Click it and Unblock the Notifications
ആറ് ഇലക്ട്രിക് വാഹനങ്ങള് അവതരിപ്പിക്കാനൊരുങ്ങി എര്ത്ത് എനര്ജി
ഈ വര്ഷം പുതിയ ആറ് വാണിജ്യ, വാണിജ്യേതര വാഹനങ്ങള് വിപണിയില് അവതരിപ്പിക്കാനുള്ള പദ്ധതി പ്രഖ്യാപിച്ച് ഇലക്ട്രിക് വാഹന നിര്മ്മാതാക്കളായ എര്ത്ത് എനര്ജി.
B2B, B2C വിഭാഗങ്ങളില് വരാനിരിക്കുന്ന ഉത്പ്പന്നങ്ങള്ക്കായി 96 ശതമാനം പ്രാദേശികവല്ക്കരണം ബ്രാന്ഡ് വാഗ്ദാനം ചെയ്യുന്നു. ഇന്ത്യയില് തന്നെ ഇവി ബാറ്ററികള് ഉത്പാദിപ്പിക്കുമെന്ന് എര്ത്ത് എനര്ജി വ്യക്തമാക്കി.
വൈദ്യുതോര്ജ്ജമുള്ള വാഹനത്തിലെ ഏറ്റവും ചെലവേറിയ ഘടകമാണ് ബാറ്ററി പായ്ക്കുകള് എന്നതിനാല് ഇവികളുടെ വില ഗണ്യമായി കുറയ്ക്കുകയാണ് ഇതിലൂടെ കമ്പനി ലക്ഷ്യമിടുന്നത്.
MOST READ: ഓണ്ലൈന് കച്ചവടം ഉഷാറാക്കി ഫോക്സ്വാഗണ്; ലേക്ക്ഡൗണ് നാളില് 75 ശതമാനം വര്ധനവ്
സ്റ്റാര്ട്ടപ്പ് അതിന്റെ ഉത്പ്പന്നങ്ങള് ജനുവരി അവസാന വാരത്തില് സമാരംഭിക്കുമെന്നാണ് സൂചന. എന്നിരുന്നാലും, ഒരു ക്രൂസര്-സ്റ്റൈല് മോട്ടോര്സൈക്കിള് ഉള്പ്പെടെയുള്ള ഇലക്ട്രിക് മോട്ടോര്സൈക്കിളുകളുടെ ചില ടീസര് ചിത്രങ്ങള് കമ്പനി അതിന്റെ സോഷ്യല് മീഡിയയില് പങ്കുവെച്ചിരിക്കുന്നത് കാണാം.
അതിനാല്, ജനുവരി 26-ന് ഇന്ത്യയിലെ ആദ്യത്തെ ഇലക്ട്രിക് ക്രൂയിസറിന്റെ ലോഞ്ച് ഉണ്ടായേക്കാമെന്നും റിപ്പോര്ട്ടില് പറയുന്നു. ഈ വര്ഷം അതിന്റെ ഉത്പ്പന്ന സമാരംഭ പദ്ധതിയുടെ ഭാഗമായ ഇലക്ട്രിക് വാണിജ്യ വാഹനങ്ങളിലേക്കും ബ്രാന്ഡ് എത്തിയേക്കും.
ഒന്നിലധികം മോഡലുകള്ക്ക് ഉപയോഗിക്കാന് കഴിയുന്ന സ്കേറ്റ്ബോര്ഡ് പ്ലാറ്റ്ഫോമാകും ഇലക്ട്രിക് മിനി ട്രക്കുകള്ക്ക് വാഗ്ദാനം ചെയ്യുക. എര്ത്ത് എനര്ജി ഇവി അതിന്റെ വെബ്സൈറ്റില് ഇലക്ട്രിക് സ്കൂട്ടറുകളും പ്രദര്ശിപ്പിക്കുന്നു.
ഉദാഹരണത്തിന്, 100 കിലോമീറ്റര് പരിധിയും 2.5 മണിക്കൂര് മുഴുവന് ചാര്ജും ഉള്ള ഗ്ലൈഡ്. മുംബൈയുടെ പ്രാന്തപ്രദേശത്ത് ഒരു നിര്മാണ പ്ലാന്റുള്ള കമ്പനിക്ക് ഓപ്പണ് എന്ഡ് കസ്റ്റമൈസ് ചെയ്യാവുന്ന ഇലക്ട്രിക് വാഹനങ്ങളുടെയും ഇവി ചാര്ജറുകളുടെയും വികസനത്തില് സജീവമായി പ്രവര്ത്തിക്കുന്നു.
MOST READ: സഫാരിയിൽ 6 സീറ്റർ, 7 സീറ്റർ പതിപ്പുകളും; അരങ്ങേറ്റത്തിന് ഒരുങ്ങി ടാറ്റ
മുംബൈയില് നിര്മാണ പ്ലാന്റ് സ്ഥിതിചെയ്യുന്നതിനാല് ഈ വര്ഷം 4,500 യൂണിറ്റ് ഇലക്ട്രിക് വാഹനങ്ങളുമായി ഇവി വിപണി സുഗമമാക്കുകയാണ് കമ്പനി ലക്ഷ്യമിടുന്നത്.
65,000 യൂണിറ്റുകളുടെ വാര്ഷിക ശേഷിയുള്ള വെസ്റ്റേണ് സ്റ്റേറ്റില് ഗ്രീന്ഫീല്ഡ് നിര്മ്മാണ കേന്ദ്രം സ്ഥാപിക്കുന്നതിനുള്ള പുരോഗതിയിലാണ് എര്ത്ത് എനര്ജി. ഉല്പാദന കണക്കുകളില് 23 ശതമാനം CAGR കാണാനാകുമെന്ന് കമ്പനി പ്രതീക്ഷിക്കുന്നു.
MOST READ: അംബാനിയുടെ സുരക്ഷ വലയം ശക്തമാക്കാൻ മെർസിഡീസ് ബെൻസ് G63 AMG
എര്ത്ത് എനര്ജി മുമ്പ് സ്വകാര്യ നിക്ഷേപകരില് നിന്ന് നിക്ഷേപം സ്വരൂപിക്കുകയും 2018 ല് സ്മാര്ട്ട്സിറ്റി ദുബായ് ആക്സിലറേറ്റര് പ്രോഗ്രാമിന്റെ ഭാഗമാവുകയും ചെയ്തിരുന്നു.
നിര്ണായക പ്രതിഭകളെ നിയമിക്കാനും വില്പ്പന ശൃംഖലയെ ശക്തിപ്പെടുത്താനും മെച്ചപ്പെട്ട ഒഇഎം ബന്ധങ്ങളിലൂടെ വാഹനങ്ങളുടെ ഉത്പാദനത്തിന് തയ്യാറാക്കാനും ഫണ്ടിംഗ് ഉപയോഗിച്ചുവെന്നും റിപ്പോര്ട്ടില് പറയുന്നു.
Continue with Google