യായി അമേസ്; ഇടിപ്പരീക്ഷയിൽ കിട്ടിയത് വെറും 2-സ്റ്റാർ റേറ്റിംഗ്
- 2 hrs ago പപ്പടം പോലെ പൊടിയില്ല! കുട്ടികളുടെ സുരക്ഷയിൽ 5-സ്റ്റാർ നേടി കാരെൻസ്; മുതിർന്നവരുടെ കാര്യത്തിൽ മെച്ചപ്പെടണം
- 3 hrs ago കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ
Don't Miss
- Finance മുന്നേറ്റം തുടരാൻ ഗ്രീൻ സ്റ്റോക്ക്, വളർച്ച 37 ശതമാനം വരെ, ഓഹരി വാങ്ങാൻ ബ്രോക്കറേജ് നിർദ്ദേശം
- Lifestyle രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം
- Movies 'ഇപ്പോൾ തീപ്പൊരിയല്ല കാട്ടുതീയാണ്, അന്ന് കിട്ടിയ എനർജി ലൈഫിന്റെ അവസാനം വരെയുണ്ടാകും'; സിജോ തിരിച്ചുവന്നു
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
Gold Star റെട്രോ മോട്ടോര്സൈക്കിള് അവതരിപ്പിച്ച് BSA; എതിരാളി Royal Enfield 650
കുറച്ച് ദിവസങ്ങള്ക്ക് മുമ്പ്, BSA മോട്ടോര്സൈക്കിള്സ് സോഷ്യല് മീഡിയയിലൂടെ തങ്ങളുടെ തിരിച്ചുവരവ് ഔദ്യോഗികമായി പ്രഖ്യാപിച്ചിരുന്നു. ലോകമെമ്പാടുമുള്ള BSA ആരാധകര്ക്കിടയില് ആവേശം ഉണര്ത്താന് സഹായിച്ചുകൊണ്ട് ആനന്ദ് മഹീന്ദ്രയും ഇത് റീട്വീറ്റ് ചെയ്യുകയും ചെയ്തിരുന്നു.
ഇപ്പോഴിതാ, അവരുടെ ആദ്യ മോട്ടോര്സൈക്കിള് ഔദ്യോഗികമായി പുറത്തിറക്കിയിരിക്കുകയാണ് BSA. ക്ലാസിക് ലെജന്ഡ്സിന്റെ ഉടമസ്ഥതയില് അവരുടെ ആദ്യത്തെ ന്യൂ ജെന് മോട്ടോര്സൈക്കിള് അനാച്ഛാദനം ചെയ്തുകൊണ്ട് ബര്മിംഗ്ഹാം സ്മോള് ആംസ് അല്ലെങ്കില് BSA ഔദ്യോഗികമായി അതിന്റെ പുനരുജ്ജീവനം അടയാളപ്പെടുത്തിയിരിക്കുകയാണ്.
യുകെയിലെ ബര്മിംഗ്ഹാമില് നടന്ന പ്രത്യേക പരിപാടിയിലാണ് പുതിയ BSA മോട്ടോര്സൈക്കിള് പ്രദര്ശിപ്പിച്ചത്. ചിത്രങ്ങള് BSA മോട്ടോര്സൈക്കിള്സ് ഫേസ്ബുക്ക് പേജില് പങ്കുവെയ്ക്കുകയും ചെയ്തു. ഈ പുതിയ BSA മോട്ടോര്സൈക്കിളിനെ ഗോള്ഡ്സ്റ്റാര് 650 എന്ന് വിളിക്കാന് സാധ്യതയുണ്ടെന്നും റിപ്പോര്ട്ടില് പറയുന്നു.
2021 ഡിസംബര് 4 മുതല് 12 വരെ യുകെയിലെ ബര്മിംഗ്ഹാമില് നടക്കാനിരിക്കുന്ന മോട്ടോര്സൈക്കിള് ലൈവ് ഷോയില് ഇത് പൊതു പ്രദര്ശനത്തില് പ്രദര്ശിപ്പിക്കും. BSA ഗോള്ഡ്സ്റ്റാര് 650 ഒരു സിലിണ്ടര് ഉപയോഗിച്ചാണ് പ്രവര്ത്തിക്കാന് സാധ്യത.
650 സിസി എഞ്ചിന്, യുകെയിലെയും മറ്റ് വിപണികളിലെയും റോയല് എന്ഫീല്ഡ് 650 ഇരട്ടകള്ക്ക് എതിരെയാകും മത്സരിക്കുക. 1970-കളില് BSA മോട്ടോര്സൈക്കിളുകള് പ്രവര്ത്തനരഹിതമായെങ്കിലും 2016 മുതല് BSA പ്രോജക്റ്റിന്റെ ചുമതലയുള്ള മഹീന്ദ്രയുടെ അനുബന്ധ സ്ഥാപനമായ ക്ലാസിക് ലെജന്ഡ്സിനൊപ്പം, അന്താരാഷ്ട്ര വിപണികളില് കൂടുതല് ശ്രദ്ധ കേന്ദ്രീകരിച്ച് ബ്രാന്ഡിനെ തിരികെയെത്തിക്കാന് പദ്ധതികളിട്ടിരുന്നു.
ഇതിന്റെ ഭാഗമായി ക്ലാസിക് ലെജന്ഡ്സ് BSA-യെ ഏകദേശം 28 കോടി രൂപയ്ക്ക് ഏറ്റെടുത്തു. ഈ പ്രഖ്യാപനത്തോടെ, ക്ലാസിക് ലെജന്ഡ്സിന് അവരുടെ പുതിയ മോട്ടോര്സൈക്കിള് അണിയറയില് ഒരുക്കാന് സമയം ലഭിച്ചില്ലെന്നും റിപ്പോര്ട്ടില് പറയുന്നു.
ക്ലാസിക് ലെജന്ഡ്സ് ഓക്സ്ഫോര്ഡ്ഷയറിലെ ബാന്ബറിയില് ഒരു സാങ്കേതിക, ഡിസൈന് കേന്ദ്രം സ്ഥാപിച്ചു, തുടര്ന്ന് മിഡ്ലാന്ഡിലെ BSA പ്ലാന്റില് പുതിയ മോട്ടോര്സൈക്കിളുകളുടെ അസംബ്ലിയും ആരംഭിച്ചു. പ്രീമിയം ബൈക്ക് വിഭാഗത്തിലാണ് ഈ പുതിയ BSA മോട്ടോര്സൈക്കിള് സ്ഥാനം പിടിക്കുക.
പഴയ BSA ബൈക്കുകളുടെ സ്വഭാവത്തോടുകൂടിയതും എന്നാല് ആധുനിക അടിവരയോടുകൂടിയതുമായ ഒരു ക്ലാസിക് ഡിസൈനിലാണ് പുതിയ മോഡലിനെ അവതരിപ്പിച്ചിരിക്കുന്നത്. ഇത് ആദ്യം യുകെയില് വില്പ്പനയ്ക്കെത്തുമെന്നാണ് സൂചന. വൈകാതെ തന്നെ ഇന്ത്യയിലേക്കും എത്തിക്കുമെന്ന് വ്യക്തമാക്കിയിട്ടുണ്ട്.
പുതിയ 650 സിസി ഒരു റെട്രോ തീം ഡിസൈന് തന്നെ തുടരും. സംയോജിത ഡിആര്എല്ലുകള്, എല്ഇഡി ടെയില് ലാമ്പ്, ടിയര് ഡ്രോപ്പ് ആകൃതിയിലുള്ള ഫ്യുവല് ടാങ്ക്, വിശാലമായ സെറ്റ് ഹാന്ഡില്ബാറുകള് എന്നിവയുള്ള വൃത്താകൃതിയിലുള്ള ഹെഡ്ലാമ്പും ഇതിന് ലഭിക്കുന്നു.
മുന്നിലും പിന്നിലും വിശാലമായ ഫെന്ഡറുകളും ലഭിക്കും. പിറെല്ലി ടയറുകള് കൊണ്ട് പൊതിഞ്ഞ സ്പോക്ക്ഡ് വീലുകളായിരിക്കും മോട്ടോര്സൈക്കിള് നിരത്തിലെത്തുക. ക്രോമിന്റെ വിപുലമായ ഉപയോഗം അതിന്റെ ബോഡിയിലുടനീളം കാണാന് സാധിക്കും.
ഹെഡ്ലാമ്പ് മുതല് ഫ്യുവല് ടാങ്ക് വരെ അതിന്റെ എക്സ്ഹോസ്റ്റ് പൈപ്പിലേക്കും എഞ്ചിന് കേസിംഗിലേക്കും ക്രോം വ്യാപിക്കുന്നു. നീളമേറിയ ഇരിപ്പിടവും നേരായ റൈഡിംഗ് പൊസിഷനും അതിന്റെ റെട്രോ തീം കാണിക്കുന്നുവെന്നും കമ്പനി വ്യക്തമാക്കുന്നു.
പുതിയ BSA ഗോള്ഡ്സ്റ്റാറിലെ എഞ്ചിന് സവിശേഷതകളില് 47 bhp പവറും 40 Nm ടോര്ക്കും നല്കുന്ന 650 സിസി മോട്ടോര് ഉള്പ്പെടാനാണ് സാധ്യത. ഭാവിയിലെ മലിനീകരണ മാനദണ്ഡങ്ങള് പാലിക്കുന്നതിനായി എഞ്ചിന് ലിക്വിഡ് കൂള്ഡ് ആയിരിക്കും.
സ്റ്റാന്ഡേര്ഡായി ഡ്യുവല് ചാനല് എബിഎസിനൊപ്പം മുന്നിലും പിന്നിലും ഡിസ്ക് ബ്രേക്കുകള് ലഭിക്കും. മറ്റൊരു വാര്ത്തയില്, സീറോ എമിഷന് മോട്ടോര്സൈക്കിളുകള് വികസിപ്പിക്കുന്നതിനായി BSA മോട്ടോര്സൈക്കിള് കമ്പനിക്ക് യുകെ സര്ക്കാരില് നിന്ന് 4.6 ദശലക്ഷം GBP (45.20 കോടി രൂപ) ഗ്രാന്റ് ലഭിച്ചതായും റിപ്പോര്ട്ടുകളുണ്ട്. യുകെയിലെ മിഡ്ലാന്ഡിലുള്ള കമ്പനിയുടെ ആര് ആന്ഡ് ഡി സെന്ററില് ഇവ വികസിപ്പിച്ചെടുക്കുമെന്നും, ഉല്പ്പാദനം ഉടന് ആരംഭിക്കുമെന്നും റിപ്പോര്ട്ടില് പറയുന്നു.
BSA മോട്ടോര്സൈക്കിള് ബ്രാന്ഡിനെ പുനരുജ്ജീവിപ്പിക്കാന് ഇലക്ട്രിക് മോട്ടോര്സൈക്കിള് അവതരിപ്പിക്കുന്നതിനു പുറമേ, ക്ലാസിക് ലെജന്ഡ്സ് അതിന്റെ റീട്ടെയില് ഔട്ട്ലെറ്റ് ശൃംഖല ഗണ്യമായി വികസിപ്പിക്കാനും ലക്ഷ്യമിടുന്നു. അടുത്ത ഒരു വര്ഷത്തിനുള്ളില് ഇന്ത്യയിലുടനീളം 500 ഡീലര്ഷിപ്പുകളുടെ ശൃംഖലയാണ് കമ്പനി ലക്ഷ്യമിടുന്നത്.
നിലവില്, കമ്പനിക്ക് 150 നഗരങ്ങളിലായി 187 ഡീലര്ഷിപ്പുകളുണ്ട്, ക്വാര്ട്ടര് ലീറ്റര് വിഭാഗത്തില് റെട്രോ-സ്റ്റൈല് മോട്ടോര്സൈക്കിളുകളാകും ഇവിടെ വില്ക്കുക. ഇന്ത്യന് ഓട്ടോമൊബൈല് ബ്രാന്ഡായ മഹീന്ദ്ര ആന്ഡ് മഹീന്ദ്ര 2016-ല് ഐക്കണിക്ക് ചെക്ക് മോട്ടോര്സൈക്കിള് നിര്മാതാക്കളായ ജാവയുമായി ഒരു കരാര് ഉണ്ടാക്കി. ഈ ഡീല് നിരവധി രാജ്യങ്ങളില് ജാവ ബാഡ്ജിന് കീഴില് മോട്ടോര്സൈക്കിളുകള് അവതരിപ്പിക്കാന് ക്ലാസിക് ലെജന്ഡ്സിനെ അനുവദിക്കുകയും ചെയ്യുന്നു.
നിലവില്, മഹീന്ദ്ര ആന്ഡ് മഹീന്ദ്രയ്ക്ക് കമ്പനിയില് 60 ശതമാനം ഓഹരിയുണ്ട്. ബാക്കിയുള്ള 40 ശതമാനം ക്ലാസിക് ലെജന്ഡ്സിന്റെ സ്ഥാപകനായ അനുപം തരേജയുടെയും, റുസ്തംജീ ഗ്രൂപ്പിന്റെ ചെയര്മാനും എംഡിയുമായ ബോമന് ഇറാനിയുടെയും ഉടമസ്ഥതയിലുള്ളതാണ്.