കാത്തിരിപ്പിന് വിരാമം; ഡ്യുക്കാട്ടി മൾട്ടിസ്ട്രാഡ V4 ജൂലൈയിൽ ഇന്ത്യൻ വിപണിയിലെത്തും

ഡ്യുക്കാട്ടിയിൽ നിന്നുള്ള പുതിയ അഡ്വഞ്ചർ ടൂറർ ഇതിനകം അന്താരാഷ്ട്ര വിപണികളിൽ V4, V4 S, V4 സ്പോർട്ട് എന്നിങ്ങനെ മൂന്ന് ട്രിമ്മുകളിൽ വിൽപ്പനയ്ക്കെത്തുന്നു. മോട്ടോർസൈക്കിൾ ഈ മൂന്ന് ട്രിമ്മുകളുമായി ഇന്ത്യൻ വിപണിയിൽ എത്തുമെന്ന് പ്രതീക്ഷിക്കുന്നു.

പൂർണ്ണമായും നവീകരിച്ച മോട്ടോർസൈക്കിളായി സ്ക്രാച്ചിൽ നിന്നാണ് പുതിയ മൾട്ടിസ്ട്രാഡ V4 നിർമ്മിച്ചിരിക്കുന്നു. പുതിയ സസ്‌പെൻഷൻ, ബ്രേക്കുകൾ, ചാസി, എഞ്ചിൻ എന്നിവ ബൈക്കിലുണ്ട്.

പുതിയ മൾട്ടിസ്ട്രാഡ V4 -ന്റെ ഹൃദയഭാഗത്ത് V4 ഗ്രാന്റൂറിസ്മോ പവർട്രെയിൻ സ്ഥാപിച്ചിരിക്കുന്നു, ഇത് 10,500 rpm -ൽ 170 bhp കരുത്തും 8,750 rpm -ൽ 125 Nm torque ഉം പുറപ്പെടുവിക്കുന്നു.

9,500 rpm -ൽ 158 bhp കരുത്തും 7,500 rpm -ൽ 128 Nm torque ഉം മുമ്പ് വാഗ്ദാനം ചെയ്തിരുന്ന 1,262 സിസി V-ട്വിൻ എഞ്ചിന് പകരമാണിത്. മുമ്പത്തെ V-ട്വിൻ യൂണിറ്റിൽ ഡെസ്മോഡ്രോമിക് വാൽവുകൾ ഉൾപ്പെട്ടിരുന്നുവെങ്കിലും പുതിയ എഞ്ചിന് സ്പ്രിംഗ് വാൽവ് റിട്ടേൺ സിസ്റ്റം ലഭിക്കുന്നു.

പുതിയ പവർട്രെയിനിൽ 60,000 കിലോമീറ്റർ വാൽവ് ട്രെയിൻ സർവീസ് ഇടവേളയുണ്ട്. പുതിയ മൾട്ടിസ്ട്രാഡ V4 സവിശേഷതകളും റൈഡർ സുരക്ഷാ എയിഡുകളും ഉൾക്കൊള്ളുന്നു.

കോർണറിംഗ് ABS, ഡ്യുക്കാട്ടി ട്രാക്ഷൻ കൺ‌ട്രോൾ (DTC), ഡ്യുക്കാട്ടി വീലി കൺ‌ട്രോൾ (DWC) എന്നിവ ADV -യിലെ ചില പ്രധാന ഇലക്ട്രോണിക്സ് സവിശേഷതകളാണ്.

ഉയർന്ന സ്‌പെക്ക് V4 S ട്രിമ്മുകൾക്ക് ഇതിന് പുറമേ പുറമേ വെഹിക്കിൾ ഹോൾഡ് കൺട്രോൾ (VHC), സെമി-ആക്റ്റീവ് ഡ്യുക്കാട്ടി സ്കൈഹൂക്ക് സസ്പെൻഷൻ (DSS) കൺട്രോൾ സിസ്റ്റം, ഓട്ടോലെവലിംഗ് ഫംഗ്ഷൻ, ഡ്യുക്കാട്ടി കോർണറിംഗ് ലൈറ്റ്സ് (DCL) എന്നിവ ലഭിക്കുന്നു.

ഇതുകൂടാതെ, പുതിയ മൾട്ടിസ്ട്രാഡയുടെ ഏറ്റവും സവിശേഷമായ ഫീച്ചർ അതിന്റെ റഡാർ സഹായത്തോടെയുള്ള അഡാപ്റ്റീവ് ക്രൂയിസ് കൺട്രോളാണ്, അത് V4 S ട്രിമിൽ ലഭ്യമാണ്.

പുതിയ മൾട്ടിസ്ട്രാഡ V4 മോഡൽ ബി‌എം‌ഡബ്ല്യു R‌1250 GS, ഹാർലി-ഡേവിഡ്‌സൺ പാൻ‌ അമേരിക്ക എന്നീ ബൈക്കുകൾ‌ക്ക് നേരിട്ടുള്ള എതിരാളിയാകും.